Jut 1:11 - Nobonob Baibel

¹¹ Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.

Jut 1:11 ပူးပေါင်းရင်းမြစ်များ

2 King 16:16

Ahas nug anam haknunab a, mana mettak danab Uraia nug haen oh king nai aum oɗe dim lamitta, anamib hettom.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Aisaia 3:9

Ag hipunin hetteb amunu, ag oolagppa aab daatte. Aab amu daya, aab dayak amu ag iɗulagppa danab ah anidkkulagnu bette. Ag Sodom danab anukka heppig bia, ag miag atiak hetteb. Hipunin ag hetteb ele, ag lokkumak ii hetteb. Ahilagnu amu, gadonnab gadon. Aɗinu? Ag bu nau aoglag. Ao, ag akka ag beɗulagppa, ag bu nau amu aoglagnu ib ooɗppig daatteb.

Jeremaia 13:27

Ag Juda ⌊ag kayak hambuppuak dim lamadnana, ag noolagppa dup nona binalag meegeg uɗie, gemu ele hetteb amu, haen ag amu henana, kayak hambuppuak amu dilag kobolppa ag⌋ danab ah ewau matulak ii awak ele, ag laa ele mauhnoak niiglagnu duttunak eheɗ doon, hos hetteb bia uɗa nak iitta ele henana, ag ib baag ah hetteb bia aakku heegeg uɗie, gemu ele hetteb. Ag amu heegeg, uɗie gemu ele hetteb amunu, da heppi, laa ag amu anidna dooppeg, ag Juda, ag uɗalag eheɗ nekku. Laa ag haen amuppa anadkkulag, amge da ahilag eheɗ hak nau, da hak amunu oolppa uuaknab doottem, da hak ahilag amu aakku antten malami. Ag qauko nakok igippa, dadppa ele ⌊kayak hambuppuak noolagppa dup nona binalag menana,⌋ eheɗ hak amu oh heppig, gemu ele hetteb. O gadon, Juda danab ah, ahilagnu gadonnab gadon. Ag heegeg, oolagppa dubuttid daatte; amu haen gane laa ele ukkeb, ag anamib daaglagnu uuglag.” Yawe Nug anam atte.

Esekiel 13:3

Naɗi Yawe Nug inam atte. ‘Ag propet hambuppuak, ag dabmak tutukku iitta ele, ag akka ahilag dabmak dim lamidtteb, ag keeke laa da ii ippunadminu mattinna, da ag ippunadmi bia maditteb amu, ahilagnu am gadonnab gadon.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Sekaraia 11:17

O gadonnab gadon! Danab okkai amu, nug sipsip pehettak ii gumadtte, nug genab bu okkai aokku. Qep elab nug eppeg okkuleb, nug ameg naɗiap ele yaakku. Ao, nug eppeg am aakku nauhak dayebeb, nug ameg naɗiap ele gaɗuak daakku.” Yawe Nug anam awa atte.

Namba 31:16

Ah amu ag aakku, ag Balamnu ulum nai dim lamidna, ag Peor appa ⌊Israel kobol nau hekkulagnu oolag eeɗna⌋ heeg, Israel danab ah Yawenu oo metta ii uuak kobol ii dim lamidna, hipunin heppig. Ag anam heppig amu, ag amu iite dootteb? Ah amu ag anam heeg amu, oɗe nau danab kuɗum aqe mauhtteb ele, oɗe amu Yawenu danab ah dilagppa beum.

Matyu 11:21

“O gadonnab gadon aab Korasin, o gadonnab gadon aab Betsaida ele. Da ahilah danab oolagppa oiyeye, kobol digdig danab hekkunu elele iitta hemi amu, danab laa nug Tair Saidon ele, danab appa daatteb ag am iitta aɗi danab amu, nug danab amu ahilagppa kobol amubia helo, Tair Saidon ele dilah danab ag anukkanab lamen heɗiag ele takkan, uhuɗppa daanna, ag oolag eɗulo.

Duteronomi 23:4

Danab amu ag, ag haen ag Israel ag Isipnu ahan ukkaeg, ag ena hena, ee, le ele ii madappig. Iitta. Ag Beor bekka Balam, Peto ted Aram Naharaim uppanu amu, ag nug uɗia, ag eheɗ laa awaknu anak waappa daaglagnu akkunu, nug uɗat medappig.

Hibru 11:4

Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

2 Pita 2:15

Hambuppuak ippunittak danab amu, ag ib tutukku ettan, ib eheɗppa gotteb. Ag Beor bekka Balam, nug ib dim lamittom ele dim lamidtteb. Balam nug men doɗonu oo mauhe, kobol nau haaha, men doɗo aokkunu dabmeum.

1 Jon 3:12

Ag Kain bia aib oippig. Kain nug Satannu danab, amu nug amag qe mauhom. Nug nuhig kobol eheɗ, amagnu kobol amu tutukku, amunu nug qe mauhom.

Revelesen 2:14

Amge eheɗ hak nahip laippu laippu imunu da na amenppa iikku attem. Nahipad danab laa Pergamum appa ana daatteb, ag Balamnu kobol amu ɠagattagnab aɗatteb. Nug Balak ippunitte, Balak nug he, Israel danab ah ag hipuninppa nena qeppig. Amuam Israel aɗi ag danab laa, ag doɗ main kayak hambuppuak dottolkad madappig ele, ag doɗ amu lana, gappai kobol ele heppig.