Josua 9:7 - Nobonob Baibel

⁷ Ag anam aeg amu, Israel ag nai nob mena, Hiwi danab amelagppa appig. “Ag am miag ippanu iitta amu, ig attem heta doognig? Ag am miag ippanu anam doyadkkunig dayeb amu, ig ag ele nug tituanak ii hemata,” aon appig.

Josua 9:7 ပူးပေါင်းရင်းမြစ်များ

Genesis 10:17

Hiwi danab, Ark danab, Sin danab,

Genesis 34:2

Ukke, Hiwi danab onig Hamor, nug am wan amu dilag okkai, nug bekka Sekem nug Daina antta, ameg qe haaha amu, nug nuhigppa kobol eheɗ heum.

2 Samuel 24:7

Ag Saidon tewon, eɗun uɗinna, aab Tair aɗ ɠagattagnab eleppa nena, aab oh Hiwi danab daappig, Kanan danab daappigppa ele ebaqappig. Ag amu hewona, ag nena uɗinna, Berseba batak ag ebqak uɗat amu malappig. Berseba am Juda wannu tom yau uɗitteppanu, appa ana daatte.

Eksodas 23:22

Amge ag nai nuhig pehettaknab doon dim lamidna, keeke oh da ⌊nug oɗeppa⌋ akkul bia hekkulag dayeb amu, aria da geha kekeɗ ahilagnu kekeɗ daappi, laa ag ahilag ib oo nekkulagnu hetteb ele amu, da ahilag ib oo nekkul.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Eksodas 34:12

Amge ag tutukku dabmeig! Ag danab ah wan ag gemu gona aoglagnu hetteb, ag aguppa daatteb amu, ag Israel, ag danab ah amu ele aib nug tituanppig! Ag anam heppeg amu, danab ah amu ag oolagppa daan, ag ahilag kobol nau hekkulagnu ag eeɗadppeg, ag nena qena, nauhna autna aoglag.

Namba 33:52

ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg!

Duteronomi 20:16

Iitta. Wan Yawe, ahilag Kayak, Nug ag aulag daakkunu madatte, amuppan aab okkai amu, ag appa laa uuppeg, bau aib dayom.

Josua 11:19

Wan atu amuppan aab okkai auntai laa Israel ele oolah maɗoɗppaib daaglahnu nug tituana nai qakkak laa ii heppig. Hiwi danab Gibeonnu, agib am Israel ele maɗoɗ daaglagnu anam heppig. Laa oh ag am banppa eɗattak.

Josua 9:1

Aria, Jodan lenu qaban uɗitteppanu king oh ag aɗi keeke beumnu dooppig. King amu ag am Hit, Amo, Kanan, Peres, Hiwi, amu Jebus ele dilag king. King amu ag wan laih qauko qauko ele, amu qauko nakok qauko okkai diigppa daatteb, amuam laih qaban nedeppan wan laih, amu laih Mediterenia yu ihi ukka, Lebanon batakppa, ag appa daappig.

Ikki Danab 2:2

Am ahilagnu amu, ag danab ah wan imuppa daatteb ele, ag ag ele nug tituana nai qakkak ii hemana. Iitta. Ag amu dilag qaɗab loppaɗadkkulag,’ awe ami. Amge ag da oɗel ii dim lamidppig. Aɗinu ag anam heppig?

Ikki Danab 3:3

Amu Kanan wanppa danab huu anen anen, ahilag wan obatak laala eleppa daaegeg, Yawe uuatte daappig ele am iikku: Pilistia aab okkai tanig ele, ahilkad gumattak danab ele, amu Kanan danab, Saidon danab, Hiwi danab ele ag Lebanon wanppanu qaukoppa daappig. Ag wan amuppa qauko onig Balhermon ukka, Lebo Hamat batakppa daappig.