Josua 9:6 - Nobonob Baibel

⁶ Ag Gilgal appa Israel dilag haen tutu dayaknu aab kalakppa tena, amu ag Josua, am Israel danab ele inam iikku amelagppa appig. “Ig ag ele maɗoɗ daagnignu, ig nug tituanta nai qakkagnignu oɗ mattagnignu wan umanabnu ahat uɗimut,” aon appig.

Josua 9:6 ပူးပေါင်းရင်းမြစ်များ

1 King 8:41

Aria, wan laihnu danab ah ag ele na onin okkainu nai dooglag. Am genab, ag na onin okkainu nai, nahip ɠagattag okkainu nai, nahip kobol danab hekkunu elele iitta okkai okkainu nai ele dooglag. Ag anam dooglag, diig amunu wan laihnu danab, Israel danab iitta, ag oolagppanu aun laa nug wan umanabnu uɗia, mettid lag imu neekkittatta, nug na unuqitteb,

2 King 20:14

Hesekaia nug anam he, propet Aisaia nug aha, King Hesekaia toppa ukka, oɗ metta aum. “Danab uɗippig ele amu, ag aɗi nai madippig? Ag adeppan uɗippig?” awa oɗ mettom. Aisaia nug anam a, Hesekaia nug aum. “Ag umanunab uɗippig. Ag Babilonnu uɗippig,” awa aum.

Josua 10:43

Anam daye amu, Josua nug Israel ban danab ele ag eɗun, ahilag haen tutu dayaknu aab kalappigppa, Gilgal appa goppig.

Josua 10:6

Ag anam heeg, Josua nug Gilgal appa dayeye, Gibeon ag nai nuhignu laippun meeg ukkom. Nai meeg ukke appig. “Amo dilag king oh ag laih qauko qauko eleppa daatteb ele, ag aɗaeg o, ig banenig uɗin daattebde! Anam amunu, na pahanab uɗin, ig ehanikke! Na ig, nahip maɗi nid maɗi ah ele, na ig aib uuigme. Ig padal mematanu uɗin ehanikke!” aon appig.

Josua 4:19

Kalam digmaknu deɗ eblaih tanig eleppa, Israel danab ah ag aben Jodan le daugppa daappigppa amu uun, ahan gonana, aben laa onig Gilgal, appa ag haen tutu dayaknu aab kalan daappig. Aben onig Gilgal am wan laa, aab okkai Jerikonu tomnu kaɗag uɗitteppanu daatte, am wan amuppa, tom guguittak daatte.

Josua 5:10

Israel ag Gilgal appa Jerikonu uɗem okkaippa haen tutu dayaknu aab kalan daappigppa daanna, kalam amuppa, deɗ 14ppa amu, deɗ amu tueb ag Pasowanu Hobul gamag ahak ele heppig.

Josua 9:5

Ag anam hena, nai awa ukkak danab amu ag baelkad gaɗa nauhe, eɗua babaittak, amu lamen alag ele maadna goppig. Ag bret qaɗaiettak, gi qak ele, ag amu ele Josua ippunidkkulagnu aon goppig.

Josua 9:9

Josua nug anam a, ag nai nob mena appig. “Ig, ig ahilkad maɗi nid amu, ig Yawe, ahilag Kayak, ig Nug onig okkainu doomut amunu, ig wan umanabnu uɗimut. Ig Yawe, ahilag Kayak, nuhig hak ɠagattag, Isip appa heum amu doomut amunu, ig uɗimut.