Josua 9:10 - Nobonob Baibel

¹⁰ Ig Yawe Nug Hesbonnu King Sihon, amu Basannu King Og, nug Astarot dayom amu, ig Nug ahilahppa aɗi heum amu, ig doomut. King aɗit amu aa Amo dilag king, aa Jodan lenu kaɗag uɗitteppanu daapiɗ.

Josua 9:10 ပူးပေါင်းရင်းမြစ်များ

Genesis 14:5

Tappaeg neum amunu, maɗ 14ppa Kedolaomer, amu nug laikkud king ewam ele ag king tanig ele, ag ag ele ban hekkulagnu goppig. Gonana, ag tatam Repaim danab, Asterot Karnaim daappig amu, ag ag ele ban henana eɗadppig. Eɗadna gona, Susim danab, Ham daappig, amu Em danab, Sawe Kiriataim daappig ele, ag ag ele ban henana eɗadppig.

1 Stori 6:71

Aria, Gerson buɗub ag ele aab laala aoppig. Ag aab Israel dilag huu okkai Manase mahaib wanppanu aoppig am: Golan, Astarot ele. Ag aab aɗit amu, gikkiɗah dad okkai aab amu taliliatak daappig ele aoppig. Aab aɗit amu Basan appa daapiɗ.

Namba 20:14

Amu dimppa amu, Moses nug nai awa ukkak danab Kades appanu maatte, ag Edom dilag king toppa gona appig. “Ig, Israel danab amu, ig na laipad. Ihinigppa uug oh beum amu, na amunu doottem.

Duteronomi 1:4

Nai imu amu, nug Amo dilag king Sihon, Basan dilag king Og, ⌊amu ahilti daup ele⌋ aqattowa, nug nai imu mattiom. Sihon nug Hesbon appa dayaya, Amo danab ah gumattette, Og nug Astarot dayaya, Basan danab ah gumattom. Moses nug Edrei appa Og he nauhom.

Duteronomi 2:30

Da nai amu mei ukke doyom, amge Hesbon dilag king Sihon nug ig anam hekkunignu uuom. Aɗinu? Yawe, ahilag Kayak, Nug ag ehanatteb, ag Sihon eɗidkkulagnu, Nug he, Sihonnu dabmak aakku ɠagattag eppe, hibguitta heum. Sihon nug ag wan nuhig oppatna gokkulagnu uuom me, ag gemu dootteb bia, Yawe Nug ag ehanatte, ag nug eɗidppig.

Josua 12:4

King Og nug Basan dilag king dayom. Nug Repaim buɗubppan dimnunab, nug Astarot, amu Edrei ele appa dayaya, king dayom.

Josua 13:31

Moses nug ag Gileat maha laih, amu Basannu King Ognu king dayaknu aab okkai, Astarot, Edrei ele ag mattom. Moses nug Gileat wan amu oh am Makir buɗubppan, ag baelkadppan danab mattom. Makir nug am Manase bekka.

Josua 2:10

Ig ahilagnu baɗak okkai doottemnu diig am, Yawe Nug ehanatta, haen ag Isip uun bena uɗieg Nug he, Le Kokoɗ qaɗaiettom. Aria, Amo dilag king aɗit, aa Jodan lenu kaɗag uɗitteppanu daapiɗ amu, ag Israel, ag attem haatppig amu, ig amu ele doomut. Ag king aɗit amu, Og, Sihon ele, ag aa, amu danab ah wan ahilti, amuppa daappig ele, ag heeg, ag oh Yawenuib nuhig pelemppa daappig.

Josua 9:11

Anam amunu, ikki danab ihinkad, amu danab ah ihinkad ele ag ig ib elabnab imu uɗignignu bappaidna mekkaeg uɗimut. Ag ig amenigppa inam appig. ‘Ag gona, Israel danab ah anatteg! Anadna amu, ag ag amelagppa inam appeg dooglag. “Ig ahilkad maɗi nid daagnignu hettem amunu, ag ig ele maɗoɗ daagnignu, ig nug tituanta nai qakkagnignu oɗ madattem.” Ag anam aon aig!’ anana heeg uɗimut.

Josua 9:9

Josua nug anam a, ag nai nob mena appig. “Ig, ig ahilkad maɗi nid amu, ig Yawe, ahilag Kayak, ig Nug onig okkainu doomut amunu, ig wan umanabnu uɗimut. Ig Yawe, ahilag Kayak, nuhig hak ɠagattag, Isip appa heum amu doomut amunu, ig uɗimut.