Josua 8:33 - Nobonob Baibel

³³ Nug anam hewowa amu, nug Israel danab ah obate, ameg aɗit daappig. Obatak aɗit ohppa amu, wan laihnu danab daappig, ikki danab, Israel dilag ehanittak anuqak danab, amu epeɗiak danab, ag ele, ag oh ameg aɗit amuppa nona daappig. Ameg laa amu qauko onig Gerisim ukkakppa dayom, laa amu qauko Ebal ukkakppa dayom. Ameg aɗit amu aa Yawenu Tituanak Nainu Kunup kontrak inak ele laih laih daaeheh, mana mettak danab, ag Lewi buɗub amu, ag kunup amu maoppig ele, ag gamagppa daappig. Danab ah oh ag kunup amu neekkidna daappig. Imu oh am anukka Moses, Yawenu maɗi nid, nug Israel danab ah itittak ena aoglagnu, ag anam daan aoglagnu haknunab aum.

Josua 8:33 ပူးပေါင်းရင်းမြစ်များ

Eksodas 12:49

Amu ɗo am laippu; Israel danab, amu wan laihnu danab nug uɗia, ag oolagppa daatte ele, am ag oh, ahilag ɗo,” awa aum.

Lewitikas 24:22

Ɗo dim lamittaknu imu am, Israel danab, wan laihnu danab ele, ahilag ohnu daatte. Aɗinu? Da am Yawe, ahilag Kayak.’ ” Yawe Nug anam aum.

Namba 15:15

Ɗo amuam ag, wan laihnu danab, ag uɗin, ag oolagppa daatteb ele, am ag oh tonadtte. Ɗo imu ag hanhan dim lamidkkulag. Ag, amu wan laihnu danab, ag oh Yawe noobppa laippuib daatteb, laala iitta.

Namba 15:16

Ɗo amu oh dim lamittaknu amu, ag, amu wan laihnu danab, ag uɗin, ag oolagppa daatteb amu, am ag oh tonattom aakku daatteb,” awa aum.

Namba 15:29

Ɗo imu amu, Israel danab, amu wan laihnu danab ele, ag oh tonadtte. Aun nug Israel tedte, iitta nug wan laihnu danabte, keeke amu oh am hamu. Auntai laa nug ii doyaya, hipunin hette amu, ɗo laippu amuib ag oh tonadtte.

Jon 4:20

na appe doyei! Ig mamenkad amu, ag qauko imuppa dup noa binag mak kobol heppig, amge ag Juda, ag ig danab ah oh Jerusalem appa dup noa binag mak kobol hekkunignunab daatte atteb. ⌊Anam amu ig attem hekkunig?⌋” awa aum.

Duteronomi 11:29

Aria, haen Yawe, ahilag Kayak, Nug ag wan amu aon daaglagnu omalatteb, wan amu ooppa wakkulag dimppa amu, ag nai imu dabmekkulagnu, danab laa ag qauko Gerisim igippa daanna, ag Kayak dim lamidna, itittak ena aoglagnu nai eppeg dooglag. Dooppeg, laa ag qauko Ebal igippa daanna, ag Kayak dim ii lamidna, itittak nau aoglagnu nai ekkulagoitte.

Duteronomi 31:12

Ag danab, ah, nid naunau, wan laihnu danab ag uɗin, ag oolagppa ahilkad aab ooppa daatteb amu, ag danab ah amu oh ag Yawenu nai doon dim lamidkkulagnu, ag Yawe, ahilag Kayak, ag nuhignu ebehilag oh bodoetta le mekkunu, ag danab onilagppa eppeg uɗin qagmeig!

Duteronomi 31:25

nug Lewi buɗub ag Yawenu Tituanak Nainu Kunup kontrak inak ele maotteb amu, nug haknunab anak imu ag mattom.

Duteronomi 31:9

Moses nug ɗo imu ya, mana mettak danab ag Yawenu Tituanak Nainu Kunup kontrak inak ele maoppig, amu Israel dilag ikki danab ele mattom. Mana mettak danab ag Lewi buɗub.

Josua 23:2

Nug kainonab ma, nug Israel dilag ikki danab, danab okkai, epeɗiak danab, amu Israel dilag ehanittak anuqak danab ele onilagppa e ukkaeg, qagmaatta, nug ag amelagppa aum. “Da gemu kainonab mein, ⌊haen elab iitta da ag uuadkkul amunu, da nai imu madikkulnu hettem⌋.

Josua 24:1

Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.

Josua 3:14

Haen Israel ag goppig amu, amuam ee meu awak haen dayom. Maɗ ohppa amu, haen amuppa le ui otte amunu, le ui oum. Haen danab ah aben uun, Jodan mataɗkkulagnu heeg, aria mana mettak danab ag Tituanak Nainu Kunup kontrak inak ele, ag amu maona anuqppig. Anuqna gona, haen mana mettak danab ag leppa tappaeg amu, Yawe Nug he, le ag daappigppanu attan, appa amu, le amu nakok laa doa, noa gokkunu ii ha dayaya, uma tak aab onig Adam guguittak, appa le amu qagmaama, titiɗa qauko bia dayom. Adam am aab laa onig Saretan daugppa daatte. Jodan le baeg amu, nug noa ukka, Mauhak Leppa notte, amu oh otaɗa awom amunu, danab ah ag mataɗna, Jeriko gukkuidna wappig.

Josua 3:6

Josua nug danab ah amelagppa anam a, deɗ amu uue, wagɗe, deɗ amuppa nug mana mettak danab dilag aum. “Ag Tituanak Nainu Kunup kontrak inak ele, ag amu aon, maon anuqna gobeppeg, danab ah dim lamadna ukkeg!” Nug anam a amu, ag anam heppig.

Josua 4:10

Mana mettak danab ag Tituanak Nainu Kunup maoppig ele amu, ag anam Jodan le gamagppa hippaidna daaegeg, danab ah ag keeke oh Yawe Nug Moses oɗeppa ag hekkulagnu Josua amegppa haknunab aum, ag amu hena malappig. Amu Israel danab ah ag paha Jodan le mataɗppig.

Josua 4:18

Josua anam hekkulagnu mana mettak danab amelagppa a amu, ag Yawenu Tituanak Nainu Kunup kontrak inak ele, ag kunup amu maonna, le uun, laih teppig. Ag uɗinna, ag baelkad wan qaɗaiettakppa meeg, haen amuppanab Jodan le tatam ugakka gottom bia eɗua, ui ele ukkom.

Josua 6:6

Yawe Nug anam aum amunu, Nan bekka Josua nug mana mettak danab onilagppa e uɗieg, qagmaatta aum. “Ag Tituanak Nainu Kunup kontrak inak ele maon, mana mettak danab eblaih aɗit ele ag kunup amu nob aon, trampet ele anen anen aɗualadna, anuqppeg gokkulagnu otiadppeg heig!” awa aum.