Josua 8:31 - Nobonob Baibel

³¹ Nug Israel dilagnu ippunittak nai, Yawenu maɗi nid Moses nug Ɗo Nai Buk, Kayak Nug nai amu Moses amegppa a, Moses nug bukppa yom amu, nug nai amu antta, dim lamitta buuom. Yawe Nug inam amegppa aawo yom. “Qaɗab dahil, men ii otaɗak, amu aen qattippa men laa ii kuhak ele, amuppa buue!” Nug qaɗab he, ag qaɗab amuppa manaknu ofa, amu laippu dayaknu ofa ele Yawenu heppig.

Josua 8:31 ပူးပေါင်းရင်းမြစ်များ

2 King 14:6

Nug he, aa mauhpiɗ, amge nug Yawenu haknunab nai, Ɗo Nai Buk, Kayak Nug Moses amegppa a, Moses nug bukppa yom amu, nug nai amu laa dim lamitta, danab amu, aa nug mameg qeeh mauhom, nug aa bekkalti ii aqe mauhppig. Haknunab nai amuam inam. “Ag nid dilag hipuninnu anig mameg ii aqappeg mauhkkulagoitte. Am anig mameg hipunin heppignu nid ii aqappeg mauhkkulagoitte. Aun laa nug eheɗ heum, am nukka nuhig eheɗnu qeppeg mauhkkuoitte; laa ii mauhma.” Nai amu daatte amu, Amasaia nug amu dabmaama, nug nai amu dim lamittom.

2 King 22:8

⌊Aria, Sapan nug ukka, king aumbia heum. Nug anam he amu, mana mettak ikki danab Hilkaia nug nai amu doya mala,⌋ nug Sapan, Sapan nug nai yaak danab amu, Hilkaia nug nug amegppa inam aum. “Da buk laa Yawenu mettid lag, amuppa dayeye anidmi. Buk amuam Yawenu Ɗo Nai Buk,” awa aum. Hilkaia nug anam ana amu, nug buk amu Sapan mette, Sapan nug ebqeum.

2 Stori 25:4

Nug he, aa mauhpiɗ, amge nug Yawenu haknunab nai, Ɗo Nai Buk, Kayak Nug Moses amegppa a, Moses nug bukppa yom amu, nug nai amu laa dim lamitta, danab amu, aa nug mameg qeeh mauhom, nug aa bekkalti ii aqe mauhppig. Haknunab nai amuam inam. “Ag nid dilag hipuninnu anig mameg ii aqappeg mauhkkulagoitte. Am anig mameg hipunin heppignu nid ii aqappeg mauhkkulagoitte. Aun laa nug eheɗ heum, am nukka nuhig eheɗnu qeppeg mauhkkuoitte; laa ii mauhma.” Nai amu daatte amu, Amasaia nug amu dabmaama, nug nai amu dim lamittom.

2 Stori 35:12

Amu Lewi buɗubppan mana mettak danab iitta, ag amu hewona, ag sipsip, meeme ele amu laih atten atten manaknu ofa dayaknu Israel danab ah ag amu manadna, Yawe mettaglagnu otiadna, ag Israelnu baekkudppa anen anen dilag okkai madappig. Ag Moses bukppa yom bia, amu oh heppig. Makau eleppa ag anam heppig.

Esra 6:18

Ag amu hena, ag mana mettak danab, ahilkad obatak anen anenppa, ahilag haenppa uɗat hekkulagnu otin maadppig. Ag Lewi buɗubppan mana mettak danab iitta, ag ag ele Jerusalem appa Kayaknu mettid lag, amuppa ahilag uɗat hekkulagnu huu anen anenppa daan, uɗat amu hekkulagnu otin maadppig. Ag Moses bukppa yom bia, amu oh heppig.

Nehemaia 13:1

Amu deɗ ag buk Moses yom ebqeppig amu, ag ebqeegeg, danab ah dooppig. Ag anam ebqeeg doon, ag Amon danab, o Moap danab laa nug, nug buɗub ele ag hanhan Kayaknu danab ah, Israel tamaniak, nug ag ele laippu Kayak laugppa qagmen daaglagnu elele iitta nai dooppig.

Eksodas 18:12

Am Jetro nug manaknu ofa, Kayak medakkunu awa uɗia, doɗ laala ele mana, Kayak medakkunu awa uɗiom. Nug awa uɗia mana, Kayak mette, Aron nug, amu Israel dilag ikki danab oh ele ag uɗieg, ag Moses tana ele, Kayak noobppa ee lappig.

Eksodas 24:5

Dimppa nug he, Israel dilag nid danab bau laala ag gona, ag makau gaiɗ, manaknu ofa, laippu dayaknu ofa ele daaglagnu manadna, Yawe medappig.

Matyu 12:26

Amubia Satan nug Satan lamidtte dayeb, nuhikkud ag aakku oppatna, ameg aɗit bena, akka akka nug qetteb. Anam qetteb dayeb amu, Satannu ɗo am attem ha ɠagattag daakku?

Duteronomi 27:2

Amu deɗ ag Jodan le mataɗna, Yawe, ahilag Kayak, Nug wan madatte, ag amuppa nona amu, deɗ amuppa ag men okkai aon qappaladna, simen hakkab eleppa laaidna aɗeg!

Duteronomi 27:8

Ag ɗo imu oh men, simen laidppig, amuppa miag atiak yaaglagoitte,” awa aum.

Josua 1:8

Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.