Josua 8:29 - Nobonob Baibel

²⁹ Josua nug Ai dilag king qe mauhe, beɗu am appa ad attan aihe daye ukka, uudoum. Aam noono amu, Josua nug Israel ag king beɗu autna, aon aab okkainu aɗ od oɗeppa buɗieg ukka niikkununab aum. Nug anam a, ag heeg niieye, ag men akkan, qaɗeppa tonan, qagmeeg ukka, qauko nakok bia beum; gemu ⌊nai imu yaak haenppa⌋ ele aakku daatte.

Josua 8:29 ပူးပေါင်းရင်းမြစ်များ

2 Samuel 18:17

Ag ban uun, ag Apsalom gaɗa aon, moɗ okkai atu amuppa dayom, amuppa ag gaɗa buɗieg no, ag men akkan, Apsalom gaɗa tonan, men meegeg ta, qagmak okkai dayom. Ag anam heppig, amge Israel dilag daup laa, ag Apsalom dim lamidppig amu, ag oolna, laulkadppa teppig.

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Sam 107:40

Amu laa Nug king tiigppan danab ag dada danab daatteb dayeb, Nug he, ag uɗa nak naunab aotteb. Amuam Yawe Nug he, laa ag Nug dim lamittak uuppig ele ag gona, atu taɗak nauppa mauhnoak oippig.

Sam 110:5

Naɗi Nug na atognoidkkunu eppen naɗiap-ppa hibaitta daatte. Nug bu mettaknu deɗppa, king kuɗum oh oɗoɗadkku.

Jon 19:31

Nug mauhom, deɗ amuam Juda ag ahilag Pasowanu Hobul bappaidkkulagnu deɗ aakku oqiom. Wagɗe deɗ amuppa Sabat deɗ okkai bekkunu dayom amunu, danab gaɗa Sabat amuppa ad emaitakppa aihattak ii niimnanu, Juda okkai ag Pailat nug heeb, daup ag gona, danab aihadppig ele baelag qiippeg mauhppeg, gaɗalag diiaknu Pailat oɗ medappig.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Josua 10:30

Appa ele, Yawe Nug Israel ehanatta, Nug aab amu, am nuhig king ele ag eppelagppa meum. Josua, nuhikkud danab ele ag qep elabppa aab amu qeppig. Nug danab laippu laa ii tippalom. Josua nug Jerikonu kingppa heum bia, Lipnanu kingppa heum.

Josua 10:33

Josua nug Israel ban daup ele ag Lakis ele ban heegeg amu, Geser dilag king Horam nug nuhikkud ban daup ele ag aab amu dabmettaglagnu teppig. Amge Josuanu danab ag nug qeeg mauhe, nuhikkud ban danab oh ele aqaeg iitta meppig.

Josua 12:9

Jeriko dilag king, amu Ai dilag king ele; Ai am Betel guguittak dayom.

Josua 7:26

Ag amu hewona, ag men kuɗumnab, Aakan mauha niiom abenppa qagmeppig, amu qagmak amu daye ukke, gemu ⌊nai imu yaak haenppa⌋ ele daatte. Ag amu oh hena malaeg, Yawe Nug oo nauhak huanaknab doyom amu, Nug baula ii doyom. Amu aben amunu ag Akornu oolnu noak aon adappig.

Josua 8:23

Ai dilag king aakkuib ag aɗan aon, Josua toppa goppig.