Josua 8:20 - Nobonob Baibel

²⁰ Ag amoteg ewewe, Ai danab ag dimulagppa eɗun neegna, ag aab kah aab okkaippanu ta, lomppa teete anidppig. Ag anidna, ag adeppatai laa gokkulagnu ib laa ii anidppig. Amu Israel ag atu taɗakppa gokkulagnu oolna goppig ele, ag appanu eɗueg, danab ag lamadppig ele amu, ag ag ele ban heppig.

Josua 8:20 ပူးပေါင်းရင်းမြစ်များ

Genesis 19:28

Ukka, nug neekke, Sodom, Gomora, amu atu uɗem amu ele ohppa ukke, nug aab kah huanak teete anttom.

Job 11:20

Na anam hekkut, amge laa ag nau hetteb ele, ag amelag nauhppeg, gatatu ooppa daaglag. Ag kekeɗ eppelagppa daan, oola ukkaknu ib laa iinab anidmana. Ag eɗun, ena bena daaglagnu dabmak aɗan oiglagnu hebeppeg ukkeb, anam ii bema anidkkulag amunu, ag anamib bena daaglagnu dabmak aon aɗan daanna, ag mauhkkulag.” Sopar nug Job amegppa anam aum.

Sam 76:5

Na kekeɗ ihinkad, ag am ban danab ɠagattagnab, na ahilag ɠagattag amu eɗidna, ahilkad keeke aome. Ag ig noonigppa mauhna niitteb. Laippu laa eppeg huma, ig oigkkunu elele ii daatte.

Aisaia 34:10

Amun tuqan ele wan amuam ewawa daakku. Ao, aab kah appanu am hanhan taataib daakku. Wan amu hanhan hele-ettak daakku. Ge, danab laa haen laa baula wan amu tom laihnu ukka, tom laappa ii goma. Iitta!

Josua 8:19

Haen Josua nug amu he amu, danab ag lokkumna daappeg, haen beeb ahan, ban hekkulagnu daappig ele, ag bittalna wana, aab okkai ooppa goppig. Ag pahanab aab okkai aona, amoteg ewom.

Josua 8:21

Ag amu heppignu diig am, haen Josua, nug Israel ban danab nug ele goppig amu, ag aab kah aab okkaippan beebe anidppig, diig amunu ag, danab ag lokkumna daappeg, haen beeb ban hekkulagnu daappig ele amu, ag aakku aab okkai aon malappig dooppig. Anam doona, ag eɗueg, Ai danab ele ban heppig.

Revelesen 18:9

Wanppanu king ag ah amu ele ewau pakkua gappai hak kobol hena, nug ele kobol nau kuɗum laa ele heppig amunu, geha wanppanu king ag nug aab aɗuppa ewebeb, nuhig aab kahug anidna, ag mahinna gaaglag.

Revelesen 19:3

Ag awona, ag baula eɗun enan appig. “Ig Naɗi binag metu! Aab okkai amunu aab kah hanhan tette,” aon appig.

Ikki Danab 20:38

Amu keeke amu oh ii hak haenppa amu, Israel dilag daup ag ban haknu lokkuma dayak abenppa ii daamnanu daappig amu, ag danab aguppa daaglag ele ag aab okkai aon, ag aab amotppeg eweb, kahug teppu ele attan teebeb,

Ikki Danab 20:40

Ag anam dabmeppig, amge ag amu henana, haen ag dimulagppa neegna amu, ag aab kah aab okkai amuppan teppu ele teete anidppig.

Ikki Danab 20:41

Israel ban danab ag ele amu anidna, ag eɗun aon, banelag gona, Benyamin danab lamattegeg, Benyamin danab ag baɗak eheɗ nau dooppig. Aɗinu? Haen amuppa Benyamin dilag daup ag nauhkkulagnu daappig aakku dooppig.