Josua 8:14 - Nobonob Baibel

¹⁴ Aria, haen Ai dilag king nug aben oolnu noakppa appa Israel anatte amu, nug, nuhikkud ban danab ele ag buttuanab ahan gona, danab nug neekkeb ukkeb, atu onig Araba anidkkunu eleleppa, appa Israel ele ban hekkulagnu goppig. Nug anam heum, amge nug danab ag ban hekkulagnu aab okkai dimugppa, lokkumppig ele, ag haen beeb ban hekkulagnu daappig amu, nug ii doyom.

Josua 8:14 ပူးပေါင်းရင်းမြစ်များ

Eklisiastis 9:12

Anam amunu, danab laippu laa nug uug atten nuhigppa bekkunu daatte haen ii dootte. Danab nug uhui kakai guittak madatte ele me, kakai appa notteb. Ao, danab nug uhui aihe, ai appa notteb, amubia haen eheɗppa uug danab dilagppa betteb; ag dabmeegeg ii betteb. Iitta. Uug nug mauhnoak, nuhig haenppa laippun bette.

Aisaia 19:11

Soan aab okkaippanu ikki danab ag dabmak iitta ele. Danab Paro ulum medatteb ele, ag ulum nai dabmak pehettak iitta medatteb. Ag Paronu ehanittak danab anam daatteb amu, ag Paro amegppa inam maditteb. “Ig am doyak dabmak ena ele danab anukka daappig, ig amu buɗulkad daattem; ig king anukkanab daappig amu, ig amu buɗulkad daattem,” aon atteb. Ag anam maditteb, amge aɗinu ag anam nug amegppa hambuppun atteb?

Aisaia 19:13

Soan aab okkaippan danab okkai ag am dabmak iitta ele. Mempis huunu ikki danab ag am dabmak hambuppuak dim lamidtteb. Isip danab okkai amu ag Isip danab ah ib ena ippunadkkulagnu daatteb, amge ag ib nau amuppa omaladppig.

Daniel 4:31

Nebukatnesar nug anam mattia dayeye, haen amuppanab baag laa hab attannu na, inam aum. “King Nebukatnesar, laa nug na king daakkutnu ehah aakku aɗitta awom. Ɗo nahipnu aakku anam daatte.

Matyu 24:39

Ag amu henana, hiɗ bekkunu dab-ii-mettaegeg, hiɗ ba diia ukkom, amubia Danab Bekkalag da, da uɗikkul haenppa, ag anamib daaglag.

Matyu 24:50

nuhig okkai nug haen, deɗ ele maɗi nid amu nug ii doyom, ii dabmeum ele, amuppa eɗua uɗikku.

Duteronomi 1:1

Buk imu amu Israel danab ah ag laih Jodan lenu kaɗag uɗitteppanu, appa atu onig Araba, appa daaegeg, Moses ag amelagppa nai mattiom ippunigtte. Ag haen tutu dayaknu aab Araba appa, Sup guguittak kalan daappig. Paran amu ag heqolag laih dayeye, Topel, Laban, Haserot, Disahap ele amu heqolag laih daappig.

Josua 8:13

Amunu ban daup oh ag ban hekkulagnu babaittak daappig. Ameg laa ag aab okkainu laih yawalti uɗitteppanu bannu haen tutu dayaknu aab kalakppa daaegeg, amu laa ag aab okkainu laih qaban uɗitteppanu, ag appa tuqanppa gona, lokkumna daappeg, haen beeb ahan, ban hekkulagnu daappig. Josua nug ⌊nuhikkud daup ele⌋ amu, ag tuqan aben oolnu noakppa nona, laih tena daappig.

Josua 8:15

Am Josua nug Israel ban danab nuhikkud ele ag kekeɗ, ag ameg laa eheɗ eɗatteg, oolna gotteb, ag amubia hena, atu taɗakppa gokkulagnu goppig.

Josua 8:16

Ag anam hena ukkaegeg, Ai dilag king nug he, Ai danab oh ahan, Josua, nuhikkud daup ele lamadna goppig. Josua, nuhikkud daup ele ag anam heeg, Ai danab ag oh aab okkai uuppig.

Josua 8:5

Haen da ban danab laala imu ele, ig digmeta ban hebupput amu, geha Ai ag ihinkadppanu ban laa amuppa heppig bia, ig iqaglagnu dokkulag amunu, ig oolta gokkunig.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.

Ikki Danab 20:37

Amu Israel ban danab ag oolna Baltamar ukkaeg, laa ag lokkumna daappig ele ag qaiettan, Gibea aab okkai ooppa nona, aben aben wana, ag danab ah appanu ohnab aqona, ag aab amu manaeg ewom.