Josua 7:6 - Nobonob Baibel

⁶ Anam be, Josua nug Israel dilag ikki danab ele ag uug nau doon, ag lamen ahilkad pattiɗna, ag gappud ikkilkadppa mena, ag ahan gona, paha Yawenu Tituanak Nainu Kunup noobppa gatelag qaun o, gomelna, ag iɗulag wanppa mena daaeg ukke, uudoum.

Josua 7:6 ပူးပေါင်းရင်းမြစ်များ

Genesis 37:29

Ag anam heegeg, Ruben nug appa ii dayom. Amge dimppa, haen nug eɗua uɗia, le moɗppa ukka neekka, Josep ii antta, nug oo uugnab doya, nuhig lamen pattiɗom.

Genesis 37:34

Anam ana amu, nug nuhig lamen pattiɗa, lamen heɗiag ele awa ma, bekka haen elab mahittom.

2 Samuel 1:11

Amalek danab nug anam a amu, Dawit, nuhikkud danab nug ele daappig amu, ag oh ahilkad lamen aɗan pattiɗadppig.

2 Samuel 1:12

Ag amu hena, ag kekeɗ ag Saul, nug bekka Jonatan, Israel dilag daup kuɗum, ag Yawenu daup amu, am Israel danab laa kuɗum ele aqaeg mauhppig am dabmeppig amunu, ag gaanna, ee ii laeg ukke uudoum.

2 Samuel 1:2

deɗ ewamppa danab laa, nug Saulnu haen tutu dayaknu aab kalappigppanu uɗiom. Nug nuhig lamen pattiɗatte dayeye, gappud ele igippa ma dayom. Nug uɗia, Dawit toppa ta, binag mekkunu, laippun gateg qaun o, gomela, iɗu wanppa meum.

2 Samuel 12:16

Oɗe me, Dawit nug Kayak heeb, nid amu eɗua ena daakkunu oo doyakppa unuqittom. Nug ee oh lanaknu kud ma dayaya, tuqan ohppa nug laug oo laa, nug amuppa wanppa niiom.

2 Samuel 13:19

Tamar nug lamen anam takka oiyom amu, nug lamen amu pattiɗa, nug uhuɗ igippa ma, nug eppeg oh igippa ma, ⌊dup noa,⌋ huana gayaya ukkom.

2 Samuel 13:31

Nug anam a, Dawit doya, nug hibaitta aha, lamen pattiɗa, ukka wanppa niiom. Nug anam he, nuhig maɗi nid ag oh ele lamen pattiɗadna, nug talilidna hippaidna daappig.

2 King 22:11

Nug ebqeeqe, king nug Kayaknu Ɗo Nai Bukppa dayom amu doyaya, nug ooppa uugnab doya, nuhig lamen elab aɗa pattiɗom.

2 Stori 34:19

Sapan nug ɗo nai amu ebqe, haen king nug ɗo nai amu doya, nug lamen elab nuhig aɗa pattiɗom.

Esra 10:1

Amu Esra nug Kayak laug odppa dup noa, gateg qaun o, gomela, iɗu wanppa ma, gayaya dayeye, nug unuqittatta, nug Kayak amegppa Israel dilag hipunin miagib mattia doyeye, Israel danab, ah, nid, nid ahin ele kuɗumnab uɗin qagmena, nug talilidna daappig amunu, ag ele huana gaappig.

Nehemaia 9:1

Aria, kalam ebqak eblaih aɗit ele, kalam amunu deɗ 24ppa Israel oh ag qagmeppig. Ag qagmena, ag ee ohnu kud mena daanna, ag lamen heɗiag ele takkan, ag gappud aon, ikkilkadppa meppig.

Esta 4:1

Mordekai nug kobol attem beum amunu doya amu, nug nuhig lamen pattiɗa, lamen heɗiag ele awa ma, igippa uhuɗ meum. Anam ha, nug aab okkai ooppa ukka, oo doyak naunab ele doyaya, qala gayom.

Esta 4:3

Aria, kingnu ɗo amu wan oh tuale amu, Juda oh ag amunu mahittak okkai heppig. Ag ee ohnu kud mena daanna, gaanna, aeqakkanna, danab ah kuɗum ag lamen heɗiag ele takkaladna, uhuɗ laappig.

Job 1:20

Danab amu oh ag uɗin dona, Job amegppa amu ohnu aeg doya, nug aha, lamen elab pattiɗa, ikki uɗug hoye ukke, nug dup noa, gateg qaun o, gomela, iɗu wanppa ma, nug Kayak binag ma,

Job 2:12

Ag nug gumidna gonana, ag nakok piɗe daanna, neekkeg ukke, nug anidnana, “Umu am Joptai, iitta danab laatai?” anana, amuam Job anidna doon, ag huana gaan, ahilag lamen elab pattiɗna, ag gappud aon, ikkilag laidppig.

Job 42:6

Anam amunu, da gemu da dakka, da dahilnu, da ena iinab doottem. Da anam doyeye, da wan gappudppa, uhuɗppa ele dayeye, da ool eɗue aute autenab aottem,” awa aum.

Gayak Nai 2:10

Juda danab dilag ikki danab ag oɗelag qamutna, wanppa hamu daatteb. Ao, ag wan gappud aon, ikkilkadppa paduduɗeg neeg, ag lamen heɗiag ele tagappig daatteb. Jerusalemnu ah makkun ag gatelag qaun ona, gomelna, iɗulag wanppa meppig, ⌊gemu ele uugppa daatteb⌋.

Namba 14:6

Aa anam heeheh, Nan bekka Josua, amu Jepune bekka Kalep ele, aa am lokkumakppa atu italak danab wan amuppa goppig ele, aa ele ag oolagppa daayya gopiɗ amu, danab aɗit amu aa lamen ahilti pattiɗya,

Namba 16:22

Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Namba 16:45

“Aa qe meya, danab ah imu uuadya waya, laih daapeɗ, da laippun heppi, danab ah imu mauhkkulag,” awa aum. Yawe Nug anam aum, amge Moses, Aron ele aa gatelah qaun o gomelya iɗulah wanppa mepiɗ.

Aposel 14:14

Amge totol danab aɗit, Barnabas, Pol ele, aa ag anam hekkulagnu heegeg, aa nai amu dooya, ahilah lamen pattiɗya, qaiqaɗ danab ah kuɗum oolagppa goya, eya apiɗ.

Josua 7:7

Ag anam daan amu, Josua nug unuqitta aum. “O Naɗi Yawe, Amo danab ag ig iqaglag dayeb amu, diig aɗinu na ig omaigna, Jodan le mataɗna laih imuppa uɗime? Ig le laih uppa daalomlob, amuam ena. Ig ippa uɗipput, ag ig eɗigkkulag am ena iitta.

Revelesen 18:19

Ag anam ana, ag wan gappud agappeg, ikkilagppa teebeb, ag oolag uug ele daan gaanna, inam enan akkulag. ‘O gadonnab gadon! Uub mamelkad oh, ahilkad uub amu yu qaɗeppa oiyakppa ag keeke aona, aab okkai amuppa meeg, daden meegeg, enulag ele daappig amu, aua laippuppa aab okkai amu aakku iitta meum,’ aon akkulag.

Ikki Danab 11:35

Amu haen nug aɗeg antta amu, nug ooppa guittak nau doyaya, lamen nuhig pattiɗa aum. “O aɗel! Na da uɗal tekkutnu uɗime amu, da uug nau doottem! Aɗinu? Da Yawe amegppa, da keeke laa genabnab hekkulnu nai ain qakkami, amu da eɗue uhuqkkulnu elele iitta,” awa aum.

Ikki Danab 20:26

Anam heeg, Israel oh ag eɗun, Betel tena, ag Yawe noobppa gaanna, ag ee ohnu kud mena daaeg ukke, uudoum. Ag manaknu ofa Yawe mettana, amu ag laippu dayaknu ofa ele Nug mettana,

Ikki Danab 21:2

Anam amu, Israel danab ag ahan, Betel tena, ag Kayak noobppa daaeg ukke, tueb meum. Ag daanna, ag baalag okkaippa eheɗ gaappig.

1 Samuel 4:12

Aria, Pilistia ag Israel eɗatteg, deɗ amuppa Benyamin danab laa nug lamen nuhig pattiɗa, nug wan gappud igippa mewowa, nug ban hak abenppanu aha, qaietta Silo ukkom.