Josua 7:26 - Nobonob Baibel

²⁶ Ag amu hewona, ag men kuɗumnab, Aakan mauha niiom abenppa qagmeppig, amu qagmak amu daye ukke, gemu ⌊nai imu yaak haenppa⌋ ele daatte. Ag amu oh hena malaeg, Yawe Nug oo nauhak huanaknab doyom amu, Nug baula ii doyom. Amu aben amunu ag Akornu oolnu noak aon adappig.

Josua 7:26 ပူးပေါင်းရင်းမြစ်များ

2 Samuel 18:17

Ag ban uun, ag Apsalom gaɗa aon, moɗ okkai atu amuppa dayom, amuppa ag gaɗa buɗieg no, ag men akkan, Apsalom gaɗa tonan, men meegeg ta, qagmak okkai dayom. Ag anam heppig, amge Israel dilag daup laa, ag Apsalom dim lamidppig amu, ag oolna, laulkadppa teppig.

2 Samuel 21:14

danab ag Saul, nug bekka Jonatan ele ebehilah, ⌊laa ebehilag ele⌋ Saul mameg Kisnu boumak abenppa boumadppig. Boumak aben amuam Benyamin wanppa, Sela appa dayom. Danab ag amu heppig ele amu, ag King Dawit amelagppa haknunab aum bianab, ag anamib heppig. Amu dimppa amu, Israel ag ahilag wannu unuqitteg, Kayak Nug he, enug haen iitta meum.

2 Stori 29:10

Anam amunu, da Yawe, ig Israel, ihinig Kayak, nuhig oo nauhak huanaknab ig Israel, ihinignu amu iitta mekkunu, da Nug ele nug tituanta nai qakkagnignu dabmein daattem.

Esra 10:14

⌊Amu ig inam hekkunignu dabmettem.⌋ Ihinig ehanittak anuqak danab ag ippa Jerusalem daan, ig danab ah oh, ag ihinignu uɗat imu gumaglag. Ig laa oh eɗut, appanig diigppa gokkunig, amge danab okkai amu ag ig laa anen anen ig eheɗ laa imu heta, laihnu ah diimut ele amu, ig haen mekkeb, ig, amu ig daattemppanu ikki danab, appanu epeɗiak danab ele ag ig haen megappeg, ig haen amuppa eɗut uɗit, keeke amu bappaidkkunig. Ig anamib hepput ukkeb ukkeb, ig elele hepput, Kayaknu oo nauhak huanaknab ig hipunin hemutnu daatte iitta meeb, ig aakku eɗut elele daagnig,” aon appig.

Sam 85:4

O Kayak, na Padal ii maknu ehanittak ihinig daattem. Na eɗun aigppe, ig na guguittak daagnignu oɗ medattem. Ao, na ihinignu baula oppoɗin bemanu unuqidttem.

Eksodas 32:12

Am na ag anam hadappe, geha Isip ag, ‘Yawe Nug danab ah nuhikkud dilag dabmak eheɗ awa, Nug ag Isipnu diia, omalatte uɗieg, atu qauko imuppa eheɗ naunab hadatta, Nug ag oh aqeeb mauhna, padal mena autna aon, wanppa baula ii daamnanu diia uɗiom,’ aon akkulag, amge amuam uug ele! Ena iitta! Amu O Yawe, na amu hemananu oɗ medattem. Na oo nauhak huanaknab nahip amu, na uun aɗappe, nob maknu dabmak nahip eɗueb, na heppe, danab ah nahipad ag padal ii menananu oɗ medattem.

Aisaia 40:2

Ag baalag bodoettakppa ɠagattag mattanna, dahilad danab ah ag uugppa aakku elele daaeg uɗiom anana, ag Kayak Nug hipunin ahilag uhuqa mattom, ag hipunin heppig, amunu nob amu, Yawe Nug nob amu elelenab aakku ag mattom, ag amu ele appeg doyeg!” awa atte.

Aisaia 65:10

Danab ah dahilad ag da dim lamiɗkkulagnu oolag hette amu, da ahilagnu dabmein heppi, dahil wan ooppa laih onig Saron am sipsip dilag ee lanak aben enanag daakku. Ao, Akornu oolnu noak aben amuppa makau ag wana, hik aon daaglagnu aben daakku.

Gayak Nai 3:53

Ag da mauhkkulnu wan moɗppa buɗileg nomi; ag men aon, da iuglagnu dahilppa eppig.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Hosea 2:17

Da heppi, geha nug kayak hambuppuak Bal iɗu iɗunu daug atikku. Ao, geha nug ag onilag diiak baula ii hema.” Yawe anam awa aum.

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Joel 2:18

Ag anam heppeg, Yawe Nug wan nuhignu, dahil doya laa aomanu doyak aɗa daya, Nug nuhikkud danab ah dilagnu oo gai-iitta doya oo matta ehanadkku.

Jona 1:15

Ag anam unuqittona, ag Jona aona, buɗieg yuppa no, aakku ulah, koɗkoɗ okkainab ele bodoettom.

Sekaraia 6:8

Aria, amu dimppa Yawe Nug dahilppa eum. “Laa yawalti uɗitteppanu goppig ele ag heeg, dahil Ouɗi Nug appanu wan laa, Nug appa hik awawa daatte,” awa aum.

Duteronomi 13:17

Amu Yawe Nug tuɗitta, ag Israel laa, Nug ahilagnu oo nauhak huanak ii doomanu, Nug ahilagnu oo gai-iitta doya, oo metta, ehanatta heeb, ag danab ah kuɗum, Nug ag mamelkad aɗi amelagppa anam hekkunu nuhig nai ɠagattag qetta aum bia heeb bekkunu, ag aab nakok amu ooppan keeke laa aibnab ahilagnu aoppig. Keeke amu oh am Yawenuib nuhig pelemppa daatte.

Duteronomi 13:18

Ag Yawe, ahilag Kayak, ag Nug oɗe doon, ag nuhig haknunab anak da gemu attem am dim lamidnana, ag Nug oo hette, ag kobol tutukku amu dim lamidkkulag dayeb amu, diig amunu Yawe Nug ahilagnu oo gai-iitta doya oo metta ehanatta heeb, ag danab ah kuɗum daaglag.

Josua 10:27

Aam noowo amu, Josua nug king gaɗalag amu diin, wan oɗe ag lokkumna daappig ele, amuppa buɗiadppeg nokkulagnu haknunab aum. Nug a, ag buɗialatteg noeg, ag men diin, wan oɗe amu keldoppig. Oɗe keldoak amu, gemu ⌊nai imu yaak haenppa⌋ ele ana daatte.

Josua 7:24

Ag maatteg daaegeg amu, Josua, Israel laa oh ele ag Sera buɗub Aakan, silwa, lamen elab, gol maha, bekkod, aɗekkud, nuhikkud makau, donki, sipsip, peh, nuhig keeke oh ele diin, Akornu oolnu noak, ag appa goppig.

Josua 8:29

Josua nug Ai dilag king qe mauhe, beɗu am appa ad attan aihe daye ukka, uudoum. Aam noono amu, Josua nug Israel ag king beɗu autna, aon aab okkainu aɗ od oɗeppa buɗieg ukka niikkununab aum. Nug anam a, ag heeg niieye, ag men akkan, qaɗeppa tonan, qagmeeg ukka, qauko nakok bia beum; gemu ⌊nai imu yaak haenppa⌋ ele aakku daatte.