Josua 7:25 - Nobonob Baibel

²⁵ Anam daye, Josua nug Aakan amegppa aum, “Na aɗinu ihinigppa uug aon uɗime? Yawe Nug gemu nahip-ppa uug mekku,” awa aum. Nug anam a, Israel ag Aakan, aria nuhignu ele menppa makkuɗattegeg mauheg, ag nug gaɗa, nuhignu ele manatteg eoppig.

Josua 7:25 ပူးပေါင်းရင်းမြစ်များ

Genesis 34:30

Anam heeg amu, Jakop nug Simeon, Lewi ele amelahppa aum. “Aa heeh, da onil ippa Kanan, Peres ele danab amelagppa nauha autanab awom. Da dahil daup kuɗum iitta amunu, ag banenig uɗiglagnu qagmena, uɗin iqappeg, ig oh padal mekkunig,” awa aum.

Genesis 38:24

Aria, kalam ewam keeke dimppa, danab laa nug Juda amegppa aum. “Na ahipan Tamar nug ib baag ah hette bia danab laa ele oiyya, oo noum,” awa aum. Awa a, Juda nug aum. “Ag aon dona, dimittim aab aɗuppa manappeg mauhaɗ!” awa aum.

1 Stori 2:7

⌊Simri buɗub laa am Karmi.⌋ Karmi bekka am Akar. Akar nug Yawe ippuanttomnu oo metta ii uuak kobol ii dim lamidna, nug keeke Yawenuib nuhig pelemppa daakkunu dayom, Yawe ag aoglagnu aib aum amu, nug amunu laa awe, uug okkai Israel laa ohppa beum.

Prowerb 1:19

Amuam danab ag keeke kuɗumnu oolag he, kobol eheɗppa aoglagnu hetteb ele, ahilagppa bette; oo hak nau ahilag amu he, ag mauhtteb.

Prowerb 15:27

Danab nug baubau awaknu hik qak dootte amu, nug uug he, baekkudppa dilagppa ele bette; amge danab nug lokkumakppa eheɗ haknu ehanittak awaknu o mettaknu, nug amunu nau ninig ele dootte amu, nug bau daakku.

Lewitikas 20:14

Am danab laa nug ah laa, anig ele oh wauuɗ daaglahnu diiatkku dayeb, kobol amuam nau hak kobol. Kobol nau amubia ag oolagppa daamanu amu, ag ewam amu oh aabppa manadppeg, ewatteb mauhkkulagoitte.

Lewitikas 20:2

“Na Israel danab ah amelagppa nai imu appe doyeg!” awa aum. ⌊Nug anam a amu, Moses nug ag amelagppa inam aum.⌋ “Am Israel oolagppa, laa nug Israel ted, o wan laihnu danab, ag uɗin, ag oolagppa daatteb, am amu laatai, nug nid nuhig awa, mana mettak ha, Molek medakku dayeb amu, tamaniak ooppan danab ah ag nug menppa qeppeg mauhkkuoitte.

Lewitikas 21:9

Am mana mettak danab laa aɗeg nug ib baag ah ba, gappai awawa oikku dayeb amu, amuppa nug dahil neekkakppa nug ooppa dubuttid teum daatte, am nug aakku mameg uɗa nak nau guittak ele medatte. Ag nug maippeg mauhkkuoitte.

Lewitikas 24:14

“Laa nug dahilnu dabittak nai aum amu, ag nug aon, haen tutu dayaknu aab kalak dimittim gona appeg, aun aɗi ag nug nai aawo dooppig ele amu, ag eppelag igippa meppeg, tamaniak oh ag nug menppa oppeg mauhaɗ!

Galesia 5:12

Am danab ag heeg, ag Galesia danab ag kaboliadtteb ele amu, danab nau amu ag, ag Galesia danab uuadna gokkulagnu, tamaniak ooppa ii daaglagnu, ool okkai daatte.

Duteronomi 13:10

Yawe, ahilag Kayak, Nug ag Israel, Isipnu diia, omalatte uɗippig. Ao, ag Israel, ag wan laappa begbeg maɗi nid maɗi ah ele daaegeg, Yawe Nug amuppanu diiom. Amu danab eheɗ amu hekku amu, nug ag Israel danab ah laa, nug ag Yawe, nuhigppanu matakkatta diikkunu hekku amunu, ag menppa makkuɗppeg mauhaɗ!

Duteronomi 13:11

Ag anam heppeg, Israel oh ag anam heppig doona, ag baɗan, auntai laa ag oolagppa kobol nau amu baula ii hema.

Duteronomi 17:5

ag danabte, o ahte anam eheɗ heum ele amu aon, aab amunu aɗ odppa wana, nug menppa makkuɗppeg mauhkkuoitte.

Duteronomi 21:21

Aa anam apeɗ, danab oh aab amuppanu, ag menppa makkuɗppeg mauhkkuoitte. Kobol nau ag oolagppa daamanu, ag heppeg, aib dayom! Israel danab ah oh ag amu doona, ag baɗaglag.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Josua 6:18

Ag Yawenuib nuhig pelemppa daamnanu, ag aibnab keeke Yawenuib nuhig pelemppa daatteb, ag amu laa aɗappig! Ag keeke laa Yawenuib nuhig pelemppa daatte aoglag dayeb amu, amuppa ag akka ag hena, ag Israel oh ag Yawenuib nuhig pelemppa daan, ag hena, Israel dilag haen tutu dayaknu aab kalak nauhkkun daakku.

Josua 7:15

Ag doppeg amu, da aun nug eheɗ heum amu, nug da Yawe, Nug da ele nug tituana nai qakkak amu tippalom, amuppa nug Israel ooppa kobol naunab heum amunu, ag aun nug keeke dahilnuib, dahil pelemppa daye, yab heum amu, ag nug qeppeg mauheb, ag nug gaɗa, nuhikkud oh ele manadppeg ewaɗ!” ’ ” awa aum.

1 Samuel 14:29

Nug anam a, Jonatan nug aum. “Da mamel nug he, Israel oh ag uug dootteb. Imu antte! Da uppuh leppu imu nakok lami amunu, da beɗul paha eɗua ɠagattag qeum.