Josua 7:24 - Nobonob Baibel

²⁴ Ag maatteg daaegeg amu, Josua, Israel laa oh ele ag Sera buɗub Aakan, silwa, lamen elab, gol maha, bekkod, aɗekkud, nuhikkud makau, donki, sipsip, peh, nuhig keeke oh ele diin, Akornu oolnu noak, ag appa goppig.

Josua 7:24 ပူးပေါင်းရင်းမြစ်များ

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Job 20:15

Danab amu nug danab ee laawo, oo gahag be bahe gotte, amubia nug en okkai okkai ib eheɗppa awom ele buɗieb ukkeb, laa aoglag. Ao, Kayak heeb, nug en okkai ib eheɗppa awom ele buɗieb ukkeb, laa ag aoglag.

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Prowerb 15:27

Danab nug baubau awaknu hik qak dootte amu, nug uug he, baekkudppa dilagppa ele bette; amge danab nug lokkumakppa eheɗ haknu ehanittak awaknu o mettaknu, nug amunu nau ninig ele dootte amu, nug bau daakku.

Eklisiastis 5:13

Da eheɗ nau laa aam waappa daye anidmi. Amuam, danab nug enub okkai aotte, amge nug en amu eppegppa ɠagattag aɗaɗa daye, amuppa guittak nuhigppa bette;

Aisaia 65:10

Danab ah dahilad ag da dim lamiɗkkulagnu oolag hette amu, da ahilagnu dabmein heppi, dahil wan ooppa laih onig Saron am sipsip dilag ee lanak aben enanag daakku. Ao, Akornu oolnu noak aben amuppa makau ag wana, hik aon daaglagnu aben daakku.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Josua 15:7

Bohannu menppanu amu, tom nug ukka, Akornu oolnu noakppa wana ukka, Debir wana, eɗua yawalti uɗitteppanu ugakka ukka, Gilgal waum. Gilgal am qauko ikki oppoɗu noak onig Adumim guguittak, am qauko amuam oolnu noak appa daatte heqo laih, yau uɗitteppanu daatte. Gilgalnu amu, tom ukka, Ensemes lenag wana ukka, Enrogel waum.

Josua 22:20

Am haen Sera bekka Aakan, nug keeke Yawenuib nuhig pelemppa dayom amu, nug amunu Yawe ippunittomnu oo metta ii uuak kobol ii dim lamitte, Yawe Nug Israel danab ah ig oh bu iite mekkom? Nug nukka aakkuib hipunin amunu ii mauhom,” aon appig.

Josua 6:18

Ag Yawenuib nuhig pelemppa daamnanu, ag aibnab keeke Yawenuib nuhig pelemppa daatteb, ag amu laa aɗappig! Ag keeke laa Yawenuib nuhig pelemppa daatte aoglag dayeb amu, amuppa ag akka ag hena, ag Israel oh ag Yawenuib nuhig pelemppa daan, ag hena, Israel dilag haen tutu dayaknu aab kalak nauhkkun daakku.

Josua 6:21

Ag aab okkai aon, ag qep elabppa heeg, aabppan danab ah, keeke oh ele am Yawenuib nuhig pelemppa daappig. Ag danab o ah, bau o kaino oh, makau, sipsip, donki, keeke oh ele anam heppig.

Josua 7:1

Amge Israel ag keeke Yawenuib nuhig pelemppa daappig, ag keeke amunu Kayak ippunattomnu oo metta ii uuak kobol ii dim lamitteg, laa nug keeke amunu laala awom. Danab onig Aakan nug keeke amu laa yab awom amunu, Kayak nug Israel dilagnu oo huana nauhom. Aakan nug Karmi bekka. Karmi nug Simri bekka. Simri nug Sera bekka. Aakan nug Israel dilag huu okkai Juda, amuppanu.

Josua 7:23

Ag anidna, ag keeke pehppanu akkan, Josua, Israel oh ele dilagppa gona, ag Yawe noobppa, wanppa maadppig.

Josua 7:26

Ag amu hewona, ag men kuɗumnab, Aakan mauha niiom abenppa qagmeppig, amu qagmak amu daye ukke, gemu ⌊nai imu yaak haenppa⌋ ele daatte. Ag amu oh hena malaeg, Yawe Nug oo nauhak huanaknab doyom amu, Nug baula ii doyom. Amu aben amunu ag Akornu oolnu noak aon adappig.