Josua 7:13 - Nobonob Baibel

¹³ Ahan gona heppe, Israel danab ah ag dahilnu tituana meɗak dayeg! Na ag amelagppa inam appe doyeg! ‘Ag buttinu elele daaglagnu, ag Yawenu tituana mettak daaglagnu hena dayeg! Aɗinu? Yawe, Israel dilag Kayak, Nug inam atte. “Keeke dahilnuib pelemppa daatte amu, keeke amu ag oolagppa aakku daatte. Keeke amu ag oolagppa daatte haenppa amu, ag kekeɗ ahilkad eɗadkkulagnu elele iitta daaglag. Ag heppeg, iitta meeb amu, ag eɗun, kekeɗ eɗadkkulag.

Josua 7:13 ပူးပေါင်းရင်းမြစ်များ

Genesis 34:27

Appinlah aoya ukkaeheh, Jakop bekkod laa ag uɗin, danab mauhppig ele amu, ag ahilag keeke oh diin goppig. Ag sipsip, makau, donki, ag waalkad, amu nid naunau ele, ag enulag oh, laulagppanu amu omelagppanu ele, ag amu oh diin goppig. Aɗinu? Sekem nug ag appinalagppa eheɗ heum.

2 Stori 28:10

Ag nau amu oh hena, gemu ag heppeg, Juda danab ah imu, laa Jerusalemnu, laa Juda wanppa laih laihnu, ag ahilkad begbeg maɗi nid daaglagnu dabmenan hetteb. Ag amu hetteb, amge ag ele ag Yawe, ahilag Kayak, ag nuhigppa hipunin iite heppig? Ag beɗulagppa aab iite daatte?

Matyu 7:5

Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!

Duteronomi 13:6

Na awante, amapte, bekkatte, aɗente, waatte, o na layapnabte, nug lokkumakppa na gumitta uɗia, na amenppa, “Doppe goɗa, kayak laa noolagppa dup noɗa binalag meɗu,” awa akkutai. Amuam kayak ag, amu ag mamelkad aɗi ele ii doyadppig.

Josua 3:5

Ikki danab ag danab ah anam amelagppa ana malaeg amu, Josua nug danab ah amelagppa aum. “Yawe Nug butti uɗat ɠagattagnab ele ag oolagppa hekku amunu, ag Yawenu tituana mettak daaglagnu hena dayeg!” awa aum.

Josua 6:18

Ag Yawenuib nuhig pelemppa daamnanu, ag aibnab keeke Yawenuib nuhig pelemppa daatteb, ag amu laa aɗappig! Ag keeke laa Yawenuib nuhig pelemppa daatte aoglag dayeb amu, amuppa ag akka ag hena, ag Israel oh ag Yawenuib nuhig pelemppa daan, ag hena, Israel dilag haen tutu dayaknu aab kalak nauhkkun daakku.

Josua 7:11

Israel ag hipunin heppig; ag dahil nug tituana nai qakkak nai, da ag amu dim lamidkkulagnabnu ami amu, ag nai amu tippalppig. Ag keeke dahilnuib pelemppa daappig, ag keeke amu yab agappig. Ag yab aakkuib ii heppig. Iitta. Ag heppignu ele hambuppuak nai mattinna, keeke amu, ahilkad keeke ooppa lokkumadppig.