Josua 7:11 - Nobonob Baibel

¹¹ Israel ag hipunin heppig; ag dahil nug tituana nai qakkak nai, da ag amu dim lamidkkulagnabnu ami amu, ag nai amu tippalppig. Ag keeke dahilnuib pelemppa daappig, ag keeke amu yab agappig. Ag yab aakkuib ii heppig. Iitta. Ag heppignu ele hambuppuak nai mattinna, keeke amu, ahilkad keeke ooppa lokkumadppig.

Josua 7:11 ပူးပေါင်းရင်းမြစ်များ

2 King 18:12

Uug amu oh Israel dilagppa beum. Aɗinu? Ag Yawe, ahilag Kayak, ag Nug oɗe ii dim lamidppig. Ag Yawe Nug he, Nug ag ele nug tituanna nai qagappig amu, ag nai amu tippalna dimettan, Yawenu maɗi nid Moses ɗo nai awa mattom amu, ag amu oh ag tippalppig. Ag Yawenu nai ii dooppig, ag nuhig ɗo ele dim ii lamidppig.

2 King 5:24

Ag gona, laugppa tena, Gehasi nug keeke amu oh maɗi nid aɗit eppelahppanu awa, lag ooppa mawa ukka mewowa, nug he, maɗi nid aɗit aa eɗuya Naman gumidya gopiɗ.

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Jeremaia 31:32

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, da danab nug ah nuhig atognotte, amubia da ag gumadmi, amge ag nug tituana nai qakkak amu tippalppig,” awa atte.

Hosea 6:7

Yawe Nug anam ana, Nug Israelnu tuɗitta aum. “Adam nug dahil nug tituana nai qakkak tippalom, amu Israel danab ah, ag ele anam aakku heppig. Ag da ippunadmi bia, da dim lamiɗkkulagnu uun heppig.

Lewitikas 5:15

“Aun nug Yawe ippunittomnu oo metta ii uuak kobol ii dim lamitta, nug ii doyaya ib apiɗitta, aɗi keeke laa, amu Yawenu tituanak daatte amu, nug Yawe medakkunu daatte ii medatte, nug hipunin aakku hette. Laa anam hekku amu, nug aakku hipunin heum daakku amunu, nug sipsip dawai laa eheɗ haknu ofa haknu awa, Yawe toppa wakkuoitte. Doɗ amu nug beɗuppa eheɗ laa iitta ele daakku, amu doɗ amu nug doɗ ena laa silwappa daden metteb, am nuhig noob am, amubia daakkuoitte. Silwa amunu uug am, mana mettak lagnu melemel bia dayaɗ! Amuam eheɗ haknu ofa aakku.

Habakuk 2:6

Nug anam haaha daatte, amge da, Yawe, da heppi, wan atu ohppan danab ah ag nuhignu, ‘Keeke hamunab,’ iite doon, nug aon aon qettaglag? Ag nug aon aon qettan, inam akkulag. ‘Laa nug wagai ma, danab ah dilag keeke yab awa, qagmette ele, nuhignu am gadonnab gadon. Ao, laa nug keeke lokkumakppa awaknu duttuna hak kobol dim lamitta, en kuɗum aotte amu, nuhignu am gadonnab gadon. Nug amu tuɗitta ii hema,’ aon akkulag.

Sekaraia 5:4

Yawe Nukka Ɠagattag Oh Ele Nug inam atte. ‘Da heppi, eheɗ awaknu nai amu danab aun nug yabhok hette, nug laugppa ukka dayaya, danab aun nug nai hambuppuak mattia, nai amu da onilppa ɠagattag qedatte ele, nug laugppa ele ukka daakku. Eheɗ awaknu nai amuam, danab amu hetteb ele ag laulkadppa ukka dayeb, lag amuppan danab ah oh nauhppeppeg, laulkad ele nauhna autnanab aoglag. Lag ebehi, ad, men, keeke oh ele nauhakib daakku.’ Yawe Nug anam atte.” Engel nug da amelppa anam aum.

Matyu 22:21

Jesus anam oɗ matte amu, ag “Sisarnu,” aon appig. Ag anam aeg, Jesus ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

Aposel 5:9

Ah nug anam a, Pita nug amegppa aum. “Amu aɗinu aa oh nai laippu mattiya, aa Naɗinu Ouɗi ma anttak mettaglahnu hepiɗ? Doye! Danab ag na gamut boumona, geha iikku eɗun doppig, ag odppa hippaidppig daatteb, geha ag na ele boumidkkulagnu mawidkkulag,” awa aum.

Duteronomi 17:2

Am ag oolagppa danabte, o ahte laa, nug Yawe, ahilag Kayak, Nug ag aab umu madakkunu hette ele, danab o ah amu nug Yawe, ahilag Kayak, nug nuhig neekkakppa, nuhig nug tituana nai qakkak nai tippala, eheɗ ha,

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Josua 23:16

Ag nug tituana nai qakkak Yawe, ahilag Kayak, Nug ag mattom amu, ag nai amu tippalna, kayak laa dilagppa dup nona binalag mena, ag waalagppa daan, ag oɗelag dim lamidkkulag amu, Kayak Nug ahilagnu oo nauhak okkai doyeb, ag geha laippun wan ena, Nug ag mattom ele, ag amuppanu nauhna, iitta men malaglag,” awa aum.

Josua 7:1

Amge Israel ag keeke Yawenuib nuhig pelemppa daappig, ag keeke amunu Kayak ippunattomnu oo metta ii uuak kobol ii dim lamitteg, laa nug keeke amunu laala awom. Danab onig Aakan nug keeke amu laa yab awom amunu, Kayak nug Israel dilagnu oo huana nauhom. Aakan nug Karmi bekka. Karmi nug Simri bekka. Simri nug Sera bekka. Aakan nug Israel dilag huu okkai Juda, amuppanu.

Josua 7:10

Josua nug Yawe amegppa anam unuqittom, amge Yawe nug Josua amegppa aum. “Na ahe! Diig aɗinu na inam, iɗun wanppa no niittem?

Ikki Danab 2:20

Ag anam heppig amunu, Yawe Nug Israel dilagnu oo huana nauhom. Nug oo nauhe, Nug aum. “Danab ah imu ag nug tituana nai qakkak, da hei, da ag mamelkad aɗi ele hemut amu, ag amu tippalna, ag dahil nai ele ii doon oiyegeg uɗie, gemu ele anam hetteb amunu,

1 Samuel 14:38

Kayak Nug nai laa ii aum amunu, Saul nug aum. “Ag ban daup ikki danab daatteb amu, ag oh uɗieg! Ig hettoɗitta, aun nug gemu aɗi hipunin heum amu, ig anidtu!