Josua 6:5 - Nobonob Baibel

⁵ Ag amu henana, haen mana mettak danab ag iwalak eeɗak elab heppeg doon amu, ban daup oh ag huananab eig! Ag anam heppeg, aɗ aab okkai taliliak daatte amu, aɗ amuam loppaɗa, na qekku. Aɗ loppaɗa neeb, ban danab anen anen, ag noolkadppa tutukku aab okkai ooppa nokkulag,” awa aum.

Josua 6:5 ပူးပေါင်းရင်းမြစ်များ

Eksodas 19:19

trampet baag nug okkai me ukke ukke, okkainab meum. Anam heehe amu, Moses nug Kayak amegppa mattie, Kayak Nug baag okkainab, hakkaɗ qak bia, amuppa nob meum.

Aisaia 25:12

Kayak Nug geha aab okkai ahilagnu aɗ attan, ɠagattag ele, Nug amu oh loppaɗeb gappudppa nekku. Gemu aɗ amu attan, ɠagattag ele daatte, amge Nug geha heeb, ag nena qena, wanppa nokkulag.

Aisaia 30:25

⌊Yawe Nug keeke bappaidkku amu,⌋ haen amuppa am inam bekku. Kekeɗ kuɗum ag aqakppa mauhppeg, kekeɗ dilag bannu keeke ele nauhppeg, le ⌊enanag⌋ qauko okkai okkaippanu, qauko nakok okkaippanu ele nekkulag.

Jeremaia 50:15

Ag talilidna daanna, ban hekkulagnu baalag okkaippa eig! Ag amu hena, ban heppeg, Babilon ag eppelagppa daakku. Ag heppeg, bannu lag attan ta ukkak menppa hak heppig am nena qeppeg, aabnu aɗ ele na qekku. Yawe Nug ag ahilag eheɗ haknu nob tutukku madatte amunu, ag kekeɗ, ag nob tutukku amu, Babilon laa dilagppa eheɗ heppig, amubia ag Babilon matteg!

Hibru 11:30

Israel ag Kayaknu oolagppa genab dooppig amunu, ag Jeriko aabnu aɗ haen eblaih aɗit ele talilidna oin malaeg, aɗ pana na qeum.

Josua 6:16

Ag anam hena, haen ag aab amu talilitteg, eblaih aɗit bate amu, mana mettak danab ag trampet huana iwalattegeg, Josua nug danab ewak hekkulagnunab ana, nug aum. “Yawe Nug aab okkai ag eppelagppa maattom amunu, ag eig!” awa aum.

Josua 6:20

Amu haen Josua nug danab ag ekkulagnu a, danab ag trampet iwalegeg, danab ah ag baag doona, ag huananab eppig. Ag anam heeg amu, Jeriko aab okkainu aɗ aakku pana ne, Israel dilag daup anen anen, ag noolkadppa tutukku aab okkai ooppa ban hekkulagnu nona, aab aoppig.

Josua 6:4

Na heppe, mana mettak danab eblaih aɗit ele ag anen anen ag trampet sipsip qeqeɗippa hak mawadna, Tituanak Nainu Kunup noobppa daana, anuqna gokkulag. Aria, deɗ eblaih aɗit amuppa amu, mana mettak danab ag ahilkad trampet amu aɗan iwaladppeppeg, ag, amu ag laa oh ele, ag aab okkai amu laippu tappa ukkak hena talilidppeg, haen eblaih aɗit ele batakku.

Josua 6:6

Yawe Nug anam aum amunu, Nan bekka Josua nug mana mettak danab onilagppa e uɗieg, qagmaatta aum. “Ag Tituanak Nainu Kunup kontrak inak ele maon, mana mettak danab eblaih aɗit ele ag kunup amu nob aon, trampet ele anen anen aɗualadna, anuqppeg gokkulagnu otiadppeg heig!” awa aum.

Ikki Danab 20:37

Amu Israel ban danab ag oolna Baltamar ukkaeg, laa ag lokkumna daappig ele ag qaiettan, Gibea aab okkai ooppa nona, aben aben wana, ag danab ah appanu ohnab aqona, ag aab amu manaeg ewom.

1 Samuel 17:20

Jesi nug anam aum amunu, Dawit nug wagɗe buttuanab aha, nid laa sipsip gumaknu amegppa a gumattette, nug mameg aum bia nug ee awa, Israel dilag ban abenppa ukkom. Israel ban danab ag ban hekkulagnu ahan, ban haknu abenppanab gonana, ahilag ban hak ehanidkkunu ewak heegeg, haen amuppanab Dawit ukka teum.

1 Samuel 17:52

Pilistia ag oolna ukkaegeg, Israel dilag ban danab, amu Juda dilag ban danab ele ag ewak naɗi hena, ag lamadna gona, aab aɗit Gat, am Ekron ele appa teppig. Ag ib onig Saraim atteb, amuppa ag lamadna gonana, ag Pilistia kuɗum aqaeg mauheg, gaɗalag amu ibppa niiegeg ukka, aab aɗit Gat, am Ekron appa batom.

1 Samuel 4:5

Ag gona, Yawenu Tituanak Nainu Kunup kontrak inak ele amu aon uɗiegeg, haen Israel danab ag Yawenu Tituanak Nainu Kunup kontrak inak ele haen tutu dayaknu aab kalak ahilagppa uɗiom anidna amu, ag huanaknab eppig amunu, wan aakku uɗalom.