Josua 6:27 - Nobonob Baibel

²⁷ Amunu Yawe Nug Josua ele dayeye, Josua nug danab onig, binag okkai ele, doyak amu Kanan wan ohppa ukkom.

Josua 6:27 ပူးပေါင်းရင်းမြစ်များ

Genesis 39:21

haen amu ele Yawe nug Josep ele daapiɗ. Nug nug ele daayya, Yawe Nug Josepnu oo bodoettak kobol nuhig dim lamitta he, maniguittak gumak ikki danab nug Josepnu ena doya, dabmettom.

2 Samuel 7:9

Na adeppa adeppa gome amu, da ele oh gomuɗ. Amu ele da hei, na kekeɗ nahip oh eɗatte, gemu ag na waatppa daatteb. Aria, gemu amu, da heppi, na onin okkainab, danab onilag okkai okkai laa oh eɗattak, wanppa daan oippig, oitteb ele amu, na onin okkainab, ag onilag bia daakku.

1 Stori 14:17

Dawit nug anam heum amunu, danab ah wan atu ohppa nuhignu nai dooppig, amu Yawe he, wanppan wan ohppan danab ah ag oh nug baɗidppig.

Esta 9:4

Am king nug Mordekai awa me, gumak uɗat aben attannabppa ta daye, nuhig hak, nai amunu wan maha ohppa ugekke, nug binag awe, ɠagattag okkai ele naɗi meeme, nai amu ele ukkom ⌊amunu, okkai danab laa ag nuhignu baɗappig⌋.

Matyu 14:1

Haen amuppa Herot Antipas nug Jesus onig binag ele doyom.

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Duteronomi 31:6

Ag ɠagattag daan, ahilagnu aib ottaippig! Ahilagnu aib eheɗ nau baɗappig! Aɗinu? Yawe, ahilag Kayak, Nug ag noolag awa gokku. Nug ag ii uuadma, ag ii paɗualadma,” awa aum.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Josua 9:1

Aria, Jodan lenu qaban uɗitteppanu king oh ag aɗi keeke beumnu dooppig. King amu ag am Hit, Amo, Kanan, Peres, Hiwi, amu Jebus ele dilag king. King amu ag wan laih qauko qauko ele, amu qauko nakok qauko okkai diigppa daatteb, amuam laih qaban nedeppan wan laih, amu laih Mediterenia yu ihi ukka, Lebanon batakppa, ag appa daappig.

Josua 9:3

Amge haen Gibeon danab ah ag Josua nug Jeriko, Ai ele dilahppa aɗi heum, ag amu doona,

Josua 9:9

Josua nug anam a, ag nai nob mena appig. “Ig, ig ahilkad maɗi nid amu, ig Yawe, ahilag Kayak, ig Nug onig okkainu doomut amunu, ig wan umanabnu uɗimut. Ig Yawe, ahilag Kayak, nuhig hak ɠagattag, Isip appa heum amu doomut amunu, ig uɗimut.

Ikki Danab 1:19

Yawe Nug Juda danab ele daappig amunu, ag Kanan danab ah ag laih qauko qauko ele daappig eɗadna, ahilag wan ele aoppig, amge Kanannu danab ah uɗem okkaippa daappig, ag bannu karis aenppa hak ele amunu, Juda aɗi ⌊ag ag lamadkkulagnu elele oolagppa genab ii doon,⌋ ag danab amu ii lamadppig.

1 Samuel 18:14

Am Dawit nug nuhikkud ban danab ameg ele, ag kekeɗ ele ban heegeg, Yawe Nug Dawit ele daapiɗ amunu, keeke oh Dawit heum amu, keeke amu enaib ukkom.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.