Josua 6:24 - Nobonob Baibel

²⁴ Aa anam heeh, Israel ag aab okkai amu, ooppan keeke oh ele manaeg ewom. Keeke silwappa, golppa, brasppa, o aenppa hattak aakkuib amu, ag keeke amu Yawenu mettid lagnu en maknu oo, amuppa daaglagnu maadppig.

Josua 6:24 ပူးပေါင်းရင်းမြစ်များ

2 Samuel 10:5

Hanun aɗi ag anam heeg, danab Dawit maatte goppig ele ag uɗa nak nau doon, eɗun uɗiegeg, laa nug uɗia, kobol amunu Dawit amegppa aum amunu, King Dawit nug danab uɗa nak dooppig ele dilag nai imu nai awa ukkak danab oɗelagppa me goppig. “Ag Jeriko appa daappeg ukkeb, ag akkaɗilkad eɗun daappig bia daappeg, ag eɗun uɗieg!” Nug nai amu ahilagnu me ukkom.

2 King 25:9

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

1 Stori 18:11

Nug keeke amu awa ukka, King Dawit mette, Dawit nug keeke amu oh Yawenu tituana mettom. Nug tatam Edom, Moap, Amon, Pilistia, Amalek ele ban haaha, wan amu ohppanu silwa, gol ele awa, Yawenu tituana mettom, anamib nug keeke Hadoram awa uɗiom ele Yawenu tituana mettom.

Namba 31:10

Ag aab oh Midian danab ah daappig ele, ag amu manadnana, ahilkad haen tutu dayak aab kaladppig ele manadppig.

Duteronomi 13:16

Anam hena, ag danab amu dilag keeke oh akkan, aab gamagppa haɗap okkaippa mena main, ag aab nakok amu oh maippeg, ewa iitta maɗ! Amuam ag manaknu ofa, Yawe, ahilag Kayak, ag Nug medatteb, am amubia daakku. Aria, aab nakok amu nug nauhak anam aakku alet daakku. Ag aab amu aib eɗun bappaidppig.

Duteronomi 13:17

Amu Yawe Nug tuɗitta, ag Israel laa, Nug ahilagnu oo nauhak huanak ii doomanu, Nug ahilagnu oo gai-iitta doya, oo metta, ehanatta heeb, ag danab ah kuɗum, Nug ag mamelkad aɗi amelagppa anam hekkunu nuhig nai ɠagattag qetta aum bia heeb bekkunu, ag aab nakok amu ooppan keeke laa aibnab ahilagnu aoppig. Keeke amu oh am Yawenuib nuhig pelemppa daatte.

Duteronomi 20:16

Iitta. Wan Yawe, ahilag Kayak, Nug ag aulag daakkunu madatte, amuppan aab okkai amu, ag appa laa uuppeg, bau aib dayom.

Josua 11:11

Israel ag aab amu ohnu danab ah qep elabppa aqappig. Amu oh Israel ag heeg, ag Yawenuib nuhig pelemppa daappig. Ag keeke laippu laa ulah noobppa eeɗom ele anidna, iinab uuitteg dayom. Anam daye, Josua nug aab okkai amu mane ewom.

Josua 6:19

Keeke oh silwappa, golppa, bransppa, o aenppa hattak oh, amuam Yawenu tituanak daatteb, amu ag keeke amu oh akkan, mettid haknu peh lag, amuppan en maknu ooppa mekkulagoitte.” ⌊Josua nug matu danab ah amelagppa anam aum.⌋

Josua 6:25

Amu Rahap nug lokkumakppa atu italak danab, Josua maate Jeriko gopiɗ ele, nug aa diiata lokkumatom amunu, Josua nug ib baag ah Rahap, am nuhigppan ele, ag nug laugppa oh daappig ele, nug ag diia atognoattom. Josua anam he, Rahap nug haen amuppa Israel oolagppa digma daye uɗie uɗie, gemu ⌊nai imu yaak haenppa⌋ ele, nug Israel oolagppa daatte.

Josua 8:28

Israel dilag ban danab ag anam hena, aab Ai amoteg ewa, aakku nauha auta autanab awa, Ai am kinipan ameg okkai hume tak, anamib aakku daakkunu anam dayom. Aab amuam hele-ettak anam daye uɗie, gemu ⌊nai imu yaak haenppa⌋ ele anamib daatte.

Revelesen 17:16

Am na qeqeɗi eblaih laih ele anidme amu, ag oh amu doɗ dakkuɗ ele ag ib baag ahnu oolagppa nau ninig ele dooglag. Ag anam doonna, ag nug heppeg nauhkku. Lamen nuhig oh uɗidppeg, nug beɗu miag daakku. Ag nug teppu lakkulag. Nug beɗu laa oh, amuam ebehi keeke, ag amu aab aɗuppa maippeg eokku.

Revelesen 18:8

Nug anam atte amunu, keeke nau imu oh deɗ laippuppa nuhigppa bekku; mauhak, qanak, amu enug haen ele. Aab okkai Babilonnu amu, aab eweb iitta mekku. Aɗinu? Naɗi Kayak, Nug ɠagattag okkai ele amu, Nug epeɗidtte.