Josua 6:2 - Nobonob Baibel

² Amge Yawe Nug Josua amegppa aum. “Antte! Da Jeriko, nuhig king, nuhig ban danab ɠagattag ele oh na eppenppa aakku mettem.

Josua 6:2 ပူးပေါင်းရင်းမြစ်များ

2 Samuel 5:19

Ag anam daappig amunu, Dawit nug Yawe oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Yawe anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.

Nehemaia 9:24

Ag bekkalkad amu, ag wan amuppa wana, appan danab eɗadna, wan amu aoppig. Na ehanatte, ag Kanan danab wan amuppa daappig eɗatteg, danab amu ag, ag eppelagppa daappig. Na ehanatte, Kanan danab ah amu, ahilkad king ele ag Israel, ag ahilagnu attem hekkulagnu dabmeppig ele, ag ag eppelagppa aakku daappig.

Daniel 2:21

Kayak Nug wanppa aɗi keeke bekkulag, aria haen adekkuppa bekkulag ele gumatte. Nug he, danab laa king abenabppa tette. Nug he, danab amu king abenabppa ii daatte. Nug he, danab doyak dabmak ena ele nug doyak dabmak ena amu tuɗid ele aotte. Nug he, danab diignu doyak tutukku ele, nug diignu doyak tutukku tuɗid ele daatte.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Daniel 4:17

Danab ah ag Kayak Attannab Laa Oh Eɗattak Nug wanppanu ɗo maɗoɗ oh gumadtte dooglagnu, ag auntai laa nug ɗo maɗoɗ laa dilag okkai daakkunu amu, Kayak Nugib he, danab laa, danab onig eletai, o danab onig iittanab eletai, nug huu dilag okkai daatte dooglagnu amu, amu miag atitte. Nai awa ukkak danab ag nai imu mattieg, laa dootteb. Ao, laa ag Kayaknu oppiaawak ele daatteb, ag keeke imu bekkunu nai imu atteb,’ awa eum.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Duteronomi 7:24

Nug geha danab amu, Nug king ahilkad diia, ag eppelagppa meeb, ag hadappeg nauhkkulag. Ag heppeg, king amu ag nauhna autnanab aon, ag wanppa deɗ laa ii daalob, am anambia daakku. Auntai laa ag, ag Israel eɗadkkulagnu elele iitta. Geha ag hadappeg, nauhna iitta mekkulag.

Josua 12:9

Jeriko dilag king, amu Ai dilag king ele; Ai am Betel guguittak dayom.

Josua 2:24

Aa ele apiɗ, “Yawe Nug genabnab wan imu oh ig mekkom amunu, danab ah wan amuppa daatteb, ag oh ihinignu baɗak okkai dootteb,” aoya apiɗ.

Josua 20:1

Amu Yawe Nug Josua amegppa aum.

Josua 6:1

Jerikonu aɗnu od am ɠagattag manattak dayom. Aɗinu? Danab ah ag Israel dilag baɗappig. Laa aab dimittim ii ukkom; laa ooppa ele ii ukkom.

Josua 6:3

Na amu ban danab oh ele, ag oh tappa ukkak laippuppa aab okkai amu deɗ eblaih laippu ele, deɗ anen anenppa talilittak laippu taliliglag.

Josua 8:1

Aakku Yawe Nug Josua amegppa aum. “Na aib baɗame. Nahip dabmak ele qe nak aib dayom. Na ban daup oh diippe, ag gona, Ai ele ban heig! Da king Ainu, nuhig danab ah, nuhig aab okkai, amu nuhig wan ele oh na mettami daatte.

Ikki Danab 11:21

Amge Yawe, Israel dilag Kayak, nug he, nuhikkud danab ah ag King Sihon eɗidppig amunu, Israel ag, ag Amo danab wan amuppa daappig ele, ag amu dilag wan oh aon tonappig.

Ikki Danab 11:24

Na nahip kayak Kemos keeke mettom, na amu dabmette; ig am Yawe, ihinig Kayak, nug keeke mekkom, ig amu dabmettagnig.