Josua 6:15 - Nobonob Baibel

¹⁵ Ag anam heeg ukke, deɗ eblaih aɗit ele haɗaedette, Israel ag ahana, aab okkai talilidna laippuppa tappa ukkak deɗ tatam tatam heppig bia heppig. Amge haen imuppa amu, ag haen eblaih aɗit ele talilippig.

Josua 6:15 ပူးပေါင်းရင်းမြစ်များ

Sam 119:147

Da aam ii beebe, tatam da ahen ehaniɗkkutnu unuqidttem. Na da ehaniɗkkutnu ame amunu, da amu bekkunu dabmak aɗe oittem.

Matyu 28:1

Amu Sabat deɗ ukka male, wagɗe mettidnu deɗ digmakppa aam bekkunu heehe, Maria, Makdala ted amu Maria laa ele aa moɗ anidkkulahnu gopiɗ.

Hibru 11:30

Israel ag Kayaknu oolagppa genab dooppig amunu, ag Jeriko aabnu aɗ haen eblaih aɗit ele talilidna oin malaeg, aɗ pana na qeum.

Josua 3:1

Lokkumakppa atu italak danab aɗit aa eɗuya uɗiya, Josua gumidya uɗieh, deɗ amu uue, wagɗe buttua Josua ahe, nug Israel danab ah oh ele ag ahan, Sitim uun, Jodan leppa goppig. Ag gona, nakok dimppa ag Jodan le mataɗkkulagnu amu, ag aguppa haen tutu dayaknu aab kalan daappig.

Josua 6:14

Deɗ ebqak aɗit amuppa ag laippu tappa ukkak hena, ag aab okkai haen laippuib talilittona, ag eɗun haen tutu dayaknu aab kalappigppa goppig. Ag deɗ eblaih laippu ele oh kobol amu anamib heppig.

Josua 6:16

Ag anam hena, haen ag aab amu talilitteg, eblaih aɗit bate amu, mana mettak danab ag trampet huana iwalattegeg, Josua nug danab ewak hekkulagnunab ana, nug aum. “Yawe Nug aab okkai ag eppelagppa maattom amunu, ag eig!” awa aum.

2 Pita 1:19

Amunu ig propet ag nai appig ele amu, ig nai amunu oonig unuqagppa genab doottem. Anam amu, ag propet nainu daulag human doon autna aweg! Aɗinu? Ahilag nai am hul, gatatu abenppa amahlala daatte bia daatte. Amu ag ahilag nai dabmenan daappeppeg, propet nai am anam amahalebeb ukkeb ukkeb, Jesus Nug eɗua na, ag oolagppa amahalkku batak am ena.