Josua 5:14 - Nobonob Baibel

¹⁴ Josua nug anam oɗ mette amu, danab amu nug nob ma aum. “Da ahilagnu laa iitta; da kekeɗ dilagnu laa ele iitta. Aɗinu? Da Yawenu ban daup ikki daattem,” awa aum. Nug anam a amu, Josua laippun gateg qaun o, gomela, iɗu wanppa ma, nug aum. “Da amu nahip maɗi nid laa. O naɗi, na da aɗi nahip hekkulnu oot daatte?” awa aum.

Josua 5:14 ပူးပေါင်းရင်းမြစ်များ

Genesis 17:17

Kayak Nug anam a amu, Abraham laippun gateg qaun o, gomela, iɗu wanppa ma dayaya, nug nukka imaama, ooppa aum. “Danab laa nug maɗ 100 ele dayaya amu, nug nid danab aokkute? O Sarah nug maɗ 90 ele dayaya amu, nug nid menukkute?” ooppa aum.

Genesis 17:3

Kayak Nug anam a amu, Abram nug laippun gateg qaun o, gomela, iɗu wanppa ma daye, Kayak Nug tuɗitta aum.

2 Samuel 7:19

Anam amge, O Naɗi Yawe, na amuib ehaniɗna hekkutnu ii dabmettem. Iitta. Na heppe, da, da nahip maɗi nid amu, da buɗulad oolagppanu laala, ag ahilag haen anen anenppa, ag Israel dilag king hanhan bena daaglagnu ele ame. O Naɗi Yawe, na kobol enanag inam haen oh danab dilagppa hettemte?

2 Samuel 7:20

O Naɗi Yawe, na da, nahip maɗi nid, na da dooiɗttem amunu, da, Dawit, da na amenppa aɗi nai laa madikkulnu daatte? Iitta.

Sam 110:1

Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.

Sam 24:10

King Nug binag amahlak oppiaawak ele amu, Nug am aun? Nug am Yawe Nukka Ɠagattag Oh Ele. Yawe Nukka Ɠagattag Oh Ele Nug am King binag amahlak oppiaawak ele. Sila.

Eksodas 4:10

Yawe Nug Moses amegppa anam aum, amge Moses nug Yawe amegppa aum. “O Naɗi, nai mattiak dahil, amu laa ittag ii aqatte. Aɗinu? Da oɗel uugnab daatte. Da lemaɗul ele uug daatte. Da anukka anamib daami, gemu ele, na da amelppa nai iikku madittem, amge da daamibia, da anamib daattem ⌊amunu, da uɗat amu hekkulnu elele iitta⌋,” awa aum.

Eksodas 4:13

Yawe Nug anam aum, amge Moses nug eɗua amegppa aum. “O Naɗi, ⌊gadon, da elele iitta.⌋ Na danab laa appe gokkunu oɗ medattem,” awa aum.

Aisaia 55:4

Antteg! Da hei, Dawit nug huu digdig dilag gumitta danab dayom. Ib amuppa, da dahil ɠagattag danab ah huu ohppanu amu ippunadmi.

Aisaia 6:8

Aakku Naɗi Nug inam oɗmak heehe baag doomi. Nug inam aum. “Am da aun geha meppi gokku? Am aun nug geha ihinig nai awa gokku?” awa aum. Awa a amu, da ami. “Da iikku; na appe, da gokkul,” ami.

Esekiel 3:23

Nug da amelppa anam aum amunu, da, Esekiel, da ahen, aab dimittim uɗem naɗippa gomi. Da ukken, da appa Yawenu binag amahlak oppiaawak ele daye anidmi; binag amahlak oppiaawak ele tatam da le Kebar guguittak dayeye anidmi, da amu antten, da laippun gatel qaun oin, gomelen, iɗul wanppa memi.

Daniel 10:13

amge Persia dilag okkai nug dahil ib oo nekkunu ha dayeye, da uɗikkulnu heiyi, deɗ 21 ukkom. Persia dilag king nug dahil ib oo nekkunu anam heehe, deɗ 21 ukkom amunu, engel okkai onig Maikel nug da ehaniɗkkunu uɗiom.

Daniel 10:21

Nug uɗikku, amge tatam da nai buk laa onig Nai Genabnu Buk, nai buk amuppa daatte am appi dookkut. Da amu hekkul amge tatam na imu dookkut. Persia dilag okkai, Grik dilag okkai ele, danab aɗit amu aa da ele ban hettem; laa ehaniɗlob, amge laa anam ii hetteb. Iitta. Nahip ehanittak okkai Maikel, nug nukka ehaniɗtte.

Daniel 12:1

Amu haen amuppa Maikel, nug engel naɗi, nug na, Daniel, nug nahipad danab ah ehanadtte amu, nug aha uɗikku. Haen nug aha uɗikku, haen amuppa uug naunab daakku. Uug amubia deɗ laa wanppa ii neum. Uug amu bekku, amge nahipad danab ah oh, onilag bukppa yaak daatte ele, ag oh ehanittak aon, ena daaglag.

Daniel 8:11

Qeqeɗi tatam nakok dayom amu, qeqeɗi amu nug nukka nug ha, nug Kayak, hab daup oh gumadtte, nug Nug bia daakkunu wagai ma haaha, nug laa ag deɗ oh doɗ manan, Kayak medatteb ele, nug he, ag mana mettak amu ii heegeg, nug he, Kayaknu mettid lag am keeke hamu bia dayom.

Lewitikas 9:24

Aakku, Yawe toppan aab aɗu na, manaknu ofa, amu ittag ele qaɗabppa dayom, am laippun ewa iitta meum. Haen danab ah ag amu oh anidna, ag maɗoɗppan gamag ahak doon ena, ag laippun gatelag qaun ona, gomelna, iɗulag wanppa meppig.

Namba 16:22

Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Namba 16:45

“Aa qe meya, danab ah imu uuadya waya, laih daapeɗ, da laippun heppi, danab ah imu mauhkkulag,” awa aum. Yawe Nug anam aum, amge Moses, Aron ele aa gatelah qaun o gomelya iɗulah wanppa mepiɗ.

Namba 22:31

Balam nug donki nai nob me amu, Yawe Nug he, nuhig engel, nug nuhig qep elab aɗaɗa, ibppa hibaitta dayeye anttom. Antta, nug laippun gateg qaun o, gomela auta awa, nug iɗu wanppa meum.

Matyu 22:44

Nug inam aum. ‘Yawe Nug dahil Naɗi amegppa inam aum. Na da eppel naɗiap-ppa daappe ukkeb, da nahip kekeɗ na waatppa maadkkul.’

Matyu 8:2

Dim lamittegeg, danab laa nug gaɗa oɗe nau ele, nug Jesus noobppa ukka, gateg qaun o, Jesus amegppa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.

Luk 1:43

Naɗi dahil amu, Nug anig nug dahilnu ii helobia amge ena da gumiɗa uɗiom daatte. Nug anam heum, amge da am ah enate nug anam helo?

Luk 20:42

Dawit nug nukka buk Samppa amu inam yom. ‘Yawe Nug dahil Naɗi amegppa inam aum. “Na da eppel naɗiap-ppa daappe ukkeb,

Luk 5:12

Jesus Nug aab laappa oiyeye, danab laa gaɗa oɗe nau ambak ele, nug ele appa oiyom. Nug oiyaya, haen nug Jesus antta amu, nug Jesus noobppa laippun gateg qaun o, gomela, iɗu wanppa ma, unuqa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Aposel 9:6

Amge na ahan, aab okkai ooppa nona daabppe, geha na keeke aɗi hekkutnu amu, danab laa nug na amenppa akku,” awa aum.

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.

Hibru 2:10

Kayak, Nug keeke oh diig, keeke oh Nug hattom ele, amu Nug bekkod kuɗum oh diia attan teeb, binag amahlak oppiaawak ele daaglagnu dabmaama, Nug Jesus Nug guittak doyaya, ib amuppa Nug Eɗua Diiaknu Anuqak Danab elelenab ba daakkunu aum. Amuppa Kayak Nug kobol elelenab heum.

Josua 20:1

Amu Yawe Nug Josua amegppa aum.

Revelesen 12:7

Ukke amu, ban hab aabppa neum. Engel okkai onig Maikel, nug nuhikkud engel ele ag mat naɗinab, nuhikkud engel ele ban heppig.