Josua 5:13 - Nobonob Baibel

¹³ Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.

Josua 5:13 ပူးပေါင်းရင်းမြစ်များ

Genesis 18:1

Amu Abraham nug Mamrenu ad ok gukkuattak dayeye, Yawe Nug gumitta neum. Haen amuppa Abraham nug aam anig nug peh lag nuhig odppa dayaya,

Genesis 18:2

nug neekke ukke, danab ewam ag nakok piɗe bia hippaidna daaegeg anattom. Anatta amu, nug uɗalag tekkunu nug aha, qaiqaɗ gukkuatta ukka, ag noolagppa gateg qaun o, gomela auta awa, iɗu wanppa meum.

Genesis 28:16

Jakop keeke amu oh antta aha, dabmak awa, dabmakppa inam aum. “Yawe aben imuppa daatte, amge da ii doomi,” awa dabmeum.

Genesis 33:1

Jakop nug autaut ugakka, nug ameg huma, Esau, nuhikkud danab 400 ele uɗiegeg anattom. Anatta, nug nid nuhikkud oh otiatta, Lea, Rahel, amu nug wauuɗ amge wauuɗnab iitta aɗit, ag mattom.

Genesis 33:5

Anam gayoya, Esau nug ameg huma, nid naunau, anilkad ele anatta, oɗ meum. “Umu am aun aɗi?” oɗ meum. Oɗ me amu, Jakop nug aum. “Nid naunau umu, Kayak Nug nahip maɗi nid da, Nug dahilnu oo bodoette enanag maɗoɗ ele ha, da meɗom,” awa aum.

1 Stori 12:22

Amu danab anam anam deɗ oh bia Dawit ehanidkkulagnu uɗippig amunu, Dawitnu daup am huanaknab daappig. Ahilag ebqak am Kayaknu daup dilag ebqak, amubia.

1 Stori 21:27

Amu dimppa amu, Yawe Nug engel nug baula heeb, oɗe nau danab kuɗum aqe mauhtteb ele danab ah ii aqamanu aum; amuam laa nug daup laa nug qep elab eɗua, nuhig gaɗappa mekkunu anak, amubia.

1 Stori 21:30

Amge haen oɗe nau danab kuɗum aqe mauhtteb ele danab ah aqe mauhppig, haen amuppa Dawit nug Yawenu engelnu qep elab antta baɗom; baɗak amu he, nug dabmak awawa, baula Gibeon ukka, mana mettak haaha, appa Kayak aɗi hekkunu oɗ medakkunu elele ii doya, nug hanhan Araunanu ee aeg mumuɗak abenppa amu hekkunu dabmak awa, appaib heum.

Eksodas 23:23

Aɗinu? Amu engel dahil nug geha ag noolagppa anuqa ugakka, ag omalatteb gona, ag Amo, Hit, Peres, Kanan, Hiwi, amu Jebus aɗi dilag wanppa teppeg, da geha heppi, danab amu ag oh iitta mekkulag.

Daniel 10:5

da amel humen, neekki ukke, danab laa da noolppa dayom anidmi. Nug lamen linenppa hak takka, matagiɗ gol enanagppa hak imuagppa takkom.

Daniel 8:3

Da anam dayeye, da amel humen, neekki ukke, da noolppa sipsip dawai, qeqeɗi aɗit ele, nug ele lenag amu daugppa dayeye anidmi. Qeqeɗi aɗit oh am elab, amge laa am elabnab. Qeqeɗi elabnab amuam dim beum. Qeqeɗi tutu tatam be, elab am dim beum.

Sekaraia 1:8

Da Sekaraia, da tuqan tulegleg laa anidmi. Tulegleg amuppa, da danab laa anidmi. Hos nug attan daya oiyom ele amu, hos amuam kokoɗ. Amu danab amu nug ad mirtel kuɗum oolnu noak nakokppa daappig, nug ad amu oolagppa hibaitta dayom. Danab amunu hos dimugppa amu, hos laala ele daappig. Hos amu laala am kokoɗ, bedupped, hakkab ele. ⌊Amu hos anen anen ohppa danab laa attan ta dayom. Aria, ad mirtel amu oolagppa Yawenu engel ele dayeye anidmi.⌋

Namba 22:23

Balam nug engel ii anttom, amge donki nuhig nug am anttom. Haen donki nug Yawenu engel ibppa qep elab naɗi laa aɗa dayeye antta amu, nug eɗua, dad laa ib giginppa dayom, amuppa waum. Nug anam he, Balam nug donki eɗua ib manppa wakkunu makkuɗom.

Namba 22:31

Balam nug donki nai nob me amu, Yawe Nug he, nuhig engel, nug nuhig qep elab aɗaɗa, ibppa hibaitta dayeye anttom. Antta, nug laippun gateg qaun o, gomela auta awa, nug iɗu wanppa meum.

Aposel 1:10

Nug ukke, ag habppa neegna daaegeg am danab aɗit, aa lamen hakkab ele, aa tulai doeh, ag ele hippaidna daanna,

Josua 6:2

Amge Yawe Nug Josua amegppa aum. “Antte! Da Jeriko, nuhig king, nuhig ban danab ɠagattag ele oh na eppenppa aakku mettem.

Revelesen 1:13

Anam andette amu da laa, nug danab bia, lam maknu balal amu oh oolagppa hibaitta dayeye anidmi. Nug lamen elab ukka baegppa batak takkowa, lamen golppa hak momoppa qakkom.

Ikki Danab 13:11

Awa a, aakku Manoa nug wau ele aa oh eɗuya, paha goya, Manoa nug engel oɗ metta aum. “Na aakkute deɗ laa ah dahil amegppa nai mattime?” awa oɗ mettom. Oɗ mette amu, engel nug oɗeppa awa aum. “Yo, da aakkuib,” awa aum.

Ikki Danab 13:22

Nug anam doya, wau amegppa aum. “I Kayak anidmuɗ amunu, geha mauhkkunih!” awa aum.