Josua 4:24 - Nobonob Baibel

²⁴ Yawe Nug wan ohppan danab ah oh ag Nug ɠagattag okkai ele dooglagnu amu, ag Israel, ag hanhan Yawe, ahilag Kayak, ag nuhignu ebehilag oh bodoetta le mekkuoitte dooglagnu, Nug anam heum,” awa aum.

Josua 4:24 ပူးပေါင်းရင်းမြစ်များ

1 King 8:40

Aɗi diignu da na anam hekkutnu oɗ medattem am, nahipad danab ah ig, ig wan na ig mamenkad aɗi mattame ele, ig amuppa bau daatta, ig haen amu ohppa nahipnu ebehinig oh bodoetta le meebeb, ig nahip ɗo, nahip hak ele dim lamidta oignig.

1 King 8:60

Amunu diig am, wan ohppan danab ah oh ag geha, Yawe Nug nukka Nug am Kayak genab, amu kayak laa Nug bia laa ii daatte dooglagnu daatte.

2 King 19:19

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

2 King 5:15

Anam beum, amu dimppa Naman nug nuhikkud huu ele ag eɗun, Kayaknu danab Elisa, nug gumidna gona, Naman nug Elisa noobppa hibaitta dayaya, nug inam amegppa aum. “Antte, genabnab genab, gemu da doottem, wan ohppa amu Kayak laa ii daatte. Iitta. Israel dilag Kayak Nugib Kayak daatte. Amunu gemu da, nahip maɗi nid, da keeke nahip daakkunu hamu na medakkulnu ool daye, medakkulnu oɗ medattem,” awa aum.

1 Stori 29:12

Danab ag en okkai, binalag okkai ele amu, ag keeke amu na eppenppa aoppig oitteb. Na keeke oh ikki daattem. Na eppenppa ɠagattag, binag okkai awak ele daattep. Danab oh binag okkai, ɠagattag ele mattaknu amu, amuam na eppenppa aɗattem.

Job 40:9

Da, Kayak, da ɠagattag okkainab ele. Na ele anambia daattemte? Ge, da baalppa nai oqotti okkainab, hakkaɗ qak bia akkulnu elele. Na ele anam bia hekkutnu elele daattemte?

Sam 106:8

Ig alankad ag anam heppig, amge Yawe Nug ag padal memananu ehanadkkunu matu aum amunu, nug anam heum. Nug amu heumnu diig laa am, Nug Nug onignu dabmak anuqak awa, danab ah ag nuhignu nai eheɗ mattinna, “Yawe Nug keeke hekkunu aum, amge Nug ii heum,” amananu heum. Laa am, Nug ɠagattag nuhig attemu ele danab ah ippunadkkunu heum.

Sam 89:13

Na ebehin ele! Na eppennab am ɠagattag ele! Nahip ɠagattagppa amu, na kekeɗ eɗadttem.

Sam 89:7

Danab ah Kayaknu oppiaawak ele daatteb, ag laippu qagmena amu, ag Kayaknu ebehilag oh bodoetta le mak dootteb. Laanu iitta. Ao, laa Kayak talilidna daatteb ele amu, danab nug ag anatteb, nug ebehi oh bodoetta le mekku, amge laa nug Kayak antteb, nug ebehi oh bodoetta le ma auta autanab aokku.

Eksodas 14:31

Aria, Israel ag Yawe Nug Isip eɗatta, uɗat naɗi heum, ag amu anidna, ag nuhignu ebehilkad oh bodoetta le me, ag nuhignu, nuhig maɗi nid Mosesnu ele oolagppa genab dooppig.

Eksodas 15:16

Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.

Eksodas 20:20

Ag anam appig, amge Moses nug ag amelagppa aum. “Iitta! Ag aib baɗappig. Aɗinu? Kayak Nug ag nuhig nai tabappeg nemanu hette. Ag nuhig ɠagattag okkai huanak ele anidna, ag nuhignu ebehilag oh bodoetta le meeb, ag hipunin ii hemananu, nug nuhig ɠagattag okkai huanak ele ippunadtte,” awa aum.

Eksodas 9:16

amge da geha dahil ɠagattag okkai na ippunidkkulnu, danab ah wan atu ohppa da onil dooglagnu amu, da na king meitti, na okkai aakku daattem ⌊amunu, da ag aqai ii mauhppig⌋.

Aisaia 52:10

Yawe Oppiaawak Ele Nug nuhig ɠagattag danab ah oh anidkkulagnu heeb, miag atieb daakku. Nug anam heeb amu, danab ah wan atu ohppa daatteb ele, ag ehanitte, padal ii mak Kayak eppegppanu uɗitte anidkkulag.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Duteronomi 28:10

Ag anam daappeg, wan atu ohppan danab ah ag anadkkulag amu, ag Yawe Nug ag nuhikkudnab daaglagnu diiom anadna, ag ahilagnu ebehilag oh bodoetta le mekku.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

1 Samuel 17:46

Gemu, geha iikku, Yawe da ehaniɗeb, da geha na nidappi mauhppe, da na ikkin okkule aokkul. Laa ele, gemu da geha Pilistia ban danab beɗulag amu, da ai, doɗ ele madappi lakkulag. Da geha anam heppi amu, dimppa danab ah huu wan ohppa ag ig Israel, ig oonigppa amu, Kayak genab Nug daatte dooglag.