Josua 4:18 - Nobonob Baibel

¹⁸ Josua anam hekkulagnu mana mettak danab amelagppa a amu, ag Yawenu Tituanak Nainu Kunup kontrak inak ele, ag kunup amu maonna, le uun, laih teppig. Ag uɗinna, ag baelkad wan qaɗaiettakppa meeg, haen amuppanab Jodan le tatam ugakka gottom bia eɗua, ui ele ukkom.

Josua 4:18 ပူးပေါင်းရင်းမြစ်များ

1 Stori 12:15

Danab amu ag maɗ ooppanu kalam digmak, kalam amuppa Jodan le ui ele otte, haen amuppa Jodan le ui eheɗ oowo, ag le mataɗna wana, danab ah oolnu noak Jodan leppa nottebppa daappig ele, ag danab ah amu lamatteg goppig. Ag Jodan le heqo laih laih, Jodan leppanu kaɗag uɗitteppanu, qaban uɗitteppanu ele anam lamadppig.

Josua 4:11

Aria, haen ag oh le mataɗna malaeg, mana mettak danab ag Yawenu Tituanak Nainu Kunup amu maon, le gamagppanu uɗiegeg, danab ah laihppa daanna, neekkadna daaegeg wappig.

Josua 4:17

Yawe Nug Josua anam amegppa a amu, Josua nug mana mettak danab amelagppa haknunab nai, “Ag Jodan le uun, audam beig!” awa aum.

Josua 4:19

Kalam digmaknu deɗ eblaih tanig eleppa, Israel danab ah ag aben Jodan le daugppa daappigppa amu uun, ahan gonana, aben laa onig Gilgal, appa ag haen tutu dayaknu aab kalan daappig. Aben onig Gilgal am wan laa, aab okkai Jerikonu tomnu kaɗag uɗitteppanu daatte, am wan amuppa, tom guguittak daatte.