Josua 4:14 - Nobonob Baibel

¹⁴ Deɗ amuppa ag Jodan le mataɗeg amu, Yawe Nug he, Israel laa oh ag Josua nug onig, binag okkai ele dooppig. Nug bau dayom, haen amu oh ag nuhignu, “Nug am danab okkai, binag ele,” doon oidppig. Ag Mosesnu, nug onig okkai, binag ele doon oidppig, amubia ag Josuanu doodppig.

Josua 4:14 ပူးပေါင်းရင်းမြစ်များ

1 King 3:28

Amu dimppa haen Israel danab ah oh ag King Solomon nug hettoɗiakppa ah aɗit hettoɗiatom amu doona, ag kingnu ebehilag oh bodoetta le mettom. Aɗinu? Ag dooppig, Kayak Nug doyak dabmak ena ele Solomon mette, nug nai doya mala hettoɗia epeɗia elele mettak kobol elele hekkunu elele dayom.

2 King 2:15

Propet huu ameg laa Jerikonu 50 ag uɗin gukkuidna appa daappig amu, Elisa nug keeke amu he anidppig. Anidna, ag appig. “Antteg! Ɠagattag anukka Kayak Nug Elaiya mettom amu, gemu am Elisa, nuhigppa daatte,” aon appig. Awona, ag uɗin, nug uɗa tena, ag gatelag qaun o, gomelna, iɗulag wanppa meppig.

1 Stori 29:25

Solomon king abenabppa ba daye, Yawe he, Israel danab ah oh ag Solomon binag okkainab medappig. Israel dilag king laa Solomon ii nak haenppa nug binag okkai amubia laa iitta.

2 Stori 30:12

King, nuhikkud ehanittak anuqak danab ele ag Yawe Nug ag Pasowanu aɗi hekkulagnu ippuanattom hekkulagnu haknunab appig amu, Juda appa Kayak Nug he, Juda danab ah ag nai amu dim lamidkkulagnu dabmak amu aon dayeg, dabmak amu ɠagattag dayom.

Eksodas 11:3

Aria, Yawe aum bia Israel anam heppig haenppa amu, Yawe Nug he, Isip danab ah ag Israel dilagnu, ag maɗi nid maɗi ah ele bia ii anadppig. Iitta! Ag danab ah ena anadppig, amu Paronu ehanittak anuqak danab ele, ag Mosesnu, nug am danab okkainab ele dooppig ⌊amunu, ag keekenu appig amu, ag hagakka ii aoppig. Iitta ag appig bia madappig⌋.

Eksodas 14:31

Aria, Israel ag Yawe Nug Isip eɗatta, uɗat naɗi heum, ag amu anidna, ag nuhignu ebehilkad oh bodoetta le me, ag nuhignu, nuhig maɗi nid Mosesnu ele oolagppa genab dooppig.

Prowerb 24:21

O bekkal, na Yawenu, kingnu ele ebehin oh bodoetta le maɗ! Na nai tappe nak danab ele laippu aib tamanin daame.

Rom 13:4

Laa nug gumaknu ehah ele nug ele am Kayaknu maɗi nid, ag ehanatteb ena daaglagnu daatte. Amge ag kobol tutukku ii henana amu, ag baɗeg! Ag dootteb, nuhig ɠagattag am keeke hamu iitta. Uɗat amu Kayak Nug mettom amunu, danab ag kobol tutukku ii heppeg, nug nob nau madakkunu daatte.

1 Korint 10:2

Amuppa ag oh Mosesnu dim lamittak danab bena, ag nug waappa daanna oippig.

Josua 3:7

Amu Yawe Nug Josua amegppa aum. “Da gemu aɗi hekkul amu, Israel danab ah ag amu anidna, ag da Moses ele daamuɗ bia, da gemu na ele daattep doon oolag maidkkunu amu, da amu heppi ba heeb, ag na danab binan okkai ele digmen anidkkulag.

Josua 4:13

Ebqak 40,000 anam, ag Israel dilag huu okkai Rubennu, Gadnu, aria Manase mahaib ele, ag bannu bapaidna goppig. Ag ban hekkulagnu Yawe noobppa Jodan le mataɗna, uɗem aab okkai Jeriko guguittak dayom, amuppa teppig.

Josua 4:15

Amu Yawe Nug ⌊danab ah ag le mataɗna malaeg, le gamagppan uɗat oh ele malak daye, haen amuppa Nug⌋ Josua amegppa aum.

1 Samuel 12:18

Samuel nug anam awowa, nug unuqitte, Yawe he, hakkaɗ qak, gu ele neum. Ne amu, danab ah oh ag ebehilag oh Yawenu bodoetta le meum. Ag Yawenu anam doon, Samuelnu ele anam dooppig.