Josua 3:17 - Nobonob Baibel

¹⁷ Israel danab ah ag le letan, laih wan qaɗaiettakppa ukkaegeg, mana mettak danab ag Yawenu Tituanak Nainu Kunup kontrak inak ele, ag kunup amu maoppig amu, ag Jodan le dayomppa gamagppa wan qaɗaiettakppa hippaidna daaegeg, danab ah oh mataɗna, laih wappig.

Josua 3:17 ပူးပေါင်းရင်းမြစ်များ

2 King 2:8

Elaiya, Elisa ele aa anam le daugppa daayya, Elaiya nug nuhig ulahnu lamen elab uɗa awa itoɗia, amuppa le makkuɗe, le oppata, laih laih nanehppa, naɗiap-ppa ele ukkaeh, wan qaɗaiette, aa noya goya mataɗpiɗ.

Sam 66:6

Kayak he, ib qaɗaiettak laa le naɗi gamagppa ba dayeye, ig alankad ag baelagppa le amu laih laih gilil bia dayeye, ag le mataɗna, laih wappig. Kayak Nug anam heum amunu, ig nuhignu oonig gamag okkai aheb, binag humatu!

Eksodas 14:21

Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Eksodas 14:22

Aria, gamagppa wan qaɗaiettak ena dayeye, Israel ag ena gona, yu amu mataɗna, laih teppig; yu nug oppata, laih laih ɠagattag gilil bia dayeye, ag gamagppa goppig.

Eksodas 14:29

Amge Israel amu, ag wan qaɗaiettakppa ena goppig. Yu nug laih laih ɠagattag gilil bia dayeye, ag gona, laih mataɗna teppig.

Aisaia 25:8

Naɗi Yawe Nug geha mauhak amu heeb iitta meeb, geha mauhak amu ahilagppa ii bema; hanhan anamib daakku. Nug geha danab ah oh amelag leb amu oppieb, iitta mekku. Amu Nug geha danab ah nuhikkud wan ohppa uɗa nak nau guittak ele ahilagppa daatte amu heeb, iitta mekku. Yawe Nug anam mattiom daatte amunu, am anam bekku.

Namba 33:51

“Na Israel danab ah amelagppa nai imu appe doyeg!” ⌊Nug anam a amu, Moses nug Israel amelagppa inam aum.⌋ “Haen ag Jodan le mataɗna wana Kanan nona amu,

Hibru 11:29

Israel danab ag Kayaknu oolagppa genab dooppig amunu, ag wan qaɗaiettakppa oittem, amubia ag le kokoɗ mataɗna laih wappig. Amge Isip ag anam hekkulagnu heegeg, le tonatte ag oh mauhppig.

Josua 4:1

Israel danab ah oh ag anam Jodan mataɗna wana malappig. ⌊Amge amu ii nak haenppa⌋ Yawe Nug Josua amegppa inam aum.

Josua 4:10

Mana mettak danab ag Tituanak Nainu Kunup maoppig ele amu, ag anam Jodan le gamagppa hippaidna daaegeg, danab ah ag keeke oh Yawe Nug Moses oɗeppa ag hekkulagnu Josua amegppa haknunab aum, ag amu hena malappig. Amu Israel danab ah ag paha Jodan le mataɗppig.

Josua 4:11

Aria, haen ag oh le mataɗna malaeg, mana mettak danab ag Yawenu Tituanak Nainu Kunup amu maon, le gamagppanu uɗiegeg, danab ah laihppa daanna, neekkadna daaegeg wappig.

Josua 4:22

ag ag amelagppa inam aig! ‘Ig Israel danab ah Jodan le mataɗmut, amge le iitta, wan qaɗaiettakppa mataɗmut.’

Josua 4:3

Na tituanattona, na ag amelagppa appe, danab amu ag men ebqak 12 Jodan le gamagppanu human mawatteg! Ag men aoglagnu amu, ag mana mettak danab hippaidna daattebppanunab aon mawadppeg, na danab ah oh ele ag gona, aben ag tuqan daaglagppa meig!” Yawe Nug matu anam Josua amegppa aum.

Josua 5:1

Amo dilag king oh ag Jodan lenu qaban uɗitteppanu daappig, amu Kanan danab ah dilag king Mediterenia yu daugppanu ele, haen ag Yawe Nug he, Jodan le qaɗaiette, Israel danab ah ag mataɗeg dooppig amu, ag baɗak okkai doon, ag Israel danab ele ban hekkulagnu oo ɠagattag qak ii dooppig.