Josua 24:25 - Nobonob Baibel

²⁵ Ag anam aeg amu, deɗ amuppa Josua nug ag ehanatte, danab ah ag Yawe ele nug tituana nai qakkak tatam heppig bia baula, Sekem appa heppig. Nug ɗo iɗu iɗu ag dim lamidkkulagnu ele ag amelagppa aum.

Josua 24:25 ပူးပေါင်းရင်းမြစ်များ

Genesis 35:4

Jakop anam a amu, ag laa dilag kayak hambuppuak ahilag, am daulagppanu bid ⌊ahilag ehanittak hambuppuak laa aakku⌋, ag amu ele oh Jakop mettaeg, nug keeke amu oh awa, ad ok, Sekem dayom, nug amu diigppa boumom.

2 King 11:17

Aria, Jehoiada nug he, King Joas nug, danab ah ele, amu Yawe ele ag nug tituanna nai qagappig. Nug tituana nai qakkak amuam, danab ah ag Yawenu danab ah aakkuib daaglagnu nai. Nug amu hewowa, nug he, king, amu danab ah ele ag nug tituanna nai qagappig.

2 Stori 15:12

Ag amu henana, ag Yawe, Nug ag mamelkad aɗi dilag Kayak, ag Nug anidna dim lamidkkulagnu ag meulag ohppa Nug mattiglagnu, ag Nug ele nug tituanna nai qagappig.

2 Stori 15:15

Juda danab ah ag ahilag nai amu hekkulagnu ag meulag ohppa ɠagattag qettan appig amunu, ag oh gamalag ahom. Ag Kayak anidna dim lamidkkulagnu dabmak ɠagattag unuqagppanu heeg, Nug he, ag Nug anidppig. Anam amunu, Yawe Nug he, kekeɗ ag eheɗ laa ahilagnu ii heppig.

2 Stori 23:16

Aria, Jehoiada nug he, nug, King Joas nug, danab ah ele, amu Yawe ele ag nug tituanna nai qagappig. Nug tituana nai qakkak amuam, danab ah ag Yawenu danab ah aakkuib daaglagnu nai.

2 Stori 29:10

Anam amunu, da Yawe, ig Israel, ihinig Kayak, nuhig oo nauhak huanaknab ig Israel, ihinignu amu iitta mekkunu, da Nug ele nug tituanta nai qakkagnignu dabmein daattem.

Nehemaia 9:38

Anam amunu ig Israel danab ah, ig ⌊na Kayak, ig na dim lamidkkunignu⌋ nai qagattem amu, ig nai qakkak amu pepappa yaat, ihinkad ikki danab, ihinkad mana mettak danab, ihinkad Lewi buɗubppan mana mettak danab iitta ele amu, ag ig genab nai amu dim lamidkkunignu ahilkad at stemp-ppa daatteb pepa amuppa yaatteb.

Eksodas 15:25

Ag anam heeg, Moses nug Yawe ɠagattag unuqitte, amu Yawe ad laa ippunittom. Ippunitte, Moses nug ad amu awa, leppa mawe no, le amu aakku lanaknu baag elele ba, ena dayom. Amu aben amuppa Yawe Nug Israel aɗi ag ma anttak madatta, Nug ɗo laa ele ag mattom.

Eksodas 24:3

⌊Amge Yawe Nug nai amu Moses amegppa ii aum haenppa amu, haen amuppa⌋ Moses nug noa, nug danab ah nai oh Yawe mattiom, amu ɗo oh ele mattom, nug amu oh ele ag amelagppa aum. Nug anam a amu, danab ah oh ag nai amu doon, ag oh oɗelag ooho, ag appig, “Ig geha Yawe Nug keeke oh hekkunignu aumbia amu, ig anamib hekkunig,” aon appig.

Duteronomi 29:1

Yawe Nug Israel ele Horep appa nug tituanna nai qagappig. Aria, Moap appa Yawe, ag ele baula nug tituanna nai qagappig. Amuam nug tituanna nai qakkak bau, qauko Horep appa heppig am tuɗittak. Amu Yawe Nug Moses, Israel amelagppa, ag nai amu dim lamidkkulagnu, ag attem attem hekkulagnu amelagppa ab dooglagnunab aum am, amuam aakku.

Josua 24:1

Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.

Josua 24:26

Josua nug keeke imu ohnu Kayaknu Ɗo Nai Bukppa yom. Ahilag nai laippu qakkak ag daulagppa daakkunu amu, nug men naɗi laa awa, ad ok waappa Yawenu mettid haknu peh lag guguittak meum.