Josua 24:12 - Nobonob Baibel

¹² Ag Amo dilag king aɗit Jodan leppanu kaɗag uɗitteppanu eɗatppig bia, da hei, ahilag kekeɗ, ag ahilagnu baɗaegeg, ag eɗadppig. Ag ahilag qep elabte, o iitta latte, amuppa ag hena, ag ii eɗadppig. Iitta! Da hei, ag eɗadppig.

Josua 24:12 ပူးပေါင်းရင်းမြစ်များ

Sam 135:11

Nug Amo dilag king Sihon qeum; Basan King Og qeum; Kanan dilag king oh ele aqom.

Sam 80:10

Grep amu okkainab me, qauko ag nug logoppa daappig. Ao, nug eppekkud ag ad sida okkai okkai amu teguadppig.

Sam 80:9

Na grep amu ena mekkunu aben qena ooɗitte, grep diɗi wan unuqag ukka, grep muɗi amu nahip wan oh tona malom.

Eksodas 23:28

Da heppi, danab ag uun okkai baɗatteb bia, Hiwi danab, Kanan danab, Hit danab ele ag eheɗ baɗappeg, ag Israel ag ag lamadkkulag.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Namba 21:31

Am Israel ag Amo dilag king Sihon eɗidna, ag Amo danab amu dilag wan aoppig amunu, Israel ag ahilag wan amuppa daappig.

Namba 21:32

Aria, Moses nug lokkumakppa atu italak danab maatte gona, Jaser italeg, dimppa Israel ag aab okkai amu, nuhig talilittak aab naunau daappig ele ohppa, ag Amo danab ah appa daappig amu lamadppig.

Duteronomi 31:4

Yawe Nug Sihon, Og ele, aa Amo dilag king amu, Nug aa, amu danab ahilti ele hatte nauhppig bia, Nug danab wan amuppa daatteb amu, Nug heeb nauhkkulag.

Duteronomi 4:46

Ag haen tutu dayaknu aab Betpeor guguittak appa oolnu noakppa kalan daaegeg, haen amuppa nug mattom. Betpeor am Jodan lenu kaɗag uɗitteppanu, appa daatte. Sihon, Amo dilag king, nug Hesbon dayaya, nuhikkud danab ah gumattom, ag appa, nuhig wanppa daappig. Moses, Israel ele ag Isip uun, Kanan gokkulagnu gonana, ag Sihon, nuhikkud danab ele eɗadna, heeg nauheg, appa haen tutu dayaknu aab kalan daaegeg, Moses nug ɗo imu oh ag mattom.

Duteronomi 4:47

Am Israel ag King Sihon, King Og ele dilah wan amu eɗatna aoppig. King Og, King Sihon ele aa Amo dilag king aɗit, Jodan leppanu kaɗag uɗitteppanu daadpiɗ. King Og nug Amo danab Basan wanppa daappig dilag king dayom.

Duteronomi 7:20

Yawe, ahilag Kayak, Nug anam haaha, Nug uun nau heeb gona, danab laib laib tatam ii aqappig, ag oolna lokkumna daaglag amu lamadppeg ahappeg, ag aqadppeg mauhkkulag!

Josua 2:10

Ig ahilagnu baɗak okkai doottemnu diig am, Yawe Nug ehanatta, haen ag Isip uun bena uɗieg Nug he, Le Kokoɗ qaɗaiettom. Aria, Amo dilag king aɗit, aa Jodan lenu kaɗag uɗitteppanu daapiɗ amu, ag Israel, ag attem haatppig amu, ig amu ele doomut. Ag king aɗit amu, Og, Sihon ele, ag aa, amu danab ah wan ahilti, amuppa daappig ele, ag heeg, ag oh Yawenuib nuhig pelemppa daappig.