Josua 23:4 - Nobonob Baibel

⁴ Antteg! Kanan wan imuppa amu, danab ig ii eɗadmut daatteb, amu laa ig eɗadmut ele amu, da danab amu oh dilag wan da otien, ag Israel, ag ahilkad huu okkai anen anen dilagnu, ag aulag daakkunu ag mattami. Wan amuam Jodan lenu qaban uɗitteppanu ukka Mediterenia yuppa noak, wan amu oh amu, da ag mattami.

Josua 23:4 ပူးပေါင်းရင်းမြစ်များ

Sam 105:11

Nug Jakop amegppa aum. “Da Kanan wan na medakkul. Ao, da na medappi, wan amuam na aut aakku daakku,” awa aum.

Sam 78:55

Nug ⌊ig alankad⌋ ag noolagppan wan anen anen, amunu danab lamatte goppig. Nug anam he, Israel ag om ena yaak heeg, Kayak ib amuppa Nug huu anen anen ahilag wan, ag aulag daakkunu ag mattom. Ao, Nug ag ahilkad wan anen anen matte, danab ah Israel dilag huu okkai anen anennu amu, ag laulkadppa aakku daappig.

Eksodas 23:30

Da pahanab amu ii hepa. Iitta. Da heppi, ag Israel ag wan anen anen amu dilag danab ah hubhub lamadna, ag Israel ag appatna, kuɗum benana, ag geha wan amu ukka batak, ag wan amu oh aoglag.

Sepanaia 3:6

Amu Yawe Nug atte. “Da wanppan wan kuɗum hei, nauhna autna aoppig daatteb. Ao, da hei, ahilag ban haknu aben ɠagattag ele nauhppig. Da hei, ahilag aab okkainu ib amu, danab ah laa ag appa ii oitteb. Ao, da hei, appa auntai laa ii noa gotte. Ahilkad aab am nauhak daatteb. Danab o ah laa appa bau ii daatte.

Duteronomi 12:29

Ag Kanan wanppa nona, appan danab ah lamadkkulagnu aakku daatteb. Amu Yawe, ahilag Kayak, Nug geha appan wan anen anennu danab appa ana daatteb, Nug heeb, ag danab ɠagattag iitta daan nauhkkulag. Amge ag lamadna malan, ag ahilag wanppa daappeg,

Josua 13:2

Wan Israel danab ag aoglagnu daatte am inam. Pilistia danab, Gesur danab ele, amu dilag wan atu oh.

Josua 18:10

Silo appa amu, Josua nug Yawe noobppa, om ena yaak ha antta, nug Israel dilag huu okkai eblaih aɗit ele, nug amu dilag danab ah wan mattom.

Ikki Danab 2:21

diig amunu da Kanan wanppa, Kanan danab ag ahilag wanppa daaegeg, ag Israel ag Josua bau dayeye, ii lamadppig ele amu, gemu ⌊ag Israel ag oolag ii eɗun oitteb ele, haen oh ag anam hekkulag amu,⌋ da heppi, ag kekeɗ amu ii lamadmana,” awa aum.