Josua 23:14 - Nobonob Baibel

¹⁴ Nakok laa ele amu, danab kaino ag mauhtteb bia, da mauhkkul. Ag oolag unuqagppanab amu, ag nai Kayak Nug genab heeb bekkunu ana qakkom, nai amunu amu, Yawe, ahilag Kayak, Nug he, amu genab meu beum dootteb. Laippu laa iinab ii tippalom!

Josua 23:14 ပူးပေါင်းရင်းမြစ်များ

Genesis 47:29

Amu haen Israelnu mauhak haen miag uɗiom amu, nug bekka Josep onigppa e uɗie, nug aum. “Na oot dahilnu ena daatte dayeb, na ihinig kobol hena, na eppen da tuɗil waappa mena, nai nahip anan qakkan, na dahilnu oo mauhaknab kobol, oo metta ii uuak kobol ele dim lamidnana, da mauhppi amu, na da gaɗal ippa Isip wanppa ii boummana, na aon gona, da mamelaɗ boumatppigppa, appa da ele boumiɗkkutnu oɗ medattem,” awa aum. Nug anam a amu, Josep nug aum. “Na ame bia amu, da anamib hekkul,” awa aum.

1 King 2:2

Dawit nug aum. “Da danab oh mauhtteb bia, da mauhkkulnu haen aakku miag daatte amunu, na gumak danab ena, ɠagattag ele daanna, uɗat nahip he!

1 King 8:56

“Ig Yawe binag humatu! Nug ig Israel, nuhikkud danab ah, Nug nai ana qakkom, amubia Nug ig maɗoɗ mekkom. Nug nuhig nai qakkak ena oh Moses, nuhig maɗi nid, nug oɗeppa ihinignu mattiom amu, nug nai amu oh hamu laa ii mattiom. Iitta. Nug nai amu oh, nug aum bia heum.

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Eklisiastis 12:5

Na keeke laa attan tekkutnu baɗan; ibppa oikkutnu ele baɗakkut. Na ikkin uɗug am hakkab eppeb; na oikkut, amge qinonob, tap mauhkkun qinonob oitte bia oikkut; na ee, le ele, o beɗun keeke laanu ele dab-ii-memana. Na kaino mena anambia daan, na mauhkkut; na mauhppe, diig amunu mahiak danab ah ag mahiak uɗat henan oiglag.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Esekiel 20:28

Da wan laa ag mamelkad madakkulnu dahil nai ɠagattag qetten mattimi amu, da omalatti, ag wan amuppa gona tena dayona, ag qauko laa nakok okkai anidna, o ag aɗi ad okkai ebekkud bahia ukkak ele anidna amu, ag aben amu ohppa qaɗab aqappig. Ag appa qaɗab aqanna, ag doɗ aon, amuppa main, kayak hambuppuak madappig. Ag keeke laala ele, da ag amu haknu oppoɗi bak doottem, ag keeke amu ahilkad kayak hambuppuak madappig. Ag amuppa kalu danab ile muttuɗig enanag bette ele manan, kayak hambuppuak madappig. Ag amuppa amu henana, ag wain gokkaɗaknu ofa ele amuppa heppig.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Luk 21:33

Hab wan ele am iitta mekkulah, amge nai dahil am iitta iinab mema,” awa aum.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

1 Samuel 3:19

Aria, Yawe Nug Samuel, nuhigppa dayeye, Samuel nug okkai meeme, Yawe he, Samuel nug aɗi aum amu, nai amuam genab meu oum. Nai amu hamu laa ii qettoɗom.