Josua 23:10 - Nobonob Baibel

¹⁰ Yawe, ahilag Kayak, Nug ag ehanadtte. Nug ahilagnu anam hekkunu nai ana qakkom amunu, ag anen anen kekeɗ 1,000 lamadtteb.

Josua 23:10 ပူးပေါင်းရင်းမြစ်များ

2 Samuel 23:8

Dawitnu ban daup ɠagattagnab onilkad am inam. Tatam am Takemon ted onig Josep Basebet. Nug am huu laa onig Danab Ewam dilag ikki dayom. Danab Ewam ag am Dawitnu ban daup oolagppa onilkad okkai, laa oh eɗattak ele. Deɗ laa Josep Basebet nug danab 800 ele ban henana, qep elab nuhigppa aqe mauhppig.

1 Stori 5:20

Ag ban henana, ag Kayak unuqidppig amunu, Nug ehanatte, ag Hagri danab, ahilag ehanattak ele eɗadppig. Ruben danab, Gad danab, amu Israel dilag huu okkai Manase huu mahaib amunu danab, danab amu ag Kayaknu oolagppa genab dooppig amunu, ag Nug unuqitteg, Nug ag ehanattom.

1 Stori 5:22

Kayak Nug Ruben, Gad, Israel dilag huu okkai Manase mahaib dilag daup amu ehanattom amunu, ag Hagri danab eɗadna diippig, amge ag ban henana, kuɗum ele aqappig. Ag danab amu eɗadna, ahilkad wan aona, amuppa daaeg ukke ukke, Asiria uɗin eɗadna, diin gona wan laappa maatteg, ag appa diia ukka laih me dayak danab ah daappig, haen amuppa ag wan amuppa dayaknu batappig.

Sam 35:1

O Yawe, na laa ag da ele mehqak hettem ele amu, na ag ele nug mehqak hekkulagnu oɗ medattem. Yo, na laa ag da ele ban hettem amu, na ag ele ban hekkulagnu unuqidttem.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Eksodas 14:14

Doyeg! Kobol amu bekkunu amu, ag keeke laa ii hemana. Iitta! Ag toettan daappeg, Yawe Nug ag ehanatta, ban hekku.” Moses nug anam aum.

Aisaia 30:17

Amu ag Juda danab 1,000 daappeg, kekeɗ laippuib uɗia heeb, ag Juda ag oolkkulag. Kekeɗ tanig eleib heppeg, ag Juda oh ag oolkkulag. Kekeɗ ag anam hebeppeg ukkeb, ag Juda ag laippu laippu, biidod laippu nukka qauko igippa daatte, ag amubia daaglag. Ao, anam hebeppeg ukkeb, ag Juda ag laippu laippu, pilak nukka qauko igippa daatte, ag amubia daaglag.” Yawe Nug anam atte.

Lewitikas 26:7

Ag geha ahilag kekeɗ lamadna, qep elabppa hadappeg nauhkkulag.

Lewitikas 26:8

Geha ag tanig ele amu, ag kekeɗ 100 lamadkkulag! Ag 100 amu, ag kekeɗ 10 tausen lamadkkulag! Ag geha qep elabppa kekeɗ aqadkkulag.

Sekaraia 12:8

Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Duteronomi 20:3

Nug akku. “O Israel danab ah, ag daulag human doyeg! Ag gemu kekeɗ banelag gotteb. Ag aib baɗappig! Oolagppa gai-iitta aib dooppig. Ag ban henana, ag baɗak eheɗ nau dooppeg, ahilag dabmak eɗatteb, hamu laih laih aib oolppig.

Duteronomi 20:4

Ag ii baɗamnanu diig am, Yawe, ahilag Kayak, Nug ag ele daatteb! Nug ag kekeɗ aqaglagnu ag ehanatta, ban heeb, ag kekeɗ eɗadkkulag!” awa akku.

Duteronomi 28:7

Kekeɗ ag banelag uɗin, aqaglagnu ban hekkulag me, Yawe Nug ehanatteb, ag eɗadkkulag. Kekeɗ ag ib laippuppa uɗin aqaknu ban hekkulag, amge ag ib kuɗumppa, noolagppan oolna gokkulag!

Duteronomi 3:22

Ag aib danab appa daatteb dilagnu baɗappig! Aɗinu? Yawe, ahilag Kayak, Nug ag Israel, Nug ag ehanatta, ban hekku,” awe ami.

Duteronomi 32:20

Nug ag guhuɗatta, Nug aum. “Israel ag eheɗ hekkulagnu ag tiilagppa daatte. Ag oo metta ii uuak kobol hekkulagnu uutteb. Anam amunu, da ag ii ehanadpa. Da anam heppi, ag ahilag gog tak attem daakku amu, da anidkkul.

Duteronomi 32:30

Gadonnab! Laa Nug hanhan ɠagattag daatte, Nug ag uuattom. Ge! Yawe Nug ag kekeɗ eppelagppa mattom. Anam iitta dayeblob amu, kekeɗ laippu nug Israel danab 1,000 ii lamadlo. Ao, kekeɗ aɗit aa Israel danab 10,000 ii lamadlop.

Josua 10:42

Yawe, Israel dilag Kayak, Nug nuhikkud danab banppa ehanattom amunu, haen tutu laippu amuppaib, Josua nug king appanu eɗattowa, nug wan amu oh awom.

Josua 23:11

Ag Yawe, ahilag Kayak, ag nuhignu oolag mauhkkunu, ag dabmettan autna aweg!

Josua 23:3

Yawe, ahilag Kayak, Nug ahilagnu dabmak anuqak awa, Nug diig amunu aɗi aɗi wanppan wan laalappan danab ah dilagppa heum amu, ag amu oh anidppig. Amu beum anidppignu diig am, Yawe, ahilag Kayak, Nugnab, Nug ag ehanadkkunu, Nug ahilkad kekeɗ dilagppa ban heum.

Ikki Danab 15:15

nug donki hippeg ebehi laa wanppa niiom antta, nug amu awom. Donki amu nug anukkanab ii mauhom, amu amuppa Samson nug Pilistia danab 1,000 hippeg amuppa aqe mauhppig.

Ikki Danab 3:31

Ehud dimugppa amu Samgar, nug am Anat bekka, nug Israel ehanatta, ahilag kekeɗ eppelagppan eɗua diiom. Nug Pilistia danab 600 ad laa noobppa aen ele danab ag amuppa makau okkai ebehi ele yaalatteg uɗat hetteb amu, nug ad amuppa ag aqom.

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.