Josua 22:5 - Nobonob Baibel

⁵ Ag gona, appa daaglag, amge ag dabmettan autnanab aonna, ag Yawenu maɗi nid Moses, nug haknunab anak, ɗo ele ag mattom amu, ag amu tutukku dim lamitteg! Amuam ag Yawe, ahilag Kayak, ag nuhignu oolag mauheb, ag nuhig kobol oh dim lamidna oinna, nuhig haknunab anak oh ele dim lamidnan, ag Nugib waappa daaglagnu Nug ouqak ele daan, amu ag meulag ohppa, oolag ohppa ele Nug waappa daan, Nug oɗe dim lamitteg!” awa aum.

Josua 22:5 ပူးပေါင်းရင်းမြစ်များ

Sam 106:3

Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Sam 78:7

Ag menuattak huu laippu bia oh ag anam hekkulag dayeb amu, menuattak huu laippu bia anen anen dokkulag amu, ag ele Kayaknu oolagppa genab dooglag. Ag Nug aɗi aɗi heum ii daulag atima. Ao, ag nuhig ɗo dim lamidkkulag.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Eksodas 20:6

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da ag buɗulkad menuattak huu laippu bia 1,000 dimppa bekkulag amu, dahil oo mauhak amu, ahilagppa ele daakku.

Eksodas 23:13

Nai oh da ag matten, amelagppa ami amu, ag tutukku doon, dim lamitteg! Ag kayak hambuppuak aib unuqidnana, onilkad ele aib diippig. Amuam gunnab.

Eksodas 23:25

Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Prowerb 4:23

Nahip bau dayak attem gokku amu, na oot unuqagnabppanu bette amunu, na oot unuqagnab dabmettan, aut autnanab awe!

Aisaia 55:2

Aɗinu ag ee, ag ɠagattagnab ii madatte ele, ag amuppa men doɗo heeg iitta mette? Ao, ag aɗinu ee ag beɗulagib ehanidtte ele, ag amuib daden metteb? Ag daulag human daappeg, da ag ee ag meulkad oh ehanidkkunu elele amu, da ag ee amu adeppa aoglagnu appi doyeg!

Jeremaia 12:16

Ag anam daana, ag anukka ag kayak hambuppuak Bal dim lamidna, dahilad danab ah ahilag nai Bal onigppa ɠagattag qettaglagnu ippunadppig, ag butti aɗi haen amuppa amubia ag dahilad danab ah dilagppanu ippunittak ena aon autna aonna, ag da dim lamiɗna, ag da onilppa ahilag nai ɠagattag qettaglagnu, ag, ‘Yawe genab bau daatte, genab amu bia,’ akkulag dayeb amu, danab ah amu ag ele dahilad danab ah daaglag.

Matyu 22:37

Nug anam oɗ mette amu, Jesus amegppa aum. “ ‘Naɗi, nahip Kayak, na nuhignu na meut ohppa, oot ohppa, nahip dabmak ohppa ele oot mauhaɗ!’

Matyu 4:10

Awa a amu, Jesus Nug Satan amegppa aum. “Satan, na qe me! Kayak naippa yaak inam daatte. ‘Na Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Duteronomi 10:20

Am ag ebehilag oh bodoetta le mak, Yawe, ahilag Kayak, nuhignu doon, ag Nug noobppa dup nona binag mak kobol nuhignu hena, nuhignab daaglagoitte. Ag ahilag nai ɠagattag qettaglagnu, ag Nug onigppa aakkuib amu hekkulagoitte.

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Duteronomi 11:13

Ag haknunab anak nai, gemu da ag madattem imu oh tutukku dim lamidnana, ag Yawe, ahilag Kayak, ag meulag ohppa, oolag ohppa ele nuhignu oolag mauheb, ag Nug waappa daan Nug oɗe dim lamidkkulag dayeb amu,

Duteronomi 11:22

Aɗinu ag Yawenu haknunab anak oh da gemu ag madattem dim lamidkkulag? Ag amu hekkulag dayeb, amuam ag Yawe, ahilag Kayak, ag nuhignu oolag mauheb, guguittak daanna, Nug ag aɗi hekkulagnu aum amu hekkulag amu,

Duteronomi 13:4

Ag Yawe, ahilag Kayak, ag Nug dim lamidnana, ag Nug aakkuib, ag nuhignu ebehilag oh bodoetta le maɗ! Ag nuhig haknunab anak nai dim lamidnan, Nug waappa daan Nug oɗe dim lamidnana, ag Nug guguittaknab dayeg!

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.

Duteronomi 4:4

Amge ag laa oh, ag Yawe, ahilag Kayak, ag oolag Nug mettan, ena haknu ii uuak kobol hena, Nug dim lamidppig ele, ag amu, ag gemu bau daatteb.

Duteronomi 4:6

Ag tutukku doon dim lamidkkulag! Aɗinu? Amuam ag am doyak dabmak ena ele, diignu doyak tutukku ele ahilagppa daatte amu, am wanppan wan laala amu ippunadkku. Laa ag ɗo amunu doona amu, ag inam akkulag, “Israel wanppan danab ah ag am huu okkainab, ɠagattag ele; ag doyak dabmak ena okkai ele. Ag diignu doyak tutukku ele,” akkulag.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Duteronomi 5:10

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da, ag buɗulkad menuattak huu laippu bia 1,000 dimppa bekkulag amu, dahil oo mauhak amu ahilagppa ele daakku.

Duteronomi 6:17

Ag Yawe, ahilag Kayak, ag ebehilag qaietteb dabmena autnanab aonna, nuhig haknunab anak nai dim lamidkkulagoitte. Amuam ɗo iɗu iɗu oh Nug ag mattom.

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Josua 23:8

Ag amu aib heppig. Iitta! Ag Yawe, ahilag Kayak, ag nuhignu oo metta ii uuak kobol heegeg uɗie, gemu ele hetteb, ag amuib heig!

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

1 Samuel 12:20

Ag anam appig amge Samuel nug aum. “Ag aib baɗappig! Genab, ag eheɗ amu oh heppig, amge ag tuɗidna, Yawe aib dimedappig. Iitta. Ag meulag ohppa Nug waappa daan, Nug oɗe dim lamitteg!

1 Samuel 12:24

Amge ag dabmenan, ag ebehilag oh Yawenu bodoetta le meeb, ag oo metta ii uuak kobol dim lamidna meulag ohppa Nug waappa daan, Nug oɗe dim lamitteg! Ag keeke okkai okkai, Nug ahilagnu heum ele amu, ag keeke amu ele dabmenan oiyeg!

1 Samuel 7:3

Israel danab ah ag anam heegeg, Samuel nug ag amelagppa aum. “Ag meulag ohppa oolag eɗue, Yawe dim lamidkkulagnu hetteb dayeb amu, ag laa dilag kayak hambuppuak dottolkad, amu kayak hambuppuak Astoret iɗu iɗu dottolkad agappeg goppeg, ag noolkadppa dup noa binag mak hekkulagnu uueg! Ag anam henana, ag beɗulag oh agappeg, Yawe, nuhigppa ukkeb, Nugib waappa daan, Nug oɗeib dim lamitteg! Ag amu heppeg, Nug ag Pilistia danab eppelagppanu eɗua diiadkku,” awa aum.