Josua 22:29 - Nobonob Baibel

²⁹ Ig ikka ig manaknu ofanu, o ee aegnu ofa, o mana mettak laala haknu ig ihinig qaɗab laa buuta, Yawe uut, Nug oɗe tabapput nekkunu, o Nug dimettagnignu amu, ig uuaknab doottem. Qaɗab laippuib, Yawe, ihinig Kayak, Nug noobppa mettid haknu peh lag odppa daatte amu, qaɗab amuppaib amu haknu aakkuib daatte,” aon appig.

Josua 22:29 ပူးပေါင်းရင်းမြစ်များ

Genesis 44:17

Nug anam a amu, Josep oɗeppa awa aum. “Iitta. Da anam iinab hepa. Danab nug kap awom ele amu, nugib dahil begbeg maɗi nid daakku. Laa oh ahilagnu amu, ag oolag maɗoɗ ele eɗun, mamelag toppa ukkeg!” awa aum.

Genesis 44:7

Nug anam a, ag appig. “O naɗi, aɗinu na anam attem? Ig, nahipad maɗi nid, ig anam hekkunignu elele iittanab iitta.

1 King 21:3

Nug anam aum, amge Nabot nug Ahap amegppa aum. “Wan amu anukkanu da mamelad aɗi dilag daatte, wan amu da gemu aɗe daattem; am da aul. Yawe Nugnab nuhig ɗoppa da danab laa ii medapanu aum ⌊amunu, da na ii medapa⌋,” awa aum.

2 King 18:22

Amu Asiria dilag ban daup ikki banppa o ban guguittakppa daatte, nug anam awowa, nug nai tuɗitta aum. “Amu ag inam da amelppa akkulagtai. ‘Ig Yawe, Nug am ihinig Kayak, ig Nug ehanigkkunu dabmettem.’ Ag anam akkulagtai, amge Hesekaia nug ag Juda danab ah oh, laa Jerusalemnu, laa Juda wanppa laih laihnu amu, nug ag amelagppa, ‘Ag qaɗab laippu, Jerusalem iikku daatte, qaɗab amuppa aakkuib ag Yawe noobppa dup nona binag mekkulag; laa ohppa am iitta,’ awa ana he, ag Kayak amunu qaɗab, nuhig aabaabppanu mettid lag nakok ele amu, ag amu iite hatteg nauhppig?” awa aum.

2 Stori 32:12

Hesekaia nugnab, nug ag Juda danab ah oh, laa Jerusalemnu, laa Juda wanppa laih laihnu amu, nug ag amelagppa, “Ag qaɗab laippu, Jerusalem iikku daatte, qaɗab amuppa aakkuib ag Yawe noobppa dup nona binag mekkulag; laa ohppa am iitta,” nug anam ana he, ag Kayak amunu qaɗab, nuhig aabaabppanu mettid lag nakok ele amu, ag amu iite hatteg nauhppig?

Rom 3:6

Iittanab! Kayak Nug nai doya hettoɗia epeɗia elele mettak kobol ii dim lamidlo amu, Nug attemnab danab oh dilag kobol epeɗiadlo?

Rom 6:2

Iittanab iitta! Aɗinu? Ig am danab mauhom, hipunin laa ii hette, amubia ig hipunin haknu matu uumut amunu, ig attem heta, gemu ig kobol uumut ele eɗut baula hetat oignig?

Rom 9:14

Amunu ig aɗi akkunig? Ig, “Kayak Nug kobol tutukku ii heum,” akkunigte? Iittanab!

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

Josua 22:26

Ig anam dabmemut amunu, ig ikka, ihinignu ig amut. ‘Ig aakku ahata, qaɗab qekkunig, amge ig qaɗab amuppa manaknu ofa hekkunignu, o mana mettak laala hekkunignu ii hemata.’

Josua 22:28

Ag anam ii amana, amge ag anam ig amenigppa, o ig buɗunkad amelagppa akkulag dayeb amu, ig ag nob mattat, inam akkunig. ‘Antteg! Qaɗab imu, ig mamenkad aɗi heppig amu, am ihinig Yawenu qaɗab bia, amge qaɗab imuam manaknu ofanu, o mana mettak laalanu iitta. Iitta! Qaɗab imuam ag ig ele, ig oh am Yawenu danab ah daattem epponigkkunu at daatte.’

Josua 22:30

Ag anam aeg amu, haen mana mettak danab Pinias, amu Israel dilag ikki danab ele ag Ruben, Gad amu Manase huu mahaib elenu danab dilag nai doona amu, ag oolagppa ena dooppig.

Josua 24:16

Josua nug anam aum, amu danab ah ag nob mena appig. “Ig Yawe uuidta, kayak laa waalagppa daata, ag oɗelag iinab dim lamadmata.

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.