Josua 22:21 - Nobonob Baibel

²¹ Pinias laikkud ele ag anam Israel dilag huu okkai Ruben, Gad amu Israel dilag huu okkai Manase mahaib ele amelagppa anam aeg, ag oɗelagppa aon inam appig.

Josua 22:21 ပူးပေါင်းရင်းမြစ်များ

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Prowerb 16:1

Danab ah ag ahilag dabmakppa aɗi aɗi hekkulagnu maittak aotteb. Anam amge, Yawe Nug aɗi keeke bekku amu, Nug dabmaama he bette.

Prowerb 18:13

Danab nug dab-ii-mettowa, nai nob mette amu; danab amu nug Kayak dab-ii-maama hak hette, nug uɗa nak kobol hette.

Prowerb 24:26

Nai nob mak genab, amuam layam genabnab dayaknu at aakku.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Aposel 11:4

Ag anam appig, amge Pita nug keeke oh be, nug heum ele amunu mehuqaqa, amelagppa inam aum.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Josua 22:20

Am haen Sera bekka Aakan, nug keeke Yawenuib nuhig pelemppa dayom amu, nug amunu Yawe ippunittomnu oo metta ii uuak kobol ii dim lamitte, Yawe Nug Israel danab ah ig oh bu iite mekkom? Nug nukka aakkuib hipunin amunu ii mauhom,” aon appig.

Josua 22:22

“Yawe Nug nukka aakkuib am Kayak! Yawe Nug nukka aakkuib am Kayak! Ig Yawe waappa daagnignu uut, nuhig nai tabapput nekkunu qaɗab imu ii hemut. Ag ig genab Yawe waappa daat, nuhig nai tabapput nekkunu hemut anigtteb dayeb amu, ag gemu ig iqappeg mauhtu! Amge anam iitta. Yawe Nug ig Nug dimettata, kayak laa dim lamidkkunignu ikka ihinignu qaɗab imu ii hemut dootte. Nug dootte amu, ig ag Israel laa oh ele amu dooglagnu oonig daatte. Ig qaɗab amu hemut, amge ig manaknu ofa, o ee aegnu ofa, o laippu dayaknu ofa amuppa ii hemata. Yawe Nug neekka, ig kobol laa amu hekkunignu hemut anigkku dayeb amu, Nug ig bu megakkunu oonig daatte, amge anam iitta.

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,