Josua 22:15 - Nobonob Baibel

¹⁵ Ag gona, Gileat wanppa tena amu, ag Israel dilag huu okkai Ruben, Gad, amu Israel dilag huu okkai Manase mahaib ele, ag amu amelagppa appig.

Josua 22:15 ပူးပေါင်းရင်းမြစ်များ

1 Stori 21:3

King Dawit nug ag amelagppa anam aum, amge Joap nug eɗua nob ma aum. “Yawe Nug heeb, nuhikkud daup ag huanaknab daaglagnu ool daatte. Gemu daup laippu daatte, Kayak Nug heeb, 100 daaglagnu ool daatte. O dahil naɗi, gemu daatteb amu, ag nahipnu, ‘Ihinig okkai,’ aon iite atteb? Na ebaqadkkunignu attem am diig aɗinu na anam hekkutnu attem? Na amu heppe, ig gota amu hekkunig dayeb amu, ⌊Yawe Nug ena ii dooma,⌋ Israel oolagppa aab daakku, am na diig aɗinu anam hekkutnu dabmettem?” awa oɗ mettom.

2 Stori 10:19

Amu haen amuppa digma uɗie, gemu ⌊nai imu yaak haenppa⌋ batak, Israel danab laih, Juda wanppanu yawalti uɗitteppanu, appa ana daatteb, ag Dawit buɗubppanu laa waappa daaglagnu uun, king amunu nai tappaeg nette.

2 Stori 25:27

Amu Amasaia mauhomnu amu, haen nug Yawe dimetta, kayak hambuppuak laa dim lamidkkunu oiyom, haen amuppa laa Jerusalem appa ag nug qeppeg mauhkkunu dabmak aon, ib madippig. Ag anam heeg ukke ukke, maɗ kuɗum uue, ⌊amu hekkulagnu wagai meeg,⌋ Amasaia nug oola, Lakis ukkom, amge ag amu hekkulagnu heppig ele ag danab laa maatteg gona, Lakis appa ag ib anidna, nug qeeg mauhom.

2 Stori 26:18

Ag nug dim lamidna gona, ag nug amegppa appig. “Usia, na hettem imuam tutukku iitta. Kalu danab ile, muttuɗig enanag bettenu uɗat am nahip iitta. Iitta! Am mana mettak danab, Aron buɗub, ag Yawenu tituana mettak daatteb amu, am amu dilag uɗat. Anam amunu na eɗun, Kayaknu mettid lag dimittim gokkutoitte! Na Yawe Kayak ippunittomnu oo metta ii uuak kobol ii dim lamidna, eheɗ iikku heme amunu, Nug na binan ii mettama,” aon appig.

2 Stori 28:13

Ag appig. “Ag danab ah imu aɗualatteg daatteb ele amu, ag danab ah amu Samaria ooppa diin ii uɗiglagoitte. Aɗinu? Ag amu hekkulag dayeb, Yawe Nug ig beɗunigppa hipunin amunu aab anidkku. Aab naɗi ig beɗunigppa gemu daatte; Yawe Nug ig Israel, ihinignu oo nauhak huanak aakku dootte amunu, ag hena, ig Israel, ig Yawe noobppa hipunin kuɗum hemut daattem, ag hipunin ig beɗunigppa daatteb, ag laa ele tuɗidppeg, kuɗumnab daaglagnu hettebte?” aon appig.

Esra 9:15

O Yawe, Israel dilag Kayak, na genab tutukkuib henan daattem amunu ig Israel danab ah, ig gemu oh ii mauhmut. Iitta. Ig daattem ele, ig gemu oɗo yaak danab daat oittem. Ig anam daat, ig gemu ig beɗunigppa aab okkai ele na noomppa daattem. Ig na noomppa iikku daattem, amge ig beɗunigppa aab okkai daatte amunu, ig auntai laa na noomppa genab daakkunu elele? Am laa iitta.” Esra nug Yawe amegppa anam unuqittom.

Esra 9:2

Israel danab ag danab laa umu aɗelkad, ahilkad ah daaglagnu diion, appanu ah diin, ag bekkalkad dilag ah daaglagnu mattanna, ib amuppa ag heeg, ig danab ah, ig Yawenu tituanak daattem, ig laa ag Yawenu danab ah iitta amu, ig tiinig aakku kaboliak daatte. Amu Israel dilag ikki danab, ahilag ehanittak anuqak danab ele, ag Kayak kobol amunu ippunikkomnu oo metta ii uuak kobol ii dim lamidna, amu hekkulagnu danab ah noolag aon ukkaeg, Israel laa ag amu hetteb.” Ag da amelppa anam appig.

Sam 78:8

Am ag mamelkad aɗi bia ii hemana. Ao, ag alalkad ag oolag ɠagattag eppe, nai tappaeg ne, ii dim lamidppig. Ag oolagppa Kayak, nuhigib ii dabmena, oo metta ii uuak kobol ii dim lamidppig. Ao, ag Nugib dim lamidkkulagnu oo metta ii uuak kobol ii dim lamidppig.

Eksodas 32:8

Ag haen elab iitta, pahanab da aɗi hekkulagnunab amelagppa ami amu, ag uuna, golppa makau gaiɗ dottog hewona, ag nug noobppa dup nona binag menana, doɗ main, nug mettana, ag atteb. ‘Doyeg! Imu nug ig Israel, ihinig kayak. Nug ig Isipnu aikka, omaikka uɗiom,’ aon appig.” Yawe nug Moses amegppa anam aum.

Aisaia 63:10

Nug anam heum, amge ag Nug waappa daaglagnu uun, nuhig nai tappaeg ne, ag nuhig Ouɗi Oppiaawak Ele, ag Nug uug nau medappig. Ag anam heppig amunu, Nug eɗua, ahilag kekeɗ dayom. Nugnab aakku ag ele ban heppig.

Lewitikas 26:40

Dahilad danab ah ag da oɗel ii dim lamidkkulag dayeb, ag dahilnu, ‘Ihinig kekeɗ,’ dooglag dayeb, diig amunu da ahilagnu ele, ‘Dahil kekeɗ’ dookkul amunu, da heppi, ag ahilkad kekeɗ dilag wanppa gona daaglag. Anam bekku dayeb, dimppa haen kekeɗ ag ag onilag qeppeg neebeb, dahilad ag ahilag hipuninnu bu elele aona, amu ag ahilag hipunin amu, ag mamelkad aɗi ele dilag hipunin, amuam ag da kekeɗ meɗan, da ippunadminu oo metta ii uuak kobol ii dim lamidppig ele, ag hipunin amu miagib madippeg amu,

Lewitikas 5:19

Amuam eheɗ haknu ofa aakku. Amu danab nug mana mettak amu hekkunu diig am, nug Yawenu keekeppanu ɗo laa tippalom amunu, nug beɗuppa aab ele. Nug Yawe, nuhigppa hipunin heum,” awa aum.

Namba 14:43

Aɗinu? Amalek danab, amu Kanan danab ele ag appa, ag ele ban hekkulagnu daatteb. Ag Yawe dimedappig amunu, Nug ag ele ii daamna; diig amunu kekeɗ ag ag aqadppeg mauhkkulag,” awa aum.

Namba 32:15

Ag Nug ii dim lamidppeg amu, Nug baula danab imu ag atu taɗakppa uuatteb oippeg, hadappeg nauhkkulag. Amu ag ahilag padal mak amu, am ag beɗulagppa padal meppig daakku.” Moses nug Gad buɗub, Ruben buɗub ele, nug ag amelagppa anam aum.

Namba 5:6

“Na Israel inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Haen danabte, o iitta ahte layagppa eheɗ laa hette amu, kobol amuppa nug Yawe ippunittomnu oo metta ii uuak kobol ii dim lamidtte. Haen laa nug eheɗ anam hette amu, nug Yawe oo niitte ele amu ii hette. Laa nug kobol amu hette amu, nug beɗuppa aab ele.

Matyu 18:17

Aria ag nai madippeg, nug amu dilag nai ele doyak uueb amu, na Kayaknu tamaniak amelagppa akkut. Appe, amu ele nug ii doyeb amu, na nuhignu, nug am Kayaknu tamaniak ooppa ii daatte, nug am dimittim danab, anam doye!

1 Korint 1:10

O lailad, da Naɗi Jesus Kristus onigppa ag unuqadttem, ag obatak obatak daamnanu ag oolag laippu dayeg! Ag dabmak laippu, aɗi haknu laippu ele daaglagnu ag oolag laippunab dayeg!

1 Korint 5:4

Ag ihinig Naɗi Jesus onigppa qagmebeppeg, dahil dabmak, amu ihinig Naɗi Jesusnu ɠagattag ele ag ele oh daappeg,

Duteronomi 30:17

Amge ag nuhig ɗo tabappeg nekku dayeb, ag nuhig nai ii dooglag dayeb, ag laa dilag dabmak nau doon, ag kayak hambuppuak noolagppa dup nona binalag mekkulag dayeb amu,

Duteronomi 7:4

Aɗinu? Ag anam heppeg amu, danab ah amu ag heppeg, ag bekkalkad aɗelkad ele ag geha kayak laala noolagppa dup noa binag mak kobol hekkulag. Ag anam heppeg, geha Yawe Nug ahilagnu oo nauhak huana doya, Nug heeb, ag paha padal mena iitta mekkulag.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Josua 22:12

Israel danab laa amu oh ag Silo appa qagmena, ag Israel danab ah Jodan le laih daappig, ag appa banelag gokkulagnu bappaidppig.

Josua 22:16

“Yawenu danab ah oh, ag ag Ruben, Gad, am Manase mahaib danab ah dilagnu, ag heppignu diig dooglagnu oolag daatte. Ag aɗi diignu ag Israel dilag Kayak ippunattomnu oo metta ii uuak kobol ii dim lamidna, Nug oɗe tappaeg neum? Ag attem hena, Yawe dimettan, nuhig nai tappaeg ne, qaɗab laa, Nug ii aum bia heppig?

Josua 22:18

Anam aakku, amu gemu ag baula eɗun, Yawe dim lamidmananu hetteb. Ag gemu Yawenu nai tabappeg nekku dayeb amu, geha butti amu, Nug ig Israel, Nug ihinig ohnu oo nauhkku.

1 Samuel 15:23

Aɗinu? Kayaknu nai tappe naknu am hipunin nau; eman hak bia. Beɗuppa tak kobol am ele hipunin nau; kayak hambuppuak dottolkad danab ag laulkadppa maatteg daatteb noolkadppa dup noa binag mak bia. Na Yawenu nai dim lamidkkutnu uume amunu, Nug king dayaknu ehah na eppenppa, na buɗunad eppelagppa ele daakkunu uutte,” awa aum.