Josua 22:11 - Nobonob Baibel

¹¹ Ag qaɗab naɗi amu qeeg, haen Israel danab ah laa oh ag danab amu ag Kanan wanppa, Gelilot appa, Jodan lenu laih qaban uɗitteppanu, Jodan le guguittak qaɗab naɗi qeppig doona,

Josua 22:11 ပူးပေါင်းရင်းမြစ်များ

Jon 1:28

Jon nug Jodan leppa danab layattette, keeke imu oh Betani appa beum. Betani amu Jodan le laih appa dayom.

Jon 20:1

Sabat amu ukka male, mettidnu deɗ digmakppa Maria, Makdala ted, nug buttuanab gatatu ele moɗppa ukka, men naɗi moɗ ameg qehakkom amu, laa nug men amu buɗibɗib mette ukka, moɗ amegppa ii dayeye anttom.

Jon 20:12

Neekke ukke, engel aɗit lamen hakkab ele, aa Jesus gaɗa niiom, aben amuppa, laa igippa, laa baegppa anam heɗep neya daaeheh anatom.

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

Josua 2:7

Rahap nug anam a, kingnu danab ag aab okkai uun, dimittim gona, lokkumakppa atu italak danab aɗit mattialatppig. Ag gona, ib laa Jodan leppa gotte, ag ib amuppa neekkeg ukke, Jodan leppa, le baag qak daattebppa batappig. Amu haen ag aab okkai uun, dimittim ukkaeg amu, danab ag aabnu aɗ od maippig.

Josua 22:10

Ag ahan, ahilag wanppa gokkulagnu goppig, amge ag gona, appalagppa ii teppig, haen ag Kanan wanppa daanna, Jodan le ii mataɗppig daanna amu, Ruben danab, Gad danab amu Israel dilag huu okkai Manase mahaib danab ag Jodan le guguittak, ag appa qaɗab naɗinab laa heppig. Ag aben onig Gelilot, appa heppig.

Josua 22:16

“Yawenu danab ah oh, ag ag Ruben, Gad, am Manase mahaib danab ah dilagnu, ag heppignu diig dooglagnu oolag daatte. Ag aɗi diignu ag Israel dilag Kayak ippunattomnu oo metta ii uuak kobol ii dim lamidna, Nug oɗe tappaeg neum? Ag attem hena, Yawe dimettan, nuhig nai tappaeg ne, qaɗab laa, Nug ii aum bia heppig?

Josua 22:19

Anam amu, wan ag aoppig ele, wan amuam Kayaknu neekkakppa dubuttid tak ele daatte dayeb, ag uɗippeg, ig ele le imu heqo laih, Yawenu wanppa, appa daatu! Yawenu mettid haknu peh lag amu ihinigppa appa ana daatte. Doppeg ig ihinig wan otit, ag laa mattagnig, amge ag qaɗab ahilagnu laa imu henana, Yawenu nai tabappeg neeb, Nug ele kekeɗ daan, ig ele kekeɗ daat, laippu ii daagnignu aib heppig. Yawe, ihinig Kayak, nukka nuhig qaɗab genab laippu aakkuib daatte.

Ikki Danab 12:5

Ag amu hena, Jepta nug Jodan leppa, le baag qak daatteb, nug laikkud ele ag aben amu diippig amunu, Epraimnu oola ukkak danab ag eɗun mataɗna, Epraim wanppa gokkulagnu heegeg, Gileat danab ag anen anen amelagppa “Na am Israel dilag huu okkai Epraim danab laate?” oɗ madappig. Ag anam oɗ mettaeg, danab nug, “Iitta! Da iitta,” ab,