Josua 21:8 - Nobonob Baibel

⁸ Ag anam heppig amunu, Israel ag Yawe Nug Moses oɗeppa, ag anam hekkulagnunab ippuanattom amu, ag amu aakku dim lamidna, ag aab amu, amu aab amunu gikkiɗah dad okkai ele, Lewi buɗub danab madappig. Ag om ena yaakppa anam heppig.

Josua 21:8 ပူးပေါင်းရင်းမြစ်များ

Genesis 49:5

Aria, Simeon, Lewi ele aa am eamag. Amu aa ɗo tutukku ii dim lamidya, ban eheɗ hepiɗ.

Genesis 49:7

Ahilah oo nauhak am eheɗ nau, am eheɗ laa awaknu anak waappa daakkunu ool daatte. Ao, ahilah oppoɗi bak ameg kokoɗ eppak ele am naunab dayeye, aa laa guittak mattaglahnu uug ii doopiɗ. Anam amu, oppoɗi bak amuam eheɗ laa awaknu anak waappa daakkunu ool daatte. Anam amunu, da heppi, aa buɗulti ag da, Jakop, ag da buɗulad oolagppa matatun daan oiglag. Ao, da heppi, aa buɗulti am da, Israel, ag da buɗulad oolagppa piɗe piɗe oiglag.

Prowerb 16:33

Danab ag aɗi hekkulagnu om ena yaatteb; amge om ena yaak oh aɗi aɗi ippunigtte, amuam Yawe eppegppanu uɗitte.

Prowerb 18:18

Om ena yaakppa nai hak am babaittak daatte. Ao, om ena yaak am he, danab ɠagattag dilag nug qak aakku iitta mette.

Namba 32:2

Ag anam anidna, Moses, mana mettak danab Eleasar, amu Israel danab ah dilag ikki danab ele gumadna gona appig.

Namba 33:54

Ag wan amu om ena yaakppa, aab ikki anen anen panin mattaglag. Ag aulag daakkunu aab ikki okkai anen anen amu, ag wan okkai mattaglag, aab ikki nakok anen anen amu, ag wan nakok mattaglag. Aɗi keeke ahilagppa watte amu, ahilag aakku daakku. Ag Israel ag ahilkad huu okkai ag tatam beppig daatteb amu, ag amu dabmenana paniatteg!

Namba 35:3

Israel ag Lewi buɗub keeke amu madappeg amu, ag aab okkai amuppa daanna, ag gikkiɗah dad, ag amuppa makau, sipsip, amu doɗ laala oh ele ahilkad, ag doɗ amu dad amuppa maadppeg daaglag.

Josua 18:6

Ag anam wan maha eblaih aɗit ele dottog keeke hena, aon uɗin meɗappeg, da geha Yawe, ihinig Kayak, da Nug noobppa om ena yaak heppi, huu anen anen ag maha atten atten awaknu ippunikkeb, ig ahilag doognig.

Josua 21:3

Yawe Nug Israel danab ag anam hekkulagnunab aum amunu, Israel ag aab laala epeɗin, Lewi danab madappig. Ag aab amu, amu aab amunu gikkiɗah dad okkai ele ag wan aulagppanu madappig.

Josua 21:7

Ag aab 12 Merari buɗubnu baelkadppa madappig. Aab amuam, Israel dilag huu okkai Ruben, Gad, amu Seblon ele, am amu dilagppanu aon madappig.

Josua 21:9

Aron buɗub ag Lewi buɗub Kohat, nug buɗubppan amu, Josua aɗi ag om ena yaappig, amu om ena yaak tatam heppig am Aron buɗub amu epponattom amunu, Israel danab ag Israel dilag huu okkai Juda, Simeon ele dilah wanppanu aab imu madappig.