Josua 21:43 - Nobonob Baibel

⁴³ Amunu Yawe Nug Israel mamelkad aɗi amelagppa wan amu madakkunu nai ɠagattag qetta aum amu, Nug aakku wan amu oh Israel eppelagppa me, ag aon, aguppa daappig.

Josua 21:43 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 13:15

Aɗinu? Wan oh na anidttem ele imu amu, da na, na buɗunad ele madappi, haen oh ahilag hanhan daakku.

Genesis 28:4

amu Kayak, Abraham itittak ena mettom amu, Nug heeb, itittak ena amu na beɗunppa dayebeb, na wan laihnu danab wan imuppa gemu daattem ele amu, Kayak, Abraham amegppa aum bia, na wan imu aokkutnu ool daatte,” awa aum.

2 Stori 20:8

Ig mamenkad aɗi ag wan imuppa daan, ag nahip mettid lag imu, na onin iguppa daakkunu hena, ag appig.

Nehemaia 9:24

Ag bekkalkad amu, ag wan amuppa wana, appan danab eɗadna, wan amu aoppig. Na ehanatte, ag Kanan danab wan amuppa daappig eɗatteg, danab amu ag, ag eppelagppa daappig. Na ehanatte, Kanan danab ah amu, ahilkad king ele ag Israel, ag ahilagnu attem hekkulagnu dabmeppig ele, ag ag eppelagppa aakku daappig.

Nehemaia 9:8

Abraham nug oo na metta, ii uua dim lamittette, na hee, na nug ele nug tituanya nai qagapiɗ. Na nai qakkak amuppa na Kanan danab, Hit danab, Amo danab, Peres danab, Jebus danab, Girgas danab ele dilag wan aon, Abraham buɗuppud madakkutnu ame. Keeke oh na hettem amu, na kobol genab tutukku dim lamidna hettem amunu, nai na qakkame ele amu, na hee meu oum.

Sam 105:8

Yawe Nug nuhig nug tituana nai qakkak hanhan dabmette. Nug daug ii atitte. Ao, Yawe Nug ana qakkak nai nuhig hanhan daakkunu aum amu, Nug nai amu dabmette.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

Sam 78:55

Nug ⌊ig alankad⌋ ag noolagppan wan anen anen, amunu danab lamatte goppig. Nug anam he, Israel ag om ena yaak heeg, Kayak ib amuppa Nug huu anen anen ahilag wan, ag aulag daakkunu ag mattom. Ao, Nug ag ahilkad wan anen anen matte, danab ah Israel dilag huu okkai anen anennu amu, ag laulkadppa aakku daappig.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Jeremaia 32:23

Na ag mattae, ag wan amuppa uɗin, danab daappig eppelagppanu aoppig, amge ag na oɗen ii dim lamidppig, nahip ɗo ele dim ii lamidppig. Ag na aɗi hekkulagnunab ame amu, ag ii heppig amunu, na uug nau imu ahilagppa hee beum.

Namba 33:53

Wan amu ahilag daakkunu mattami amunu, ag ahilag daakkunu, ag amuppa nona aona dayeg!

Namba 34:2

“Na Israel danab ah ag inam hekkulagnunab appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Da ag Kanan wan, ag aulag daakkunu aakku madattem. Haen ag Kanan wanppa nokkulag amu, imu amu geha ahilag wan tom daakku.

Duteronomi 11:31

Ag wan umu, Yawe, ahilag Kayak, Nug ag wan amu madatte amu, ag wan amu aon daaglagnu Jodan le imu mataɗna wana nokkulagnu hetteb. Amu haen ag wan amu aon, appa daaglag amu,

Duteronomi 12:29

Ag Kanan wanppa nona, appan danab ah lamadkkulagnu aakku daatteb. Amu Yawe, ahilag Kayak, Nug geha appan wan anen anennu danab appa ana daatteb, Nug heeb, ag danab ɠagattag iitta daan nauhkkulag. Amge ag lamadna malan, ag ahilag wanppa daappeg,

Duteronomi 17:14

Ag Yawe, ahilag Kayak, Nug ag wan madatte amu, haen ag amuppa nona, aon daanna amu, ag digmena inam dabmekkulagtai. “Ig am wan laala talilikkak king ele daatteb, amubia ig king ele daalom.” Ag anam dabmekkulagtai.

Duteronomi 34:4

Yawe Nug Moses amu ippunittowa, nug amegppa aum. “Wan iikku, da Abraham, Aisak amu Jakop ele, ag buɗulkad madakkulnu amelagppa nai ɠagattag qette ami. Gemu da hei, na anidme, amge na wan amuppa ii nomana,” awa aum.

Josua 1:6

Na ɠagattag daan, ootppa ele ɠagattag doye! Aɗinu? Na danab ah imu noolag aon gona, wan umu, da wan amu imun danab ah mamelkad aɗi madakkulnu ag amelagppa dahil nai ɠagattag qein ami amu, da ehanadppi, ag wan amu, ag aulag daakkunu aoglag.

Josua 21:42

Aab amu ohnab am gikkiɗah dad okkai taliliattak eleib; laippu laa anam iitta am iitta.

Ikki Danab 11:24

Na nahip kayak Kemos keeke mettom, na amu dabmette; ig am Yawe, ihinig Kayak, nug keeke mekkom, ig amu dabmettagnig.

1 Samuel 12:8

Am inam. Ag mamelkad aɗi, Jakop, nug baekkudppa ele ag ahan, Isip ukkaeg, haen ukke, dimppa Isip danab ag eheɗ hattegeg, Israel ag amunu Yawe amegppa gaaeg, Nug ehanatta, Moses, Aron ele maate, aa ag Isip uun, wan imuppa daaglagnu anuqya omalatteh, ag uɗin, wan imuppa daappig.