Josua 21:39 - Nobonob Baibel

³⁹ Hesbon amu Jaser ele, amu aab amunu gikkiɗah dad okkai ele madappig. Aab amu oh ebqak am waɗele.

Josua 21:39 ပူးပေါင်းရင်းမြစ်များ

1 Stori 26:31

Hebron buɗubppan danab ah dilagnu amu, ahilag kayappa yaak niitte, amubia Jeria nug ahilag okkai dayom. Am Dawit nug king abenabppa ta dayeye ukke, maɗ 39 uue, maɗ 40 ooppa laa ag kaya nai digdig ebqenana, ag Hebron buɗubppan danab laala ag Gileat wanppa Jaser appa danab keeke haknu elelenab daaegeg anadppig.

1 Stori 6:81

Hesbon, Jaser ele aoppig. Ag aab amu, gikkiɗah dad okkai aab amu taliliattak daatteb ele aoppig.

Jeremaia 48:32

O Sibma danab ah, ag am grep dad meu huanak otte bia. Grep muɗi amuam ebekkud elab elab. Eppeg laa ukka, Le Mauhak amuppa batom. Laa am ukka, Jaser aabppa batom. Anam dayom, amge he nauhak laa am heeb, keeke amu oh nauheb, Jaser danab ah ag amunu gaaglag, amubia da ag Sibma danab ah, ag nauhppeg, da ahilagnu gaakkul.

Namba 32:1

Ruben buɗub, Gad buɗub, ele amu, ag makau, sipsip ele huana bekkadppig. Ag neegna amu, wan onig Jaser, am wan laa onig Gileat ele, wan aɗit amu aa gikkiɗah huana ele anatppig. Aben amuppa makau, sipsip ele daaglagnu enanag anidppig.

Namba 32:3

“Yawe, danab ah wan imuppa daappig ele amu eɗadkkunignu ig Israel ehanikkom. Aab okkai wan imuppa daappig ele onilkad amu inam; Atarot, Dibon, Jaser, Nimra, Hesbon, Eleale, Sebam, Nebo amu Beon ele. Wan aab okkai amu taliliattak amu makau, sipsip ele ag gikkiɗah lakkulagnu enanag ele. Ig, nahip maɗi nid, ihinkad makau, sipsip am doɗ laala kuɗum ele daattem,

Namba 32:37

Ruben danab ag am, Hesbon, Eleale, Kiriataim, Nibo, Balmeon amu Sibma ele eɗun bappaladppig. Ag aab okkai aɗit Nebo, Balmeon ele bappalatppig haenppa amu ag onilti laa ataɗatppig.

Josua 13:17

Hesbon aab amu Rubennu wanppa dayom, amu aab laa ele ag appa daappig. Aab amuam, Dibon, Bamotbal, Bet Balmeon,

Josua 13:21

Matta, nug aab naunau uɗem okkai nakok attan dayom, amuppanu, amu King Sihonnu wan oh ⌊amuppa dayom ele⌋, nug amu ele mattom. Sihon nug am Amo dilag king, Hesbon appa dayom. Moses nug, nug eɗitta, nug Midian dilag okkai ele eɗattom. Ag onilag amu Ewi, Rekem, Sur, Hur, Reba ele. Danab amu ag King Sihon ele aben laippu daanna, ag nug ehanittak danab daanna, ag Sihon ehanidppig.

Josua 13:25

Nug wan onig Jaser, amu Gileat ⌊maha yau uɗitteppanu daatte, am amunu⌋ aab oh, amu wan maha laih Amon dilag ele mattom. Aab onig Aroer am aakku Amon dilag wan tom dayom. Aroer amu Raba guguittak.

Josua 21:38

Mattona amu, Israel ag aab laala Israel dilag huu okkai Gad wanppanu ele madappig. Ag Ramot, Gileat wanppa dayom madappig. Ramot am, danab nug ii doyaya laa qe mauhomnu ehanittak aab okkai laa. Ag aab amu mattan, ag Mahanaim,

Josua 21:40

Amunu aab oh, amu aab amunu gikkiɗah dad okkai ele ag Merari buɗub, Lewi buɗub laa aakku, ag baelkadppa om ena yaakppa madappig am 12.