Josua 21:38 - Nobonob Baibel

³⁸ Mattona amu, Israel ag aab laala Israel dilag huu okkai Gad wanppanu ele madappig. Ag Ramot, Gileat wanppa dayom madappig. Ramot am, danab nug ii doyaya laa qe mauhomnu ehanittak aab okkai laa. Ag aab amu mattan, ag Mahanaim,

Josua 21:38 ပူးပေါင်းရင်းမြစ်များ

Genesis 32:2

Uɗa teeg anatta, Jakop nug aum. “Imuam Kayaknu daup,” awa aum. Nug anam anana, nug aben amu onig Mahanaim ataɗom.

2 Samuel 17:24

Amge Dawit nug Jodan mataɗa ukka, Mahanaim te, Apsalom, Israel dilag daup oh ele ag Dawit lamidna, ag Jodan le mataɗppig.

2 Samuel 19:32

Barsilai nug am danab kaino; maɗ nuhig 80. Nug enub danab amunu, King Dawit nug Mahanaim dayeye, nug ee keeke mettom.

2 Samuel 2:8

Amge amu ii beum haenppa, Ner bekka Apner, nug Saulnu ban daup ikki anuqak dayom amu, Nug Saul bekka Isboset omala, Jodan le mataɗa, Mahanaim ukkom.

1 King 22:3

⌊Amu haen amuppa⌋ Ahap, nug Israel dilag king amu, nug nuhikkud ehanittak anuqak danab amelagppa inam aum. “Ag dootteb, aab Ramot, Gileat wanppanu, aab amuam ihinig, amge Aram ag aoppig. Aab amu Aram dilag king eppegppa daatte, amu aɗinu ig eɗut aognignu, ig keeke laa ii hemut?” awa oɗ mattom.

1 King 4:13

Bengeber, nug am aab Ramot, Gileat wanppanu, amu wan aab amu taliliom ele gumaama, nug Jair ⌊buɗubppan⌋ aab ele gumattom. Jair nug am Manase bekka. Am aab amu oh ele Gileat wanppa daatteb. Amu laih Argob, Basan wanppa daatte, amu ele gumom. Am laih appa amu, aab okkai 60 daatteb; amu oh am aɗ itak ele, od oɗeppa od, aria od manak qaknu keeke brasppa hak ele daatteb.

1 King 4:14

Ido bekka Ahinadap, nug am aab Mahanaim, wan aab amu taliliom ele, amu gumom.

1 Stori 6:80

Ag aab amu aona, ag Israel dilag huu okkai Gad wanppanu Ramot, Gileat wanppa daatte, Mahanaim,

Duteronomi 4:43

Aab amuam iikku: Beser, Ramot, Golan ele. Aab Beser am atu taɗakppan uɗem okkai, nakok attan daatte, appa dayom. Beser amu Israel dilag huu okkai Ruben, amuppan danab laa nug ii doyaya, laa qeeb mauhkku dayeb amu, nug appa ukka ehanittak awa daakkunu otiak. Ramot amu wan onig Gileat appa dayom. Aab amuam Israel dilag huu okkai Gad, amuppan laa nug layag ii doyaya qe mauhom amu, nug ukka appa ehanittak aokkunu otiak. Aab Golan amu Basan wanppa dayom. Aab amuam Israel dilag huu okkai Manase, amuppan laa nug laa ii doyaya qe mauhom, nug ukka, appa ehanittak aokkunu dayom.

Josua 13:26

Wan tom Gadnu laa am Hesbon appa digma ukka, Ramatmispe wana ukka, Betonim wana ukka, Mahanaim wana, Lodebar tomppa waum.

Josua 13:30

Moses nug wan ahilag Mahanaim appa digmekkunu ukka, Basan wan oh, amu King Ognu wan oh ele, nug amu oh ag mattom. Basan wanppa Jair wan banppa awom, amuppa aab 60 daappig, amu nug aab amu oh ag mattom.

Josua 20:8

Jodan le, laih kaɗag uɗitteppanu Jerikonu ukkakppa amu, Israel danab ag ii doyaya laa qe mauhomnu ehanittak aab okkai imu tituanadppig. Laa am Beser. Beser am Israel dilag huu okkai Ruben wanppa, atu taɗak uɗem okkai, nakok attan daatte, amuppa dayom. Laa am Ramot. Ramot am wan onig Gileat, appa dayom. Gileat amu Israel dilag huu okkai Gad wanppa dayom. Laa am aab Golan. Golan nug Basan appa dayom. Basan amu, Israel dilag huu okkai Manase wanppa dayom.

Josua 21:37

Kedemot amu Mepat ele, amu aab amunu gikkiɗah dad okkai ele madappig. Aab amu oh ebqak am waɗele.

Josua 21:39

Hesbon amu Jaser ele, amu aab amunu gikkiɗah dad okkai ele madappig. Aab amu oh ebqak am waɗele.