Josua 21:21 - Nobonob Baibel

²¹ Ag Sekem madappig. Sekem amu Epraim wanppa, qauko qauko daattebppa dayom. Aab okkai amuam danab nug ii doyaya laa qe mauhomnu ehanittak aab okkai dayom. Ag amu mattona, ag Geser,

Josua 21:21 ပူးပေါင်းရင်းမြစ်များ

Genesis 33:19

Nug kala daya, nug Sekem mameg Hamor, nug danab amu baekkudppanu wan nug haen tutu dayaknu aab kala dayom, nug wan amu ahilagppanu daden meum. Wan amu, nuhig nob am silwa maha 100.

2 Samuel 5:25

Yawe Nug anam haknunab aum amunu, Dawit nug anam heum. Nug anam ha, nug Pilistia danab kuɗum aqom. Nug aben onig Gibeon appa digma aqe ukke, Geser batak aqom.

1 King 12:1

Danab ah Israel oh ag gona Sekem appa ag Rehoboam aon, ahilag king mekkulagnu goppig amunu, Rehoboam nug ele appa ukkom.

1 Stori 6:67

Aab amu laa am Sekem. Sekem am ii doyaya laa qe mauhomnu ehanittak aab okkai, Epraim wanppa, qauko qauko daattebppa daatte. Aria, Lewi buɗubnu aab ikki Kohatnu amu, ag aab laala ele Israel dilag huu okkai Epraim wanppanu aoppig, amuam Geser,

Josua 10:33

Josua nug Israel ban daup ele ag Lakis ele ban heegeg amu, Geser dilag king Horam nug nuhikkud ban daup ele ag aab amu dabmettaglagnu teppig. Amge Josuanu danab ag nug qeeg mauhe, nuhikkud ban danab oh ele aqaeg iitta meppig.

Josua 16:10

Josua, nuhig ehanittak ele, ag wan amu Epraim madappig, amge Epraim ag Kanan danab Gesernu ii lamadppig amunu, danab Gesernu ag Epraim oolagppa daaeg uɗie, gemu ⌊nai imu yaak haenppa⌋ ele, ag ahilag maɗi nid bia daatteb.

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Josua 21:22

Kibsaim, amu Bethoron ele, aab amunu gikkiɗah dad okkai ele madappig. Aab amu oh ebqak am waɗele.

Ikki Danab 17:1

Danab onig Maika, nug Epraim wanppa, qauko qauko daatteppa daattom.

Ikki Danab 9:1

Deɗ laa Sekem appa Jerubal, ⌊am Gideon⌋, nug bekka Abimelek nug awikkud anadkkunu ukkom. Nug ukka, awikkud amu, aria nug anig baekkudppa laa oh ele amelagppa aum.