Josua 20:7 - Nobonob Baibel

⁷ Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Josua 20:7 ပူးပေါင်းရင်းမြစ်များ

Genesis 23:2

nug Kanan wanppa aab onig Kiriat Arba onig laa Hebron, nug appa mauhom. Mauhe amu, Abraham nug Sarah mahidkkunu ukkom.

1 King 12:1

Danab ah Israel oh ag gona Sekem appa ag Rehoboam aon, ahilag king mekkulagnu goppig amunu, Rehoboam nug ele appa ukkom.

1 Stori 6:76

Ag aab amu aona, ag Israel dilag huu okkai Naptali wanppanu Galilinu aab Kedes, Hamon, Kiriataim ele aoppig. Ag aab amu, gikkiɗah dad okkai aab amu taliliattak daatteb ele aoppig.

2 Stori 10:1

Israel danab ah oh ag gona, Sekem appa ag Rehoboam aon, ahilag king mekkulagnu goppig amunu, Rehoboam nug ele appa ukkom.

Namba 35:6

Ag aab okkai 48 amu Lewi buɗub mattaglag. Aab okkai eblaih laippu ele amu ii doyaya laa qe mauhomnu ehanittak aab okkai daaglag. Israel ooppa danabte, o ahte nug ii doyaya laa qeeb mauheb, danabte, o iitta ahte nug aab okkai laa amuppa ukka, nug ena daakku. Amu tuɗittak amu, ag baula aab okkai 42, gikkiɗah dad okkai ele matteg! Amu oohoak am 48 oh.

Luk 1:39

Engel ukke haen amuppa Maria nug aha, paha Juda wanppa qauko qauko daattebppa, appa aab laappa ukkom.

Duteronomi 4:41

Amu Moses nug Jodan lenu kaɗag uɗitteppanu, ii doyaya laa qe mauhomnu ehanittak aab okkai ewam he beppig.

Josua 12:22

Kedes dilag king, amu Jokneam dilag king, Karmel appanu ele.

Josua 14:15

Am Kalep nug Anak danab Hebron daappig ii lamattom haenppa uɗiak, haen imuag amuppa danab ag aab amunu Kiriat Arba appig. Onig amuam Anak danab onig, binag okkainab, laa oh eɗattak ele onig Araba, nug onig ataɗppig. Israel ag wan amu oh aɗadna malana amu, ag maɗoɗ daappig.

Josua 15:13

Yawe Nug Josua amegppa Juda dilag wan laih laa Jepune bekka Kalep medakkununab aum. Nug anam aum amunu, Josua nug Kalep Aab Kiriat Arba amuam Hebron mettom. Arba am Anak alag anukkanu.

Josua 19:35

Aab okkai ɠagattag aɗ ele Naptali wanppa daappig amu Sidim, Ser, Hamat, Rakat, Kineret,

Josua 19:36

Adama, Rama, Hasor,

Josua 19:37

Kedes, Edrei, Enhasor,

Josua 20:8

Jodan le, laih kaɗag uɗitteppanu Jerikonu ukkakppa amu, Israel danab ag ii doyaya laa qe mauhomnu ehanittak aab okkai imu tituanadppig. Laa am Beser. Beser am Israel dilag huu okkai Ruben wanppa, atu taɗak uɗem okkai, nakok attan daatte, amuppa dayom. Laa am Ramot. Ramot am wan onig Gileat, appa dayom. Gileat amu Israel dilag huu okkai Gad wanppa dayom. Laa am aab Golan. Golan nug Basan appa dayom. Basan amu, Israel dilag huu okkai Manase wanppa dayom.

Josua 21:11

Ag aab Kiriat Arba, onig laa Hebron, Juda wanppa qauko qauko daattebppa dayom amu, ag aab amu, amu aab amunu gikkiɗah dad okkai ele madappig. Arba amu Anak mameg.

Josua 21:13

Israel ag aab amu aakku mana mettak danab Aron buɗub madappig; ag aab amu, aria aab amunu gikkiɗah dad okkai ele madappig. Hebron aab am ii doyaya laa qe mauhomnu ehanittak aab okkai laa. Ag Lipna,

Josua 21:21

Ag Sekem madappig. Sekem amu Epraim wanppa, qauko qauko daattebppa dayom. Aab okkai amuam danab nug ii doyaya laa qe mauhomnu ehanittak aab okkai dayom. Ag amu mattona, ag Geser,

Josua 21:32

Ag amu mattona amu, Israel ag aab laala Israel dilag huu okkai Naptali wanppanu ele madappig; amuam Galili appa aab Kades, Hamotdor, amu Kartan ele. Ag aab amu, amu aab amunu gikkiɗah dad okkai ele madappig. Galilinu aab Kedes am danab nug ii doyaya laa qe mauhomnu ehanittak aab okkai laa. Aab amu oh ebqak amu ewam.

Josua 24:1

Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.

Ikki Danab 9:1

Deɗ laa Sekem appa Jerubal, ⌊am Gideon⌋, nug bekka Abimelek nug awikkud anadkkunu ukkom. Nug ukka, awikkud amu, aria nug anig baekkudppa laa oh ele amelagppa aum.