Josua 2:24 - Nobonob Baibel

²⁴ Aa ele apiɗ, “Yawe Nug genabnab wan imu oh ig mekkom amunu, danab ah wan amuppa daatteb, ag oh ihinignu baɗak okkai dootteb,” aoya apiɗ.

Josua 2:24 ပူးပေါင်းရင်းမြစ်များ

Eksodas 15:15

Edomnu ikki danab ag eheɗ nau baɗaglag. Ao, Moap danab ɠagattag ele amu, ag ebehilag huanaknab hahaɗadkku. Kanan danab ah dilag ɠagattag am eɗua, le mekku.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Prowerb 25:13

Nai awa ukkak danab, laa ag nuhignu genab elele dooglagnu elele, nug uɗat nuhig ena amuppa, nuhig okkai, ag nug meeg gotte amu, nug ag ehanadtte; ehanittak amuam, danab nug deɗ laa gakkaɗak haen nauppa, nug le oug lawowa, ehanittak aotte, am amubia daatte.

Josua 1:8

Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.

Josua 2:23

Dimppa, deɗ ewam am male, lokkumakppa atu italak danab aɗit aa ahaya, Israel danab ah daattebppa gopiɗ. Aa qauko nakok uuadya, le mataɗya, Nan bekka Josua toppa uɗiya, aɗi ahilahppa beum amu, aa amu oh mattieh, nug doyom.

Josua 5:1

Amo dilag king oh ag Jodan lenu qaban uɗitteppanu daappig, amu Kanan danab ah dilag king Mediterenia yu daugppanu ele, haen ag Yawe Nug he, Jodan le qaɗaiette, Israel danab ah ag mataɗeg dooppig amu, ag baɗak okkai doon, ag Israel danab ele ban hekkulagnu oo ɠagattag qak ii dooppig.

Josua 6:2

Amge Yawe Nug Josua amegppa aum. “Antte! Da Jeriko, nuhig king, nuhig ban danab ɠagattag ele oh na eppenppa aakku mettem.

Josua 8:1

Aakku Yawe Nug Josua amegppa aum. “Na aib baɗame. Nahip dabmak ele qe nak aib dayom. Na ban daup oh diippe, ag gona, Ai ele ban heig! Da king Ainu, nuhig danab ah, nuhig aab okkai, amu nuhig wan ele oh na mettami daatte.

Ikki Danab 1:2

Ag anam oɗ meeg amu, Yawe nob ma aum. “Juda danab ag tatam Kanan banelag gokkulag. Antteg! Da heppi, ag geha danab wan amuppa daatteb ele eɗadkkulag,” awa aum.

Ikki Danab 18:10

Haen ag appa wana amu, ag danab appa daatteb ele ag uug laa ahilagppa bekkunu ii dabmetteb anadkkulag. Kayak Nug ig wan okkai ittag ele mekkom. Keeke laanu tutu iinab memata!” aon appig.

Ikki Danab 7:9

Aria, tuqan amuppa, Yawe Nug Gideon amegppa aum. “Da geha Midian danab ag eppelagppa mekkul amunu, ag ahan, Midian ban danab aqaknu banelag noig!