Josua 2:21 - Nobonob Baibel

²¹ Aa anam aeh amu, Rahap oɗelahppa awa aum, “Ahilah nai am ena, anamib dayaɗ!” awa aum. Nug anam awowa, nug he, aa gopiɗ. Aa ukkaeh, aria nug muɗi kokoɗnab gililppa ulah ibuppa qakkom.

Josua 2:21 ပူးပေါင်းရင်းမြစ်များ

Eksodas 12:28

Aria, Moses, Aron ele aa anam aeh, Israel danab ag doyona, ahan gona, kobol ag anam hekkulagnu, Yawe Nug Moses, Aron ele oɗelahppa haknunab aum, ag Nug aumbianab aakku heppig.

Matyu 7:24

Amunu danab nug nai dahil imu doya dim lamidtte amu, nug danab laa doyak dabmak ena ele, nug danab laa men qaɗeppa lag ukku aɗe, men aɗa dayeye, aria dimppa nug amu attan lag heum bia daatte.

Jon 2:5

Jesus anam a amu, anig nug maɗi nid amelagppa aum. “Nug aɗi nai laa ag amelagppa ab amu, ag Nug oɗe dim lamitteg!” awa aum.

Josua 2:18

Haen ig wan imu aɗagnignu uɗipput, na muɗi kokoɗnab imu aon, gililppa ulah ippu imuppa paɗaite nottep ele amu, na amuppa qagakkutoitte. Aria, ele amu, na mamen, anin, awanad, laipad, na nahipad amu oh diiaɗppe, laut ooppa nona dayeg! Na anam hekkut amu, nai qemut am ɠagattag dayeb, ig dim lamidkkunig. Na anam ii hekkut amu, nai ig qemut am ɠagattag ii daama.

Josua 2:20

Amge na i aɗi hemuɗnu madippe amu, i nai na hee, i ɠagattag qettaɗ amuɗ am ii aɗaitma.” Lokkumakppa atu italak danab aɗit amu aa anam Rahap amegppa apiɗ.

Josua 2:22

Danab aɗit aa goya, qauko nakokppa deɗ ewam daapiɗ. Kingnu danab ag ib mattan gonan neegppig, amge ii anatppig amunu, deɗ ewam uue, ag eɗun, aab okkaippa uɗippig.