Josua 2:18 - Nobonob Baibel

¹⁸ Haen ig wan imu aɗagnignu uɗipput, na muɗi kokoɗnab imu aon, gililppa ulah ippu imuppa paɗaite nottep ele amu, na amuppa qagakkutoitte. Aria, ele amu, na mamen, anin, awanad, laipad, na nahipad amu oh diiaɗppe, laut ooppa nona dayeg! Na anam hekkut amu, nai qemut am ɠagattag dayeb, ig dim lamidkkunig. Na anam ii hekkut amu, nai ig qemut am ɠagattag ii daama.

Josua 2:18 ပူးပေါင်းရင်းမြစ်များ

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

Genesis 7:1

Noa nug Kayak hekkununab aum bia ha male amu, Yawe nug Noa amegppa aum. “Da nahipnu amu, na am danab gemu daatteb oolagppa genab tutukku hak danab daattem anidttem amunu, na, na baenadppa ele, ag uub ooppa noig!

Esta 8:6

Aɗinu? Na amu ii hekkut dayeb, laa ag dahiladnab, dahilad danab ah ele aqappeg mauhkkulag dayeb amu, da attem antten dookkul?” awa aum.

Eksodas 12:13

Ag laulag od uguppa doɗ tiig laittak amu, tiig amuam ag Israel laa, ag lag amuppa daattebnu at daakku. Haen da tiig amu anttena amu, geha da ag tippaladkkul amunu, haen da Isip dilag nid ⌊danab⌋ tatamnu, doɗ ⌊dawai⌋ tatamnu ele aqadkkul amu, ahilagppa am eheɗ laa ii bema,” awa aum.

Solomonnu Ahi 4:3

Na ottin am kokoɗnab; na oɗen am neekkak enanag. Na hippen laplap oh am iɗu hautaknu lamen dimugppa ad pomigranet meu gamagppa obatak laih laih kokoɗ daatte bia daattep.

Lewitikas 14:4

nug laa hekkununab ab, laa nug ai bau aɗit, lanaknu epeɗiak daattep diiata, ad sida maha laa, amu muɗi string kokoɗnab laa, ad hisop eppeg ele diia, mana mettak danab nug danab gaɗa oɗe nau ele amge iitta meum, nug Kayak ele ouqeya daaglahnu amuppa uɗat hekkunu, nug mana mettak danab gumitta uɗikku.

Namba 19:6

Ewebeb amu, mana mettak danab nug ad sida, uud laa onig hisop, amu muɗi kokoɗnab ele diia akkeb, makau balat qaɗeppa teeb, oh eoglag.

Namba 4:8

Keeke amu oh qaɗeppa amu, ag lamen kokoɗnab laa otalona, amu ag kakai maoi gaɗa amu hautona, ag tuqai aɗit aben ahilahppa aɗualatppeg wakkulah.

Luk 19:9

Anam a, Jesus Nug Sakius amegppa aum. “Gemu Kayak Nug na, nahipad ele eɗua diiattom. Aɗinu? Na am Abraham bekka genab,” awa aum.

Aposel 10:27

Am Pita nug Kornilius ele nai mattiiya, lag ooppa noya, Pita nug danab ah kuɗum qagmena daaegeg anattom.

Aposel 10:33

Nug anam a amu da paha hei, danab laala na omaidkkulagnu ukkaeg, am na ena hena uɗime. Aria, ig oh Kayak noobppa inam daatta amu, Naɗi nuhig nai oh Nug na appe doognignu a doome ele amu, na appe doognignu daattem.” Kornilius nug Pita amegppa anam aum.

Aposel 11:14

nug geha na amenppa nai laala mehuqeb dooppe, Kayak Nug na, amu na baenadppa oh ag ele oh eɗua diiadkku.’

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

Hibru 9:19

Tatam amu Moses nug ɗo oh danab dooglagnu mehuqa malowa, dimppa nug makau nakkud tiilkad amu meeme tiilkad ele awa, le ele kabolia, nug sipsip uɗig kokoɗnab amu uud laa onig hisop gumuppa ita, amu amuppa nug tiig le ele nug tituana nai qakkaknu ɗo yaak buk itoɗiak qaɗeppa tauɗ qettowa amu danab oh ele tauɗ aqom.

Josua 2:21

Aa anam aeh amu, Rahap oɗelahppa awa aum, “Ahilah nai am ena, anamib dayaɗ!” awa aum. Nug anam awowa, nug he, aa gopiɗ. Aa ukkaeh, aria nug muɗi kokoɗnab gililppa ulah ibuppa qakkom.

Josua 6:23

Aakku lokkumakppa atu italak danab bau amu aa goya, Rahap, nug mameg, anig ele, nug laikkud, amu nuhigppan oh, nug ele daappig amu, aa ag oh diiya uɗipiɗ. Aa nug baegppan oh diiya, Israel dilag haen tutu dayaknu aab kalak amu dimittim, appa matteh daappig.

Josua 6:25

Amu Rahap nug lokkumakppa atu italak danab, Josua maate Jeriko gopiɗ ele, nug aa diiata lokkumatom amunu, Josua nug ib baag ah Rahap, am nuhigppan ele, ag nug laugppa oh daappig ele, nug ag diia atognoattom. Josua anam he, Rahap nug haen amuppa Israel oolagppa digma daye uɗie uɗie, gemu ⌊nai imu yaak haenppa⌋ ele, nug Israel oolagppa daatte.