Josua 2:14 - Nobonob Baibel

¹⁴ Nug anam a amu, lokkumakppa atu italak danab aa apiɗ. “Aakku! Ig Israel, ig wan imu aopput, na, nahipad ele ag mauhkkulag dayeb amu, Yawe Nug i niteb mauhkkunihnu oonig daatte! Na auntai laa i aɗi aɗi hettepnu, na nug amegppa ii akkut dayeb amu, haen Yawe Nug wan imu ig mekkebeb, ig nahipnu oo bodoettak doota, ena hetata, oo metta ii uuak kobol ele nahipnu dim lamidkkunig,” aoya apiɗ.

Josua 2:14 ပူးပေါင်းရင်းမြစ်များ

Genesis 24:49

Aria, ag dahil okkainu oo mauhaknab dootteb dayeb, ag nuhignu oo metta ii uuak kobol hekkulagnu oolag daatte dayeb amu, ag appeg dookkul. Iitta dayeb amu, ag amu ele appeg doyen, da eɗuen, ib laa anidkkulnu ool maidkku,” awa aum.

Genesis 47:29

Amu haen Israelnu mauhak haen miag uɗiom amu, nug bekka Josep onigppa e uɗie, nug aum. “Na oot dahilnu ena daatte dayeb, na ihinig kobol hena, na eppen da tuɗil waappa mena, nai nahip anan qakkan, na dahilnu oo mauhaknab kobol, oo metta ii uuak kobol ele dim lamidnana, da mauhppi amu, na da gaɗal ippa Isip wanppa ii boummana, na aon gona, da mamelaɗ boumatppigppa, appa da ele boumiɗkkutnu oɗ medattem,” awa aum. Nug anam a amu, Josep nug aum. “Na ame bia amu, da anamib hekkul,” awa aum.

2 Samuel 2:5

Aeg doya, Dawit nug Jabes Gileat danab dooglagnu nai imu me, ahilagppa ukkom. “Ag Saul, ihinig okkai, ag nuhignu oo mauhaknab doon, ag nug gaɗa aon uɗin boumppig amunu, da Yawe Nug ag itittak ena madakkunu ool daatte.

2 Samuel 2:6

Nug ele ahilagnu oo mauhaknab kobol, oo metta ii uuak kobol ele doya dim lamidkkunu ool daatte. Ag kobol ena amu heppig amunu, da ele ahilagnu anam hekkul.

2 Samuel 9:1

Am deɗ laa Dawit nug nuhikkud ehanittak laala oɗ matta aum. “Da Jonatannu dabmein, nuhignu dabmak anuqak awen, Saul baekkudppan laa, nuhignu oo mauhaknab kobol doye dim lamitten hekkulnu ool daatte, amge Saul buɗub laa gemu daattete o iittate?” awa oɗ mattom.

1 King 20:39

Propet nug anam hibaitta dayeye, haen King Ahap nug uɗia gumitta be amu, nug inam eum. “O king, na nai dahil dookkutnu ool daatte. Da, nahip maɗi nid, da banppa daaiyi, ihinig ban danab laa nug kekeɗ laa aɗa, omala da gumiɗa uɗia, nug da amelppa inam aum. ‘Danab imu oolmanu uɗat atognoaknab he! Nug oolkku dayeb amu, da na nidappi mauhkkut. O iitta, da na ii nidakkulnu amu, na nob silwa 34 kilogram anam daden meɗakkut.’ Ban danab amu nug da amelppa anam anana, nug ukkom.

Prowerb 14:22

Danab ag kobol eheɗ hekkulagnu dabmetteb, ag padal metteb; amge laa ag kobol ena hekkulagnu maittak aotteb, ag oo mauhaknab kobol, oo metta ii uuak kobol ele, ag kobol aɗit amuppa daatteb.

Prowerb 18:24

Danab laikkud ag nug ele gaɗappaib layam batappig, ag heppeg, nug na qa nauhkkunu elele; amge layag laa, nug am laikkud laa oh eɗattak, nug nug laikkud dabmatta auta autanab aotte.

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

Aposel 23:22

Daup dilag ikki anuqak nug nid bau nai amu mattie doyowa amu, nug amegppa aum. “Na da amelppa nai imu ame amu, na danab laa amegppa nai amunu iinab mattimna!” Nug nai amu awowa, he ukkom.

Josua 2:15

Amu Rahap laugnu gilil laa am, aab okkai amunu aɗ laih laa dayom amunu, lokkumakppa atu italak danab aɗit aa anam aeh, Rahap nug aa gililppa ulah ibuppanu muɗi aɗeɗe, wanppa aab dimittim nopiɗ.

Josua 6:17

⌊Am tatam nug ag amelagppa inam aum.⌋ “Aab okkai ooppa amu, danab ah, keeke ele oh am Yawenuib nuhig pelemppa daatteb. Ib baag ah Rahap, nug ihinkad lokkumakppa atu italak danab diia atognoatom amunu, nug, nug laugppan laala ele ag aakkuib anam ii daamana.

Josua 6:22

Anam daye, Josua nug lokkumakppa atu italak danab aɗit amelahppa aum. “Keeke haknu nai ɠagattag qetta anak amu dabmetteɗ! Goya, ib baag ah laugppa teya, nug baegppan, am nug ele oh diiya, aab dimittim teiɗ!” awa aum.

Josua 6:25

Amu Rahap nug lokkumakppa atu italak danab, Josua maate Jeriko gopiɗ ele, nug aa diiata lokkumatom amunu, Josua nug ib baag ah Rahap, am nuhigppan ele, ag nug laugppa oh daappig ele, nug ag diia atognoattom. Josua anam he, Rahap nug haen amuppa Israel oolagppa digma daye uɗie uɗie, gemu ⌊nai imu yaak haenppa⌋ ele, nug Israel oolagppa daatte.

1 Samuel 20:8

Anukka na he, i nug tituana nai qakkak laa Yawe noobppa hemuɗ, amu tituanak amuppa i iya iya geha ehanitkkunihnu amuɗ amunu, na dahilnu oo mauhaknab doon, na ame amu, na nai amu dim lamidna ehaniɗkkutnu oɗ medattem. Amge da eheɗ laa hemi dayeb amu, na iuppe mauhei! Aib omaiɗna, na mamen gumidna goppe, nug da iwom.” Dawit nug Jonatan amegppa anam aum.