Josua 19:9 - Nobonob Baibel

⁹ Juda dilag wan am okkainab, ag wan amu oh uɗat mettaglagnu elele iitta amunu, ag laih oppatna, Simeon buɗub madappig. Juda danab, ag ahilag wan okkainab amunu, Israel dilag huu okkai Simeon, ag wan amu ooppanu maha laa, ag aulag daakkunu aoppig.

Josua 19:9 ပူးပေါင်းရင်းမြစ်များ

Genesis 49:7

Ahilah oo nauhak am eheɗ nau, am eheɗ laa awaknu anak waappa daakkunu ool daatte. Ao, ahilah oppoɗi bak ameg kokoɗ eppak ele am naunab dayeye, aa laa guittak mattaglahnu uug ii doopiɗ. Anam amu, oppoɗi bak amuam eheɗ laa awaknu anak waappa daakkunu ool daatte. Anam amunu, da heppi, aa buɗulti ag da, Jakop, ag da buɗulad oolagppa matatun daan oiglag. Ao, da heppi, aa buɗulti am da, Israel, ag da buɗulad oolagppa piɗe piɗe oiglag.

Eksodas 16:18

Ag melemel mena amu, danab nug maana kuɗum awom amu, nug kuɗumnab, laa hamu daakkunu iitta. Aria, danab nug nakokib awom amu, nug qakub ii meum. Iitta. Ag oh anen anen ag ahilag melemelppa eleleib aoppig.

Namba 26:54

Nug huu okkai anen anen dilag amu, nug wan okkai, ag otia madakkuoitte, amge nug huu naunau anen anen dilagnu amu, nug wan nakok otia madakkuoitte. Nug huu, ahilag melemel anen anenppa elele elele otia madakku. Wan ag otieb aoglag amu, amuam ag aulag daakku.

Josua 19:10

Josua nug om ena yaak ebqak ewam ha antta, om ena yaak ippunittom bia nug wan maha ebqak ewam Israel dilag huu okkai Seblon baekkudppa, ag aulag daakkunu mattom. Sarit am Israel dilag huu okkai Seblonnu laih yau uɗitteppanu tomppa dayom.

Josua 19:8

Aab naunau amu, ag daaeg ukke, yau uɗitteppanu ukka, Balatber appa batom. Balatber onig laa am Negebnu Rama dayom. Josua, nuhig ehanittak ele ag wan, aab, aab naunau ele amu, Israel dilag huu okkai Simeon baekkudppa madappig. Aab amu, wan amu ele, am ag aulag daakkunu ag madappig.