Josua 19:26 - Nobonob Baibel

²⁶ Alamelek, Amat, Misal ele. Amu Israel dilag huu okkai Asanu tom am, Mediterenia yuppa digma, Sihorlipnat le matta ukka, Karmel qauko diigppa teum.

Josua 19:26 ပူးပေါင်းရင်းမြစ်များ

1 King 18:19

Anam amu, na Israel danab ah oh dilagppa ag gona, qauko Karmel appa da ele qagmekkunignu nai meppe ukkaɗ! Aria na, amu Balnu propet 450, aria kayak hambuppuak Aserahnu propet 400 ele, kuin Jesebel nug ee matta atognoadtte amu, na amu oh ele diin omaladna gokkut,” awa aum.

1 King 18:20

Nug anam aum amunu, Ahap nug Israel danab ah oh onilagppa e doeg, nug propet amu ele diie gona, Karmel qaukoppa qagmeppig.

1 King 18:42

Aria, Ahap nug ee, le ele lakkunu ugekke, Elaiya nug nuhig maɗi nid ele aa goya, Karmel qaukoppa teya, Elaiya nug gomela, duug qiie, iɗu gatekuɗ giɗoɗolahppa noum.

2 King 2:25

Aria, Elisa nug appanu aha ta, Karmel qaukoppa ukkom. Appanu amu, nug eɗua noa, Samaria ukkom.

1 Stori 6:74

Ag aab amu aona, ag Israel dilag huu okkai Aser wanppanu aab Masal, Abdon,

Solomonnu Ahi 7:5

Qauko Karmel nug aben amuppan qauko laa oh eɗattak daatte, neekkak ele am enanag; amu na ikkin ele amubia daatte; king laulkadppa lamen ena, amuppa piksa enanag hak ele daatteb; amu na ikkin uɗug, nuhig neekkak am enanag amubia daatte; da king, da na ikkin uɗug neekkitten, nahipib daakkulnu doottem.

Aisaia 33:9

Ihinig wan am nauhak daatte, appa danab ah laa ii daatteb. Lebanon appanu ad huanak bunaɗtteb. Atu onig Saron amu, gemu wan amuam atu Araba, am amubia daatte. Wan laih onig Basan, qauko nuhig Karmel appa amu, ad nauhegeg, uɗulag nena qetteb.

Aisaia 35:2

Keeke kuɗumnab atu taɗak appa mappatadppeppeg, wan amuam bala mabatak ena ele, amubia enanag daakku. Wan amunu keeke oh danab nug oo gamag ahak doyaya, baag okkainab ele ahi edatte, amubia wan amunu keeke oh ag danab daaloblob am gamalag aheb, ahi ettalob. Yawe Nug heeb, gemu laih atu taɗak daatte amu, atu amu qinob Lebanon wan binag ele daatte, am binag amubia ele daakku. Ao, Yawe Nug heeb, atu taɗak amu, am qauko Karmel, uɗem naɗi onig Saron ele, aa aben enanagnab, onig ele, am wan amubia daakku. Yawe Nug heeb, atu amu anam bekku amunu, danab ah atu ohnu ag anam anidna, ag Yawenu binag amahlak oppiaawak ele anidkkulag. Ao, ag Kayak, Nug am ihinig Kayak, ag nuhig ɠagattag okkai naɗi ele anidkkulag.

Aisaia 37:24

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi; danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.

Jeremaia 46:18

Yawe Nug Jeremaia amegppa anam ana, nug imu ele Jeremaia amegppa a, nug Isip dooglagnu aum. “Yawe Nukka Ɠagattag Oh Ele, Nug King, Nug inam atte. ‘Da genab bau daattem, genab amubia laa nug ɠagattag okkainab uɗieb, Isip ele ban hekkulag. Laa uɗikku amu, nug laa eɗattak daatte. Aɗinu? Nug qauko onig Tabor, qauko laala ooppa daatte, amge danab nug neekka antta, qauko laa ii dabmette, amubia nug laa eɗattak daatte. Ao, nug qauko onig Karmel, yu guguittak daatte, danab nug neekka antta, keeke laa ii dabmette, amubia nug laa eɗattak daatte.

Josua 15:55

Amu Josua, nuhig ehanittak ele ag aab laala ele Juda madappig. Aab amuam Maon, Karmel, Sip, Juta,

Josua 19:25

Aab imu ag wan tom amu ooppa daappig; Helkat, Hali, Beten, Aksap,

Josua 19:27

Appanu amu, tom am eɗua awa, kaɗag uɗitteppanu ukka, Betdagon waum. Amu oolnu noak onig Iptahelnu Oolnu Noak am Aser, Seblon ele dilah tom gamagppa dayom. Aser dilag tom kaɗag uɗitteppanu am laih yawalti uɗitteppanu ukka, Betemek ta ugakka, Kabul ukka, appanu Neiel

Josua 21:30

Mattona amu, Israel ag aab laala Israel dilag huu okkai Aser wanppanu ele madappig. Ag Misal, Abdon,

1 Samuel 15:12

Samuel nug tuqan amu oh anam ha, buttua nug aha, Saul mattia anidkkunu ukkom, amge laa nug nug amegppa aum. “Iitta. Saul nug Karmel ukkom. Ukka, appa amu nug men okkai laa, danab ah ag amu anidna, Saul dabmena, binag mekkulagnu qappe dayeye, nug eɗua Gilgal ukkom,” awa aum.