Josua 18:28 - Nobonob Baibel

²⁸ Sela, Haelep, Jebus, onig laa am Jerusalem, Gibea, Kiriat Jearim ele madappig. Aab amu oh ebqak amu 14. Aab naunau laala aab amu taliliattak daappig amu, ag amu ele ag madappig. Wan imu aakku, ag aulag daakkunu, Josua, nuhig ehanittak ele, ag Israel dilag huu okkai Benyamin baelkadppa madappig.

Josua 18:28 ပူးပေါင်းရင်းမြစ်များ

2 Samuel 21:14

danab ag Saul, nug bekka Jonatan ele ebehilah, ⌊laa ebehilag ele⌋ Saul mameg Kisnu boumak abenppa boumadppig. Boumak aben amuam Benyamin wanppa, Sela appa dayom. Danab ag amu heppig ele amu, ag King Dawit amelagppa haknunab aum bianab, ag anamib heppig. Amu dimppa amu, Israel ag ahilag wannu unuqitteg, Kayak Nug he, enug haen iitta meum.

2 Samuel 23:29

Bana bekka Helep ele, nug Netopa ted; Benyamin wanppan aab onig Gibea ted onig Itai, nug Ribai bekka;

2 Samuel 5:6

Dawit nug king dayeye, Jebus danab, ag aab okkai Jerusalem appa daaegeg, Dawit nug nuhikkud ban danab ele ag appa banelag gona, Jerusalem teeg, Jebus danab ag ahilag aabnu, “Am aab ɠagattagnab, Dawit nug wagai ma, ooppa nekkunu elele iitta,” dabmenana, ag Dawit amegppa appig. “Na aab okkai ooppa ii nemana. Aɗinu? Ihinkad danab laa amelag gaɗuak, laa baelag nau autaut oitteb ele, ag akka, ag na, nahipad daup ele ag eɗadkkulagnu elele,” aon appig.

2 Samuel 5:8

Dawit nug Jerusalem nuhig daakkunu awom, amge ii awom haenppa nug aum. “Jebus danab imu oh amu, ag dahil kekeɗ, ag ameg gaɗuak, baeg nau autaut oiyak ele daatteb bia doyeye, ahilagnu amu, da nau ninig ele doottem. Auntai laa nug Jebus danab imu eɗadkkunu hekku amu, nug le ippu wan ooppa hoyak dim lamitta ukka, aab imu ooppa ta, ag eɗadkkuoitte. Ib laa iitta,” awa aum. Dawit nug anam aum amunu, danab ag digmena appig. “Ameg gaɗuak, baeg nauhak ele am Dawitnu lag enanagnab, ag appa ii daamna,” adappig.

1 Stori 8:28

Danab amu ag baelkadppa dilag ikki daappig, amu ag buɗulkad onilkad bukppa yaappig, yaak amuppa ag buɗulkad oolagppanu ag danab okkai daappig. Danab amu ag Jerusalem daappig.

Aisaia 10:29

Appa mewona ag gona, qauko ikki oppoɗu noakppa nona, aab okkai Geba, appa haen tutu dayaknu aab kalaglag. Ag appa niibppeg, danab ah Rama aab okkaippanu ag eheɗ baɗaglag. Baɗappeg, King Saul appag diig Gibeanu danab ah ag ahan, aab uun, ag oolna gokkulag.

Jeremaia 6:1

Yawe Nug atte. “Ag Benyamin danab ah, ag ahan ooleg! Ao, ag Jerusalem appa aib daappig. Ag ahan ooleg! Uug naunab yawalti uɗitteppanu uɗitte. Appan laa uɗin heppeg, nauhak okkai nau daakku. Anam amunu, danab ah ag dooglagnu ag trampet Tekoa appa iwaleg! Ge, ag Bet Hakerem appa danab ah anidna, uug naunab uɗitte dooglagnu ag appa pilak, amunu at daakkunu qappeg!

Hosea 10:9

Yawe atte. “O Israel danab ah, anukka Gibea appa ag hipunin naunab laa heppig; ag amu heeg uɗie uɗie, gemu ag tuɗidna hipunin henan daatteb. Gibea appa danab eheɗ heeg, Israel laa oh ag ahan, ban heeg, Gibea aɗi ag iite nauhppig? ⌊Amu Israel danab ah ag gemu eheɗ henan daatteb amu, ag ele bu iite aoglag?⌋

Namba 26:38

Imuam Benyamin buɗubppan aab ikki onilkad. Aab ikki laa onig am Bela. Ag anukkan memettalag am Bela. Aab ikki laa onig am Asbel. Ag anukkan memettalag am Asbel. Aab ikki laa onig am Ahiram. Ag anukkan memettalag am Ahiram. Aab ikki laa onig am Sepupam. Ag anukkan memettalag am Sepupam. Aab ikki laa onig am Hupam. Ag anukkan memettalag am Hupam.

Namba 26:54

Nug huu okkai anen anen dilag amu, nug wan okkai, ag otia madakkuoitte, amge nug huu naunau anen anen dilagnu amu, nug wan nakok otia madakkuoitte. Nug huu, ahilag melemel anen anenppa elele elele otia madakku. Wan ag otieb aoglag amu, amuam ag aulag daakku.

Namba 33:54

Ag wan amu om ena yaakppa, aab ikki anen anen panin mattaglag. Ag aulag daakkunu aab ikki okkai anen anen amu, ag wan okkai mattaglag, aab ikki nakok anen anen amu, ag wan nakok mattaglag. Aɗi keeke ahilagppa watte amu, ahilag aakku daakku. Ag Israel ag ahilkad huu okkai ag tatam beppig daatteb amu, ag amu dabmenana paniatteg!

Josua 15:63

Wan, aab ele amu aakku, Josua, nuhig ehanittak ele ag Israel dilag huu okkai Juda madappig. Amge Juda ag Jebus danab Jerusalem daappig ele amu, ag danab amu lamadkkulagnu elele iitta amunu, Jebus danab ag aguppa daaeg uɗie, gemu ⌊nai imu yaak haenppa⌋ ele, ag aguppa daatteb.

Josua 15:8

Aria, Judanu tom amu ukka, oolnu noak onig Hinom Bekkanu Oolnu Noak aiɗa ugakka wana, qauko Jebus danab daappigppanu yau uɗitteppanu ukkom. Jebus daappigppa, amuam Jerusalem aakku. Tom am anam ukka, Bethinom oolnu noaknu qaban uɗitteppanu, qauko laa daatte amu, am qauko amuppa ta ukka, oolnu noak onig Repaim batakppa, yawalti uɗitteppanu, appa ukkom.

Josua 18:16

Appanu amu, tom nug ukka, oolnu noak onig Hinom Bekkanu Oolnu Noak, amu daugppa, qauko daatte, amu diigppa waum. Oolnu noak onig Hinom Bekkanu Oolnu Noak am oolnu noak onig Repaim, appanu yawalti uɗitteppanu, laih amu guguittak daatte. Tom amu appanu amu, am oolnu noak onig Hinom Bekkanu Oolnu Noak matta ukka, wan maha laa taata, Jebus danab daatteb guguittakppa ta, wan amu oppata ukka, Enrogel waum.

Josua 18:27

Rekem, Irpel, Tarala,

Josua 19:1

Josua nug om ena yaak ebqak aɗit ha antta, om ena yaak ippunittom bia nug wan maha ebqak aɗit Israel dilag huu okkai Simeon baekkudppa, ag aulag daakkunu mattom. Wan amu Juda dilag wan atuppa aakkuib dayom.

Ikki Danab 1:21

Kalep nug ag lamattom, amge Israel dilag huu okkai Benyamin, ag Jebus danab ⌊ag eɗun gona Jerusalem daappig ele⌋ ag amu, ag ii eɗadppig. Benyamin danab ag Jebus danab ii eɗadppig amunu, Jebus danab ag Jerusalem appa, Benyamin danab oolagppa aakku daappig. Ag haen amuppa anam hena daaegeg uɗie, gemu ⌊nai imu yaak haenppa⌋ ele, ag aakku daatteb.

Ikki Danab 19:10

Ah mameg nug anam aum, amge haen imu amu, danab nug gokkununab ahom amunu, nug donki attan dayaknu keeke diia, nuhig donki aɗit attan maatte, aakku nug, nug wau amge waunab iitta, ⌊amu maɗi nid ele,⌋ ag goppig. Ag danab ag aab Jebus, amuppa gotteb ele, ag ib amu aon goppig. Aab amunu amu, gemu ag Jerusalem atteb.

1 Samuel 10:26

Saul ele eɗua, nug laugppa Gibea ukkom. Amu danab laala, ag am danab ɠagattag, Kayak Nug he, ag oolag Saul medappig ele amu, ag Saul ele oh nug ehanidkkulagnu nug laugppa goppig.