Josua 18:14 - Nobonob Baibel

¹⁴ Appanu amu, tom am laih yau uɗitteppanu ukka, qauko nakok amu heqo laih qaban uɗitteppanu, appa ukka, Kiriat Bal appa batom. Kiriat Bal, onig laa am Kiriat Jearim, amuam aab laa Israel dilag huu okkai Juda dilag. Amuam Israel dilag huu okkai Benyamin dilag qaban uɗitteppanu tom aakku.

Josua 18:14 ပူးပေါင်းရင်းမြစ်များ

2 Samuel 6:2

Dawit nug danab amu oh ele ag ahan, Kayaknu Tituanak Nainu Kunup aon, Jerusalem uɗiglagnu aab onig Bala, Juda wanppa dayom amu, ag appa goppig. Tituanak Nainu Kunup, amuam Kayaknu, am Yawe Nukka Ɠagattag Oh Ele, Nug sia king nuhigppa, engel okkai-kerubim aɗit dottolah, Tituanak Nainu Kunup amuppa daattep ele, Nug aa gamalahppa daatte.

Josua 15:60

Josua, nuhig ehanittak ele ag Kiriat Bal, onig laa am Kiriat Jearim, amu Raba ele Juda madappig. Aab amu oh ebqak am aɗit. Aab amu taliliattak aab naunau daappig amu, ag amu ele madappig.

Josua 15:9

Oolnu noak amu batakppa amu qauko laa appa ana, amunu tom am qauko amu igippa ta ukka noa, Neptoanu le nagppa wana, aab qauko Epron guguittak daappig, appanu waum. Appanu amu, eɗua ukka Bala, onig laa Kiriat Jearim appa waum.

Josua 18:13

Appanu amu, tom eɗua yau uɗitteppanu ukka, Lus waum; Lus onig laa am Betel. Amu appanu ukka Atarot Adar waum. Aria, tom nug Atarot Adarnu ukka, qauko nakok Bethoron Honapnu, yau uɗitteppanu, qauko amu igippa ta ukkom.

Josua 18:15

Aria, yau uɗitteppanu tom am Kiriat Jearim aab gigin qaban uɗitteppanu digma ukka, Neptoa guguittak, le qeppuɗia betteppa waum.

Josua 9:17

Israel ag amu doon, ag laippun bappaidna gona, ag deɗ ewamppa Gibeon dilag aab okkai laala, amu italkkulagnu amuppa teppig. Aab okkai amu onilkad amu, Gibeon, Kepira, Berot, amu Kiriat Jearim ele.

1 Samuel 13:18

Huu laa ag ahan, aab onig Bethoron, ag aben amuppa ukkaeg, huu laa ag ahan, aben laa, aben amuam oolnu noak onig Qai Dakkuɗ Dilag Oolnu Noak, danab appa dayaya, neekkeb ukkeb, atu taɗak anidkku amu, ag oolnu noak amu daugppa goppig.